JEREMAÏAH 22:22 - Khasi CL Bible (BSI)

²² Ïa ki nongïalam jong phi yn rong noh da ka lyer, kiba ïateh lok bad phi kin shah ring kum ki mraw ka thma; ïa ka nongbah jong phi yn pynjahburom bad shah pynlehrain namar ki kam bymman baroh kiba phi la leh.

KA BAIBL

²² Ka lyer kan bsa ïa ki nongaplangbrot jong pha, bad ki nongieit jong pha kin leit long mraw: hangta te shisha yn pynlehrain bad yn pynlyngngoh ïa pha namar ka jingleh bymman jong pha baroh.

JEREMAÏAH 22:22 ပူးပေါင်းရင်းမြစ်များ

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

JEREMAÏAH 10:21

Nga la jubab, “Ki nongïalam jong ngi ki long kiba mutlop; kim shym kyrpad ïa U Trai ban ïoh jingïalam. Dei kane keiñ balei ba ki shahjop, bad ki briew jong ngi ki la shah pynsakma.

JEREMAÏAH 12:10

Shibun ki nongsynshar nongwei ki la pynjot ïa ka bri sohwaiñ jong nga; ki la ïuhroit ïa ki lyngkha jong nga; ki la pynkylla ïa ka ri ba-itynnat jong nga sha ka ri shyiap.

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 2:37

Phin phai noh na ka Ijipt, da kaba sdien ïa ka khlieh jong phi ha ka jinglehrain. Ma nga, U Trai nga la kyntait ïa kito kiba phi la shaniah; phin ym ïoh kano kano ka jingmyntoi na ki.”

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 20:11

Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 4:30

Ko Jerusalem, pha long kaba la tim! Balei pha riam ha kaba saw syn-iang? Balei pha deng jingdeng bad airong ïa ki khmat jong pha? Pha pynbhabriew ïa lade ym na ka bynta kano kano! Ki nongleh-ieit jong pha ki la kyntait ïa pha bad ki kwah ban pynïap ïa pha.

JEREMAÏAH 5:13

Ki la ong ba ki nongïathuhlypa kim long ei ei hynrei ki pla dap lyer bad ba kim don ka khubor na U Trai. U Trai U Blei Badonbor Baroh u la ong ha nga, “Ko Jeremaïah, namar ba kine ki briew ki la kren ïa kum kine kiei kiei, ngan pynlong ïa ki ktien jong nga kum ka ding ha ka shyntur jong me. Ki briew kin long kum ka dieng, bad ka ding kan bam duh ïa ki.”

JEREMAÏAH 7:19

Hato nga long shisha ma nga uta uba ki pynmong? Em, ki ïa pynmong ïa lade hi bad ki wallam ka jinglehrain ha lade hi.

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 13:15

Wat lada ki paid Israel ki roi kum ki ñiut, ngan phah ïa ka lyer khluit na mihngi kaba na ri shyiap, bad kan pyntyrkhong ïa ki umpohliew bad ki pung-um jong ki. Kan rong noh ïa kano kano kaba kordor.

HOSIA 4:19

Yn sa rong noh ïa ki kumba kit da ka lyer, bad kin sa shah ka jinglehrain namar ba ki kñia ha ki blei thala.

SEKHARAÏAH 11:17

Uta u nongaplangbrot u bymmyntoi ei ei u long uba la tim! U la iehnoh ïa la ka kynhun langbrot. Ka thma kan pynjot khoit ïa ka bor jong u. Ka kti jong u kan ïapstai bad ka khmat kamon jong u kan long kaba matlah.”

SEKHARAÏAH 11:8

Ngam lah shah shuh ïa ki lai ngut kiwei pat ki nongaplangbrot, kiba la isih ïa nga, bad nga la beh noh ïa ki baroh hapoh shi bnai.