JEREMAÏAH 22:17 - Khasi CL Bible (BSI)

¹⁷ Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

KA BAIBL

¹⁷ “Hynrei, ki khmat bad ka dohnud jong me kim long, hynrei, tang ha ka jinglalot jong me, bad ha kaba pynmih ïa ka snam balui lui, bad ha ka jingbanbeiñ, bad ha ka jingleh-jubor, ïa ka ban leh ïa ka.”

JEREMAÏAH 22:17 ပူးပေါင်းရင်းမြစ်များ

1 SYIEM 21:19

Ong ïa u, ba nga U Trai nga ong ïa u, ‘Hadien ba me la pynïap ïa u briew hato men shim ruh ïa ka khyndew jong u?’ ïathuh ruh ha u ïa kaei ba nga ong: ‘Ha kata hi ka jaka ba ki ksew ki jliah ïa ka snam u Naboth, kin jliah ruh ïa ka snam jong me!’ ”

2 SYIEM 23:37

Da kaba bud ïa ka jingleh ki kpa tymmen jong u, u Jehoïakim u la leh pop pyrshah ïa U Trai.

2 SYIEM 24:4

bad khamtam namar baroh ki briew balui lui kiba u la pynïap. U Trai um lah shuh ban map ïa u Manasseh na ka bynta kata.

2 KHRONIKL 36:8

Baroh kiei kiei kiba u Jehoïakim u la leh, kaba kynthup ïa ki jingleh ba-ijli jong u bad ki kam bymman kiba u la leh, la buh jingthoh ha Ka Histori Jong Ki Syiem Ka Israel Bad Ka Judah. U Jehoïakhin u khun jong u, u long syiem ha ka jaka jong u.

Ka Kitab U Job 31:7

Lada nga la phai noh na ka lynti kaba dei lane shah ban pynthame ïa lade da kaba sniew, lada ki kti jong nga ki bit da ka pop,

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

EKSODOS 18:21

Hynrei nalor kata, phi dei ban jied katto katne ngut ki rangbah kiba tbit, bad thung ïa ki kum ki nongïalam jong u paidbah: ki nongïalam ïa ki hajar, ïa ki spah, ïa ki sanphew, bad ïa ki phew. Ki dei ban long ki briew kiba sheptieng ïa U Blei, kiba lah ban shaniah, bad kiba ym lah ban pynbam sap.

PROBERB 24:2

Ka jingthaw kulmar ka long baroh ba ki ju pyrkhat; man la ka por ba ki ang la ki shyntur don mano re mano ban shah pynmong.

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 6:6

U Trai Badonbor Baroh u la hukum ïa kine ki syiem ban khet ïa ki dieng bad ban shna ki kynton khnang ban kerkut ïa ka Jerusalem. U la ong, “Ngan pynshitom ïa kane ka nongbah namar ka la dap da ka jingbanbeiñ.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

ESEKIEL 18:12

U shukor ïa kiba duk, u lute, u bat noh ïa kaei kaba u nongshim ram u ai ha u kum ka bynda. U leit sha ki jaka mane blei thala, da kaba mane ïa ki bleithaw ba-ijli,

ESEKIEL 19:6

Haba u la san dap rynïeng, u la ïaleit thap mrad bad kiwei pat ki sing. Ma u ruh u la nang ban behmrad bad u kylla long u nongbam briew.

ESEKIEL 19:7

U la pynjot ïa ki kut, u la pynpra ïa ki shnong. Ki briew jong ka ri ki la sngewshyrkhei man ka por ba u kyrhuh.

ESEKIEL 19:9

Ki buh ïa u hapoh ka ruh bad ki la rah ïa u sha u syiem ka Babilonia. Ki la buh ïa u hapoh ki nongap, ba kumta ïa ka jingkyrhuh jong u yn ym ïohsngew pat halor ki lum jong ka Israel.

ESEKIEL 22:6

Ki nongïalam Israel baroh ki shaniah ha la ka jingkhlaiñ bad ki pynïap briew.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MIKAH 2:2

Haba ki ikwah ïa ki lyngkha, ki shu knieh ïa ki; haba ki ikwah ïa ki ïing, ki shu shim ïa ki. Ym don ka longïing ne ka jingdon jingem jongno jongno kaba shongshngain.

MIKAH 3:10

Phi tei ïa ka nongbah jong U Blei, ka Jerusalem, ha ka nongrim jong ka jingpynïap briew bad ka jingbishar bymhok.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

1 KORINTH 6:10

lane kiba tuh lane kiba kwah lalot lane kiba buaid lane kiba kren thadrong ïa kiwei lane ki nongtuh — yn ym don uno uno na kine u ban ïohkynti ïa ka Hima U Blei.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

JOSHUA 7:21

Napdeng kita ki mar kiba ngi la kurup, nga la ïohi kawei ka barandi Babilon kaba itynnat, kumba ar kilo ka rupa, bad shi lyngkhot ka ksiar kaba khia palat shiteng kilo. Nga la ikwah eh ïa ki, bad nga la shim ïa ki. Phin shem ba la tep ïa ki hapoh ka ïingjaiñ jong nga, bad ka rupa ka don ha trai.”

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.