JEREMAÏAH 22:19 - Khasi CL Bible (BSI)

¹⁹ Yn tep ïa u kumba tep ïa u kada, un sa shah ring bad bret ïa u shabar ki khyrdop ka Jerusalem.”

KA BAIBL

¹⁹ Yn tep ïa u da ka jingtep ka kadda, ba la ring bad ba la bred noh sha lyndet ki khyrdop ka Jerusalem.”

JEREMAÏAH 22:19 ပူးပေါင်းရင်းမြစ်များ

1 SYIEM 14:10

Namar kane, ngan pynhap ïa ka jingjynjar ha ka longïing syiem jong me bad ngan pynïap ïa ki khun ki ksiew shynrang baroh, ïa u samla bad u tymmen kumjuh. Ngan pynduh khoit ïa ka longïing jong me; kumba sar lut ïa ka jakhlia.

2 SYIEM 23:36

U Jehoïakim u la don arphew san snem ka rta mynba u long syiem ka Judah, bad u synshar khatwei snem ha Jerusalem. Ka kmie jong u ka dei ka Sebidah, ka khun u Pedaïah na ka shnong Rumah.

2 SYIEM 24:6

U Jehoïakim u la ïap bad u Jehoïakhin u khun jong u, u la long syiem ha ka jaka jong u.

2 SYIEM 9:35

Hynrei ki briew kiba mih ban leit tep ïa ka, kim shem ei ei shuh lait tang ka shynrong khlieh jong ka bad ki shyieng kti bad shyieng kjat jong ka.

2 KHRONIKL 36:6

U Nebukhadnessar u syiem ka Babilonia u tur ïaleh ïa ka Judah, u kem ïa u Jehoïakim, bad u ïalam ïa u sha Babilonia da kaba khum ha ki kynjri.

EKLESIASTIS 6:3

Ngi lah ban don shispah ngut ki khun bad ban im slem, hynrei kam pher haduh katno ngi im, lada ngim ïoh ïa la ka bynta jong ka jingsngewkmen bad ïohpdiang ïa ka jingontep kaba donburom, te nga ong ba kham bha u khunlung uba la kha ïap.

JEREMAÏAH 15:3

Ma nga, U Trai, nga la kut jingmut ba saw tylli kiei kiei kiba shyrkhei kin jia ha ki: kin shah pynïap ha ka thma; ïa ki met jong ki yn patan noh da ki ksew; ki sim kin bam ïa ki, bad ki mradkhlaw kin bam ïa kaei kaba sah.

JEREMAÏAH 36:30

Te mynta, ma nga U Trai, nga ong ha me, ko syiem Jehoïakim, ba yn ym don u ban hiarpateng na me u ban synshar shuh halor ka hima u Dabid. Ïa ka metïap jong me yn bret shabar ha ka jingshit kyr-ang ka sngi ha ka por mynsngi bad ha u thah mynmiet.

JEREMAÏAH 36:6

Hynrei nga kwah ïa me ban rung hangta ha kawei pat ka sien ba ki briew kin ïashahjingit. Men pule jam na ka kot kli, khnang ba kin ïohsngew ïa kiei kiei baroh ba U Trai u la lah ong ha nga bad ba nga la dep phah thoh ha me. Leh ïa kane ha ka jaka ba baroh ki lah ban ïohsngew ïa me, kynthup ïa ki paid Judah kiba la wan rung shapoh na ki shnong jong ki.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

ESEKIEL 19:8

Ki jaitbynriew ki la ïalumlang ban ïaleh ïa u; ki briew ki la ïawan na kylleng sawdong. Ki la phriang ïa la ki jar behmrad bad ki la ïohkem ïa u ha ka jingriam jong ki.

ESEKIEL 39:5

Kin kyllon ïap sha lum sha wah. Ma nga, U Trai Nongsynshar, nga la kren.