JEREMAÏAH 22:28 - Khasi CL Bible (BSI)

²⁸ Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

KA BAIBL

²⁸ Une u briew u Konaïah u long u khiew ba la pait? U long u khiew ha u bymdon ka jingsngewbha? Namar balei ba la shop noh ïa ki, ma u keiñ bad u symbai jong u, bad ba la bred noh ïa ki sha kata ka ri kaba kim ju ithuh?

JEREMAÏAH 22:28 ပူးပေါင်းရင်းမြစ်များ

2 SAMUEL 5:21

Haba ki Philistia ki la phet, ki la iehnoh shadien ïa ki bleithaw jong ki, bad u Dabid bad ki rangbah jong u ki la rah noh ïa ki.

2 KHRONIKL 21:20

U Jehoram u la don laiphew ar snem ka rta mynba u long syiem, bad u synshar phra snem ha Jerusalem. Ym don mano mano ba sngewsih haba u ïap. Ki la tep ïa u ha ka Nongbah jong u Dabid, hynrei ym ha ka jingtep ki syiem.

SALM 31:12

Baroh ki la klet ïa nga, la kumba nga la ïap; nga long kum kaei re kaei kaba la bret noh,

JEREMAÏAH 14:18

Haba nga leit sha ki lyngkha, nga ïohi ïa ki met jong ki rangbah kiba la shah pynïap ha ka thma; haba nga leit sha ki shnong, nga ïohi ïa ki briew kiba ïapthngan. Ki nongïathuhlypa bad ki lyngdoh ki trei la ki kam, hynrei kim tip ïa kaei ki leh.”

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 17:4

Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 22:27

Men thrang ban ïohi ïa kane ka ri sa shisien pat, hynrei men ym ïoh wan phai shuh.”

JEREMAÏAH 22:30

“Ïa une u briew la pynrem ba un duh noh ïa la ki khun, Un long u briew u ban ym jop shuh. Un ym don ki khun ki ksiew jong u ki ban synshar ha Judah kum ki nonghiarpateng u Dabid. Ma nga, U Trai, nga la kren.”

JEREMAÏAH 24:1

U Trai u pyn-i ha nga ar shang ki soh Dumbur ba la buh ha khmat ka Templ. (Kane ka long hadien ba u Nebukhadnessar u syiem ka Babilonia u la ringmraw ïa u Jehoïakhin, u syiem ka Judah, u khun jong u Jehoïakim, kum u koidi na Jerusalem, lem bad ki nongïalam ka Judah, ki nongtrei dieng, bad ki nongtrei batbit.)

JEREMAÏAH 37:1

U Nebukhadnessar u syiem ka Babilonia u la pynlong syiem ïa u Sedekaïah, u khun jong u Josaïah u syiem ka Judah, ha ka jaka u Jehoïakhin u khun jong u Jehoïakim.

JEREMAÏAH 48:38

Halor ki tnum ïing baroh ha Moab bad ha baroh ki jaka paidbah ym don ei ei hynrei tang ka jingïam sngewsih, namar nga la pynpait ïa ka Moab kum u khra uba ym don shuh mano mano ban kwah.

HOSIA 13:15

Wat lada ki paid Israel ki roi kum ki ñiut, ngan phah ïa ka lyer khluit na mihngi kaba na ri shyiap, bad kan pyntyrkhong ïa ki umpohliew bad ki pung-um jong ki. Kan rong noh ïa kano kano kaba kordor.

HOSIA 8:8

Ki Israel kin long kum kiwei pat ki jaitbynriew bad kin long ki bymlarkam kum u khra ba la pait.