JEREMAÏAH 22:26 - Khasi CL Bible (BSI)

²⁶ Ngan sa bret ïa me bad ïa ka kmie jong me sha ka jinglongmraw. Men leit sha ka ri ha kaba ym shym la kha ïa me, bad hangta phin ïap baroh ar ngut.

KA BAIBL

²⁶ Bad ngan shop noh shabar ïa me, bad ïa ka kmie jong me kaba la kha ïa me, sha kawei pat ka ri, ha ka bym shym la kha ïa phi; bad hangta phin ïap.

JEREMAÏAH 22:26 ပူးပေါင်းရင်းမြစ်များ

2 SYIEM 24:15

U Nebukhadnessar u la ringmraw ïa u Jehoïakhin sha Babilon, lem bad ka kmie jong u Jehoïakhin, ki tnga jong u, ki rangbah pynïaidkam jong u, bad ki rangbah bapawkhmat jong ka Judah.

2 SYIEM 24:8

U Jehoïakhin u la don khatphra snem ka rta mynba u long u syiem ka Judah, bad u la synshar lai bnai ha Jerusalem. Ka kmie jong u ka dei ka Nehushta, ka khun jong u Elnathan uba na Jerusalem.

2 SYIEM 25:27

Ha ka snem ba u Ebilmerodakh u long u syiem ka Babilonia, u la lehsbun ïa u Jehoïakhin u syiem ka Judah da kaba pyllait noh ïa u na ka ïingbyndi. Kane ka la jia ha ka sngi kaba arphew hynñiew jong u bnai uba khat-ar jong ka snem kaba laiphew hynñiew hadien ba la kem koidi ïa u Jehoïakhin.

2 SYIEM 25:29

Kumta u la shah ïa u Jehoïakhin ban kylliang ïa ki jaiñ koidi jong u bad ban ïabam ha ka miej jong u syiem haduh ba kut ka jingim jong u.

2 SYIEM 25:30

Man ka sngi, katba u dang im, la ai baibam ïa u na ka bynta ki jingdonkam jong u.

ISAÏAH 22:17

Me lah ban long uba donkam, hynrei U Trai un shim ïa me bad bret noh ïa me sharud.

JEREMAÏAH 10:18

U Trai un kynting ïa phi shabar jong kane ka ri; un pynlwet ïa phi tad haduh ba yn ym don uno uno ruh na phi uba dang sah. U Trai u la kren.

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

JEREMAÏAH 16:13

Kumta te, ngan bret ïa phi shabar jong kane ka ri sha ka ri kaba ma phi lymne ki kpa tymmen jong phi, phim pat ju tip. Bad hangta phin shakri ïa kiwei pat ki blei mynsngi bad mynmiet, bad ngan ym pyn-i jingisynei ïa phi.’ ”

JEREMAÏAH 22:27

Men thrang ban ïohi ïa kane ka ri sa shisien pat, hynrei men ym ïoh wan phai shuh.”

JEREMAÏAH 28:4

Ngan wallam pat ruh ïa u syiem ka Judah, u Jehoïakhin u khun jong u Jehoïakim, lem bad ki briew baroh jong ka Judah kiba la leit sha ka jinglongmraw ha Babilonia. Ho-oid, ngan pynkheiñ ïa ka bor jong u syiem ka Babilonia. Ma nga, U Trai, nga la kren.”

JEREMAÏAH 29:2

Nga la thoh ïa ka hadien ba u syiem Jehoïakhin, ka kmie jong u, ki rangbah synshar ha ka ïingsyiem, ki nongïalam jong ka Judah bad Jerusalem, ki nong-ohdur, bad ki nongtrei batbit ki la shah ringmraw.

JEREMAÏAH 44:14

Yn ym don na ki briew jong ka Judah kiba la iehnoh shadien bad kiba la wan sha Ijipt ban shong ban sah kin lait phet ne lait ïap. Yn ym don uwei ruh na ki u ban leit phai sha Judah, sha kaba ki sliang ban shong ban sah sa shisien pat. Yn ym don ba ïoh wan phai lait noh katto katne ki nongphetwir.”