JEREMAÏAH 22:14 - Khasi CL Bible (BSI)

¹⁴ Kordit ïa u briew uba ong, “Ngan tei ïa lade ka ïing paki dulan bad ki kamra kiba kylluid shajrong ki mala.” Kumta u buh ki jingkhangïit ha ka ïing jong u, bad u shna biar da ki dieng Kedar, bad u airong ïa ka da ka rong saw.

KA BAIBL

¹⁴ uba ong, “Ngan tei ha lade ka ïing kaba heh bad ki kamra kiba kylluid,” bad u khlaw ha u ki jingkhang ïit; bad la buh sad da ki dieng Kedar, bad la suit rong da kaba saw hain hain.

JEREMAÏAH 22:14 ပူးပေါင်းရင်းမြစ်များ

2 SAMUEL 7:2

Nangta u syiem u ong ha u Nathan, u nongïathuhlypa, “Nga shong hangne ha ka ïing ba la tei da ki dieng Kedar, hynrei ïa ka Synduk ka Jutang U Blei pat la buh ha ka ïingjaiñ!”

2 KHRONIKL 3:5

Ïa ka kamra pdeng u sop da ki lyntang dieng Kedar bad suit da ka ksiar nylla, ha kaba la don ki jingoh-shrong dur dieng Tlai bad ki dur kynjri.

PROBERB 17:19

Ban sngewtynnat ïa ka pop ka long ban sngewtynnat ban thaw jingkulmar. Lada phi kob man ka por, phi pan kwah ïa ka jingjynjar.

PROBERB 24:27

Wat tei ïa ka ïing jong phi bad pynskhem ïa ka longïing tad haduh ban pynbiang ïa ki lyngkha jong phi, bad phin thikna ba phi lah ban kamai ha ka jingim.

JINGRWAI SOLOMON 1:17

ki dieng Kedar kin long ki bim jong ka ïing jong ngi, bad ki dieng Kseh-Sypress kin long ka sad.

ISAÏAH 9:9

Baroh ki paid Israel, uwei pa uwei baroh uba shong ba sah ha ka nongbah Samaria kin tip ba u la leh ïa kane. Mynta ki sngewsarong bad sngewmeng.

ESEKIEL 23:14

“Ka nang ngam nang ngam ha ka jinglong bajakhlia jong ka. Ka ïapmat ïa ki durbriew jong ki rangbah shipai ka Babilonia ba la ohdur ha ka kynroh bad ba la airong da ka rong saw baphyrnai, lem bad ki panpoh ha ki syngkai jong ki bad ki jaiñspong ba-itynnat ha ki khlieh jong ki.

DANIEL 4:30

u la ong, “Ha khmih katno khraw ka Babilon ka long! Nga la tei ïa ka kum ka nongbah jong nga ban pyn-i ïa ka bor bad ka jingkhlaiñ jong nga, ka burom jong nga bad ka jinglong syiem jong nga.”

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

HAGGAI 1:4

Ko ki briew jong nga, balei ba ma phi phin shong ha ki ïing ba la shna bha katba ka Templ jong nga ka dang sah ha ki jingjot?

MALAKHI 1:4

Lada ki khun ki ksiew u Iso, ki Edom, ki ong, “Ïa ki shnong jong ngi la pynjot, hynrei ngin tei pat ïa ki,” te U Trai un jubab, “To ai ba kin tei pat — ngan pynpra biang ïa ki. Ki briew kin khot ïa ki ‘Ka ri kaba sniew’ bad ‘Ka jaitbynriew ïa kaba U Trai u bitar junom.’ ”