JEREMAÏAH 22:5 - Khasi CL Bible (BSI)

⁵ Hynrei lada phim kohnguh ïa ki hukum jong nga, te nga smai ha phi ba kane ka ïingsyiem kan ngat ha ki jingjot. Ma nga, U Trai, nga la kren.

KA BAIBL

⁵ Hynrei, lada phin ym sngew ïa kine ki ktien, nga smai da lade hi,” ong U Trai, “ba kane ka ïing kan sa long ka jingkynjah.”

JEREMAÏAH 22:5 ပူးပေါင်းရင်းမြစ်များ

JENESIS 22:16

“Nga la smai da ka kyrteng jong nga — U Trai u kren — ba ngan kyrkhu kyrhai ïa me. Namar me la leh ïa kane, bad mem shym la tyngkai noh ïa la u khun marwei na nga,

2 KHRONIKL 7:19

Hynrei lada ma me bad ki briew jong me kin ym kohnguh ïa ki aiñ bad ki hukum ïa kiba nga la ai ha phi, bad phi mane ïa kiwei pat ki blei,

2 KHRONIKL 7:21

“Ka Templ ka long mynta kaba ïoh burom shibun, hynrei kat uba ïaid najan jong ka un lyngngoh bad un kylli, ‘Balei ba U Trai u la leh kumne ïa kane ka ri bad ïa kane ka Templ?’

2 KHRONIKL 7:22

Ki briew kin jubab, ‘Dei namar ba ki la iehnoh na U Trai U Blei uba la wan ïalam ïa ki kpa tymmen jong ki na ka ri Ijipt. Ki la ai ïa la ka jingnguh ïa kiwei pat ki blei, bad ki la mane ïa ki. Kata ka long balei ba U Trai u la pynngat ha ki ïa kane ka apot.’ ”

SALM 95:11

Nga la bitar bad pynlong ka jingsmai kyntang: ‘Phin ym ïohrung da lei lei ha ka ri sha ka jaka ha kaba ngan ai ka jingjahthait ïa phi.’ ”

ISAÏAH 1:20

Hynrei lada pha leh pyrshah ïa nga, pha long kaba la shah tim ban ïap. Ma nga, U Trai, nga la kren.”

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

JEREMAÏAH 17:27

Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

JEREMAÏAH 26:4

U Trai u la bthah ïa nga ban ong ha ki briew, “Ma nga, U Trai, nga la ong ba phi dei ban kohnguh ïa nga da kaba bud ïa ka jinghikai kaba nga la ai ha phi,

JEREMAÏAH 39:8

Ha kata ka por, ki nong Babilonia ki la thang duh ïa ka ïingsyiem bad ïa ki ïing jong ki briew bad pynpra ïa ki kynroh ka Jerusalem.

JEREMAÏAH 44:26

Hynrei mynta to shahshkor ïa ka jingsmai kaba ma nga U Trai, nga la pynlong ha ka kyrteng bakhrawbor jong nga sha phi ki Israel baroh kiba don ha Ijipt: ngan ym shah shuh ïano ïano na phi ban pyndonkam ïa ka kyrteng jong nga ban pynlong jingsmai da kaba ong, ‘Nga smai da U Trai Nongsynshar uba im!’

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

MATHAÏOS 23:38

Bad kumta ïa ka Templ jong pha yn iehnoh bad kan long kaba thylli.

HEBRU 3:18

Haba U Blei u la pynlong ïa ka jingkular bakyntang jong u, “Kin ym ïohrung da lei lei sha ka ri ha kaba ngan ai ïa ki ïa ka jingjahthait” — ïano u kren? Ïa kita kiba la ïaleh pyrshah.

HEBRU 6:13

Haba U Blei u la pynlong ka jingkular ha u Abraham, u la smai ban leh ïa kaei kaba u la kular. Namar ym don uwei ruh u ban kham khraw ban ïa u, u la pyndonkam ïa la ka jong ka kyrteng haba u la pynlong ïa la ka jingsmai.

HEBRU 6:17

Ha kito kiba dei ban ïohpdiang ïa kaei kaba u kular, U Blei u kwah ban pyn-i shai ba un ym pynkylla ïa ki jingthmu jong u; kumta u wanrah de ïa ka jingsmai ha ka jingkular.