JEREMAÏAH 22:18 - Khasi CL Bible (BSI)

¹⁸ Kumta te, U Trai u ong kumne shaphang u Jehoïakim u khun jong u Josaïah, u syiem ka Judah, “Yn ym don ba ïambriew ha ka jingïap jong u lane ba ong, ‘A katno kaba shyrkhei, ko paralok jong nga, A katno kaba shyrkhei!’ Yn ym don mano mano ba ïam sngewsih ïa u lane uba kyang, ‘A ko Kynrad jong nga!’ ‘A ko syiem jong nga!’

KA BAIBL

¹⁸ Namar kata, kumne u ong U Trai shaphang u Jehoïakim u khun u Josaïah, u syiem ka Judah; “Kin ym ïambriew ïa u, da kaba ong, ‘A u para jong nga!’ lane, ‘A ka para!’ Kin ym ïambriew ïa u, da kaba ong, ‘A kynrad!’ lane, ‘A ka burom jong u!’

JEREMAÏAH 22:18 ပူးပေါင်းရင်းမြစ်များ

2 SAMUEL 1:26

“Nga pangnud namar jong me, ko Jonathan u para jong nga; Katno me long uba nga la sngewieit! Katno phylla long ka jingieit jong me ïa nga, Kham palat ban ïa ka jingieit ki kynthei.

1 SYIEM 13:30

U tep ïa ka metïap ha ka jingtep jong ka longïing jong u hi, bad ma u bad la ki khun shynrang ki ïam sngewsih ïa ka, ki da ong, “O u para jong nga, u para jong nga!”

2 SYIEM 23:36

U Jehoïakim u la don arphew san snem ka rta mynba u long syiem ka Judah, bad u synshar khatwei snem ha Jerusalem. Ka kmie jong u ka dei ka Sebidah, ka khun u Pedaïah na ka shnong Rumah.

2 SYIEM 23:6

U weng noh na ka Templ ïa ka dur jong ka blei Asherah, bad rah ïa ka shabar ka nongbah sha ka Them Kidron, u thang ïa ka, u pynlwet phum ïa u dpei jong ka, bad pynsaphred ïa ka ha jingtep paidbah.

2 SYIEM 24:6

U Jehoïakim u la ïap bad u Jehoïakhin u khun jong u, u la long syiem ha ka jaka jong u.

1 KHRONIKL 3:15

U Josaïah u don saw ngut ki khun shynrang: u Johanan, u Jehoïakim, u Sedekaïah, bad u Joahas.

2 KHRONIKL 35:25

U Jeremaïah u nongïathuhlypa u thaw ïa ka jingrwai pangnud ïa u syiem Josaïah. Ka long ka rukom ha Israel na ka bynta ki nongrwai, kynthei bad shynrang, ban rwai ïa kane ka jingrwai haba ki ïambriew namar jong u. La shem ïa kane ka jingrwai ha ki jingrwai pangnud ba la lumlang.

2 KHRONIKL 36:5

U Jehoïakim u la don arphew san snem ka rta mynba u long u syiem ka Judah, bad u la synshar khatwei snem ha Jerusalem. U la leh pop pyrshah ïa U Trai U Blei jong u.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

JEREMAÏAH 21:11

U Trai u la ïathuh ha nga ban ai ïa kane ka khubor ha ka ïingsyiem Judah, ki khun ki ksiew u Dabid: “To shahshkor ïa kaei kaba ma nga, U Trai, nga ong. To khmih ba yn don ka jingbishar hok man la ka sngi. Ïada ïa u briew uba shah thok na uta uba thok ïa u. Lada phim leh kumta, ka jingbymman kaba phi leh kan pynlong ïa ka jingbitar jong nga ban meh kum ka ding kaba ym lah ban pynlip.

JEREMAÏAH 22:10

Ko ki paid Judah, wat ïam na ka bynta u syiem Josaïah, wat ïam pangnud ïa ka jingïap jong u. Hynrei ïamkthang na ka bynta u Joahas, u khun jong u; ki la rah noh ïa u bad un ym wan phai shuh, un ym ïohi shuh ïa ka ri ha kaba la kha ïa u.

JEREMAÏAH 22:12

Un ïap ha ka ri sha kaba ki la rah ïa u, bad un ym ïohi shuh ïa kane ka ri.”

JEREMAÏAH 34:5

Men ïap ha kaba suk, bad kumba ki briew ki thang jingiwbih haba ki tep ïa ki kpa tymmen jong me, kiba long ki syiem ha shuwa jong me, ha kajuh ka rukom kin thang ki jingiwbih na ka bynta jong me. Kin ïambriew namar jong me bad kin ong, ‘U syiem jong ngi u la ïap!’ Ma nga, U Trai, nga la kren.”

JEREMAÏAH 36:30

Te mynta, ma nga U Trai, nga ong ha me, ko syiem Jehoïakim, ba yn ym don u ban hiarpateng na me u ban synshar shuh halor ka hima u Dabid. Ïa ka metïap jong me yn bret shabar ha ka jingshit kyr-ang ka sngi ha ka por mynsngi bad ha u thah mynmiet.