JEREMAÏAH 22:15 - Khasi CL Bible (BSI)

¹⁵ Hato ka pynlong ïa me u syiem uba kham bha lada me tei ki ïing da ki dieng Kedar kiba kham kynsai ban ïa kito ki jong kiwei? U kpa jong me u la im kyrhai, u long borabor uba hok bad uba leh beit, bad u manbha ha kiei kiei baroh ba u la leh.

KA BAIBL

¹⁵ Hato men synshar, namar ba me pyrshang ban kham lah da u dieng Kedar? U kpa jong me um shym la bam um shym la dih, bad leh ïa ka jingbishar bad ïa ka hok? Hangta te ka la bha bad u.

JEREMAÏAH 22:15 ပူးပေါင်းရင်းမြစ်များ

2 SAMUEL 8:15

U Dabid u la synshar halor ka ri Israel baroh, bad u da pynthikna ba ki briew jong u kin ïohmad ïa ka jinglehhok bad ka jingbymshah shiliang.

1 SYIEM 10:9

Ïaroh ïa U Trai U Blei jong phi! Uba la pynpaw katno u sngewbha eh ïa phi bad pynlong ïa phi u syiem ki Israel. Namar ba U Trai u ieit ïa ki Israel junom, u la pynlong ïa phi u syiem jong ki khnang ban synshar bha bad bishar hok.”

2 SYIEM 22:2

U Josaïah u la leh ïa kaei kaba pynsngewbha ïa U Trai; u bud ïa ka nuksa jong u syiem Dabid, u kpa tymmen jong u, da kaba bud pyrkhing ïa baroh ki aiñ U Blei.

2 SYIEM 23:25

Ym shym la don syiem uba kum ma u mynshuwa, uba shakri ïa U Trai da ka dohnud, ka jingmut, bad da ka bor jong u baroh, da kaba kohnguh ïa baroh ki hukum u Moses; lymne don u syiem uba kum ma u naduh kata.

1 KHRONIKL 3:15

U Josaïah u don saw ngut ki khun shynrang: u Johanan, u Jehoïakim, u Sedekaïah, bad u Joahas.

2 KHRONIKL 34:2

U la leh ïa kaei kaba pynsngewbha ïa U Trai; u bud ïa ka nuksa u syiem Dabid u kpa tymmen jong u, da kaba bud thik ïa ki hukum U Blei baroh.

2 KHRONIKL 35:22

Hynrei u Josaïah u kut jingmut ban ïaleh. U kyntait ban shahshkor ïa kaei kaba U Blei u la ong lyngba u syiem Neko, kumta u riam pher ïa lade bad u leit sha ka thma ha ka them jong ka Megiddo.

2 KHRONIKL 35:26

Baroh kiei kiei kiba u Josaïah u la leh — ka jingaiti lut jong u sha U Trai, ka jingkohnguh jong u ïa ka Hukum, bad ïa ka histori jong u naduh kaba sdang haduh kaba kut — la buh jingthoh ha Ka Histori Jong Ki Syiem Ka Israel Bad Ka Judah.

PROBERB 20:28

U syiem un ïai don ha ka bor katba ka jingsynshar jong u ka dang long kaba khuid, kaba hok, bad kaba biang.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

PROBERB 25:5

Weng noh ïa ki nongai jingmut bymman na khmat u syiem, bad ïa ka jingsynshar jong u yn tip na ka bynta ka ïingbishar hok jong ka.

PROBERB 29:4

Haba u syiem u pyrkhat khia ïa ka jingbishar hok, ka ri kan long kaba khlaiñ, hynrei haba u pyrkhat khia tang ïa ka pisa, un pynjot ïa ka ri jong u.

PROBERB 31:9

Kren na ka bynta jong ki bad long u nongbishar uba hok. Ïada ïa ki hok jong kiba duk bad kiba kyrduh.”

EKLESIASTIS 10:17

Hynrei ka ri ka long kaba donbok ban don u syiem uba pynlong ïa la ki jong ki rai bad ki nongïalam kiba bam ha ka por kaba dei, kiba bat synshar ïa lade bad ki bym buaid.

EKLESIASTIS 2:24

Kaba bha tam kaba u briew u lah ban leh ka long ban bam bad dih bad ban lehkmen ïa kaei kaba u la kamai. Bad wat la katta, nga la sngewthuh ba wat kane ka wan na U Blei.

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

ISAÏAH 33:16

Te phin long shngain; phin long skhem kum ka kut bakhlaiñ. Phin don ka jingbam ban bam bad ka um ban dih.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 22:18

Kumta te, U Trai u ong kumne shaphang u Jehoïakim u khun jong u Josaïah, u syiem ka Judah, “Yn ym don ba ïambriew ha ka jingïap jong u lane ba ong, ‘A katno kaba shyrkhei, ko paralok jong nga, A katno kaba shyrkhei!’ Yn ym don mano mano ba ïam sngewsih ïa u lane uba kyang, ‘A ko Kynrad jong nga!’ ‘A ko syiem jong nga!’

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 42:6

La ka long kaba pynsngewbha ïa ngi ne kam long kumta, ngin kohnguh ïa U Trai U Blei jong ngi, ha uba ngi kyrpad ïa phi ban duwai. Baroh kan bha ïa ngi lada ngi kohnguh ïa u.”

JEREMAÏAH 7:5

“To pynkylla ïa ka rukom kaba phi im bad sangeh ban leh ïa kiei kiei kiba phi leh. To long u bym noh shiliang ha kaba phi ñiew iwei ïa iwei pat.

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

KI KAM 2:46

Na kawei ka sngi sha kawei pat ki ju ïakynduh kum ka kynhun hapoh ka Templ, bad ki ïabam jingbam lang ha ki ïing jong ki, ki da bam da ka dohnud kaba kmen bad kaba sngewrit,

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

DEUTERONOMI 4:40

Kohnguh ïa ki hukum jong u baroh kiba nga la ai ha phi mynta ka sngi, khnang ba ma phi bad ki khun ki ksiew jong phi phin manbha. Phin ïaishong sah ha kata ka ri ïa kaba U Trai U Blei jong phi u la ai ha phi ba kan long ka nongkynti jong phi junom.”