JEREMAÏAH 22:23 - Khasi CL Bible (BSI)

²³ Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

KA BAIBL

²³ Ko pha kaba shong ha Lebanon, kaba thaw la ka skum ha ki dieng Kedar, A katno phan long ka ba'n sngewsynei ïa pha haba ka jingsuh kan wan ha pha, ka jingsuh kum ka kynthei kaba suhkhun!”

JEREMAÏAH 22:23 ပူးပေါင်းရင်းမြစ်များ

JEREMAÏAH 21:13

Pha ko Jerusalem, pha kaba shong shajrong eh na ki ri them, kum u mawsiang uba ïeng shajrong na ka madan. Hynrei ngan ïaleh pyrshah ïa pha. Pha ong ba ym don ba lah ban tur ïaleh ïa pha ne ban pynpra ïa ki jingker jong pha.

JEREMAÏAH 22:6

“Ha nga, ka ïingsyiem Judah ka long kaba itynnat kum ka ri Gilead, bad kum ki lumbah Lebanon; hynrei ngan pynlong ïa ka, ka jaka kynjah ha kaba yn ym don bashong basah.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

JEREMAÏAH 48:28

“Phi ki briew kiba shong ha Moab, iehnoh ïa la ki shnong! Khie bad leit sah ha ki riat bah! Long kum ka lyngdkhur kaba thaw ïa la ka skum harud jong ka synrang.

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

JEREMAÏAH 6:24

“Ngi la ïohsngew ïa ka khubor,” ong ki briew ka Jerusalem, “bad ki kti jong ngi ki noh kyrwep, la kem ïa ngi da ka jinglyng-a bad ka jingpang kum ka kynthei kaba suh kha.

ESEKIEL 17:3

ban pyntip ïa ki ïa kaei kaba ma nga, U Trai Nongsynshar nga ong ha ki: La don u pukni radbah uba don ki sner ba-itynnat bad ki thapniang kiba khraw, kiba pyiar heh. U la her sha ki lumbah Lebanon bad u la pynkheiñ ïa ka kliar jong u dieng Kedar,

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

AMOS 9:2

Wat lada ki tih ïa ka lynti jong ki shapoh ka pyrthei kiba ïap, ngan kem ïa ki. Wat lada ki kiew sha bneng, ngan patan ïa ki shapoh.

OBADAÏAH 1:4

Wat la pha pynlong ïa la ka ïing shajrong kat ka skum pukni, khnang ba yn i kumba ka don hapdeng ki khlur, pynban ngan pynhiar ïa pha sha tbian.

HABAKKUK 2:9

Phi long ba la tim! Phi la pynriewspah ïa la ka longïing da kaei kaba phi la shim da kaba leh jubor, bad phi la pyrshang ban pynlong ïa la ka ïing kaba lait na ki jingpynmynsaw bad jingma!

JINGKHEIÑ 24:21

Ha ka jingïohipaw jong u, u ïohi ïa ki Ken, bad u la kren ïa kane ka jingïathuhlypa: “Ka jaka kaba phi shong ka long kaba skhem, Kaba shngain kum ka skum ba la shna shajrong halor ka synrang;