JEREMAÏAH 22:21 - Khasi CL Bible (BSI)

²¹ U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

KA BAIBL

²¹ Nga la kren ha pha ha ka jingmanbha jong pha; hynrei, pha la ong, ‘Ngan ym sngap.’ Kane ka la long ka rukom jong pha naduh ba pha dang samla, ba pham kohnguh ïa ka ktien jong nga keiñ.

JEREMAÏAH 22:21 ပူးပေါင်းရင်းမြစ်များ

2 KHRONIKL 33:10

Wat la U Trai u la maham ïa u Manasseh bad ïa ki briew jong u, ki kyntait ban shahshkor.

SALM 129:1

Ko Israel, to ïathuh ïa ngi haduh katno ki nongshun jong pha ki la pynshitom sat ïa pha naduh mynba pha dang samla.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

ISAÏAH 48:8

Nga la tip ba ïa phi ym lah ban shaniah, la ju tip ïa phi kum u nongïaleh pyrshah. Na kata ka daw phim pat ju ïohsngew satia ïa kane, balei ba wat shikyntien ruh kam shym la wan ha ki shkor jong phi?

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 2:25

Ko Israel wat pynlwait ïa ki kjat jong me, lane shah ïa u pdot jong me ban tyrkhong na kaba beh ïa kiwei pat ki blei. Hynrei me ong, ‘Em! Ngam lah ban phai dien. Nga la ieit ïa ki blei nongwei bad ngan leit hadien jong ki.’ ”

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 25:3

“La arphew lai snem, naduh ka snem kaba khatlai ba u Josaïah u khun jong u Amon u la long u syiem ka Judah, haduh kane ka sngi hi, U Trai u la kren ha nga, bad nga la ïai pynsngew ha phi man ka por, hynrei phim shym la pynleit jingmut.

JEREMAÏAH 25:4

Wat la U Trai u ïai phah sha phi ïa ki shakri jong u ki nongïathuhlypa, pynban phim shym la sngap ne patiaw ei ei.

JEREMAÏAH 25:7

Hynrei U Trai da lade hi u ong ba phi la kyntait ban shahshkor ïa u. Pynban, phi la pynbitar ïa u da ki bleithaw jong phi bad phi la wallam ïa ka jingpynshitom jong u ha phi hi.

JEREMAÏAH 25:8

“Kumta te, namar ba phim shym la shahshkor ïa u, U Trai Badonbor Baroh u ong,

JEREMAÏAH 3:24

Hynrei ka jingmane ïa u Baal, u blei ka jinglehrain, ka la pynlong ïa ngi ban duh ïa ki kynhun langbrot bad kynhun masi, ïa ki khun shynrang bad ki khun kynthei — kiei kiei baroh kiba ki kpa tymmen jong ngi ki la trei naduh ki por mynbarim.

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

JEREMAÏAH 32:30

Naduh kaba sdang eh jong ka histori jong ki, ki paid Israel bad ki paid Judah ki la pynsngewsih ïa nga bad ki la pynbitar ïa nga da kaei kaba ki la leh.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 48:11

U Trai u ong, “Ka Moab ka la ju long kaba shongshngain bad ym pat ju ïalam mraw ïa ka. Ka Moab ka long kum ka waiñ kaba la shu ieh kumta khlem pynkhih bad ka bym ju phylliew na uwei u klong sha uwei pat. Ïa ka jingsuhsieng jong ka ym pat shu pynsniew, bad ka jingmad jong ka, ka long kaba bang kumba ju long.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

ESEKIEL 20:21

“Hynrei kata ka pateng bynriew ruh ka la ïaleh pyrshah ïa nga. Ki la pynkheiñ ïa ki aiñ jong nga bad kim shym la bat ïa ki hukum jong nga, kiba wallam jingim ha uno uno uba kohnguh ïa ki. Ki la pyntngit ïa ka Sabbaton. Nga la kloi ban shah ïa ki ban sngew ïa ka bor ka jingbitar jong nga hangta ha ka ri shyiap bad ban pynïap ïa ki baroh.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 20:8

Hynrei ki la ïaleh pyrshah ïa nga bad ki la kyntait ban shahshkor. Kim shym la bret noh ïa ki bleithaw ba-ijli jong ki lane iehnoh ïa ki blei jong ki nong Ijipt. Nga la kloi ban shah ïa ki ban sngew ïa ka bor ba-pura jong ka jingbitar jong nga hangta ha Ijipt.

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

SEKHARAÏAH 7:7

Kane ka dei kaei kaba U Trai u la ong lyngba ki nongïathuhlypa kiba mynshuwa ha ka por mynba ka Jerusalem ka dang manbha bad dap da ki briew bad mynba dang don bun ki briew kiba shong basah ym tang ha ki shnong sawdong ïa ka nongbah hynrei kumjuh ruh ha ka phang bashathie bad ha ki kjat lum ha ka phang sepngi.

DEUTERONOMI 31:27

Nga tip haduh katno phi long kiba mutlop bad kiba ïaleh pyrshah. Phi la ïaleh pyrshah ïa U Trai mynba nga dang im, bad ynda nga la ïap lei lei, phin nang kham ïaleh pyrshah ïa u.

DEUTERONOMI 9:24

Naduh ba nga la ithuh ïa phi, phi shait ïaleh pyrshah ïa U Trai.

DEUTERONOMI 9:7

“Wat ju klet kumno phi la pynbitar lep ïa U Trai ha ka ri shyiap. Naduh ka sngi ba phi mih na Ijipt haduh ba phi poi hangne, phi la ïaleh pyrshah ïa u.