JEREMAÏAH 22:3 - Khasi CL Bible (BSI)

³ “Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

KA BAIBL

³ Kumne u ong U Trai: “To leh ïa ka jingbishar bad ïa ka hok, bad pyllait ïa kiba la lute na ka kti u nongbanbeiñ: bad wat leh ïa ka basniew ei ei, wat leh jubor ïa u nongwei, ïa ki khunswet, lymne ïa ka riewkynthei, lymne wat pynmih ïa ka snam balui lui ha kane ka jaka.

JEREMAÏAH 22:3 ပူးပေါင်းရင်းမြစ်များ

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

2 SYIEM 24:4

bad khamtam namar baroh ki briew balui lui kiba u la pynïap. U Trai um lah shuh ban map ïa u Manasseh na ka bynta kata.

Ka Kitab U Job 22:9

Phi la kyntait noh ym tang na kaba ïarap ïa ki riewkynthei, hynrei phi la lute ïa ki khunswet ba la shah lehbeiñ.

Ka Kitab U Job 24:9

Ki briew kiba sniew ki pynlong mraw ïa ki khunswet ba dang rit bad ki shim ïa ki khun jong u briew uba duk kum ka jingsiew ïa ki ram.

SALM 68:5

U Blei, uba shong ha ka Templ bakyntang jong u, u sumar ïa ki khunswet bad u ïada ïa ki riewkynthei.

SALM 82:4

Pyllait ïa ki na ka bor jong ki briew kiba sniew.

SALM 94:21

kiba ïasylla lang pyrshah ïa ki briew kiba bha bad rai pynrem ïa kiba lui lui sha ka jingïap.

SALM 94:6

Ki pynïap ïa ki riewkynthei bad ïa ki khunswet, bad shoh pynïap ïa u nongwei uba shong ha ka ri jong ngi.

EKSODOS 22:21

“Wat lehbeiñ ne pynshitom beiñ ïa u nongwei; kynmaw ba phi ruh phi la long ki nongwei ha Ijipt.

EKSODOS 22:22

Wat lehbeiñ ïa ka riewkynthei ne ïa u khunswet.

PROBERB 23:10

Wat pynkynriah ïa u mawpud uba rim lane knieh ïa ka khyndew ba long trai da ki khunswet.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 58:6

“Ka rukom shah jingit kaba nga kwah ka dei kane: Pynduh noh ïa ki kynjri ka jingbanbeiñ bad ka lyngkor ka jingbymhok, bad ai ba kiba la shah banbeiñ kin ïoh laitluid.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 26:16

Nangta ki nongïalam bad ki paidbah ki ong ha ki lyngdoh bad ki nongïathuhlypa, “Une u briew u la kren ha ngi ha ka kyrteng jong U Trai U Blei jong ngi; um dei ban shah pynïap.”

JEREMAÏAH 5:28

balei ba ki sngaid bad ba la ïoh jingbsa bha. Ym don pud satia ïa ki kam sniew jong ki. Kim ju ai ïa ki hok jong ki khunswet lane pyn-i ka jingbishar hok ïa kiba la shah banbeiñ.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

SNGEWSYNEI 3:36

haba ïa ka jingbishar hok la pynkylla khongpong ha ka ïingbishar, u tip.

ESEKIEL 18:12

U shukor ïa kiba duk, u lute, u bat noh ïa kaei kaba u nongshim ram u ai ha u kum ka bynda. U leit sha ki jaka mane blei thala, da kaba mane ïa ki bleithaw ba-ijli,

ESEKIEL 18:7

Um ju shukor lane lute ïano ïano. U pynphai ïa kaei kaba u nongshim ram u buh bynda; u bsa ïa kiba thngan bad u ai jaiñ ïa kiba lyngkhuit.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

ESEKIEL 45:9

U Trai Nongsynshar u la ong, “Phi la leh pop la slem bha, ko ki nongsynshar ka Israel! Sangeh noh na ka jingleh jubor bad ka jingbanbeiñ jong phi. Leh ïa kaei kaba dei bad kaba hok. Phim dei shuh ban beh noh ïa ki briew jong nga na ka ri jong ki. Ma nga, U Trai Nongsynshar, nga ong ha phi ïa kane.

JOEL 3:19

“Ka Ijipt kan kylla long ka ri shyiap, bad ka Edom kan long ha ka jingjot lehnoh-ei, namar ki la tur ïaleh ïa ka ri Judah bad pynïap ïa ki briew balui lui jong ka.

LEBITIKOS 19:15

“Lehhok bad bishar hok haba phi shim rai ha ka mokotduma; wat shah shiliang ïa uba duk lane ban sheptieng ïa uba riewspah.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

AMOS 5:24

Pynban, ai ba ka jingbishar hok kan tuid kum ka wahduid, bad ka jinglehhok kum ka wah ka bym ju rngad.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

DEUTERONOMI 10:18

U lehhok ïa ki khunswet bad ïa ki riewkynthei; u ieit ïa ki nongwei kiba don bad ngi, bad u ai bam bad ai kup ai sem ïa ki.

DEUTERONOMI 24:17

“Wat pynduh ïa ki hok jong ki nongwei lane ki khunswet, bad wat shim ïa ka jaiñkup jong ka riewkynthei kum ka bynda ïa kano kano ka ram.

DEUTERONOMI 24:7

“Uno uno uba rong jubor ïa la u para Israel bad u pynlong mraw lane die mraw ïa u, u dei ban shah pynïap. Da kumta phin pynduh noh ïa kane ka jingbymman napdeng jong phi.

DEUTERONOMI 25:1

“Lada ar ngut ki Israel ki ïakajia, bad ki leit sha ka ïingbishar, ki nongbishar kin rai pynksan ïa uba hok bad pynrem ïa uba leh palat.

DEUTERONOMI 27:19

“ ‘Ka jingtim U Blei kan hap ha uta u briew uba pynduh ïa ki hok jong ki nongwei, ki khunswet, bad ki riewkynthei.’ “Bad u paidbah baroh un jubab lang, ‘Amen!’

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.