JEREMAÏAH 22:12 - Khasi CL Bible (BSI)

¹² Un ïap ha ka ri sha kaba ki la rah ïa u, bad un ym ïohi shuh ïa kane ka ri.”

KA BAIBL

¹² hynrei, ha ka jaka sha kaba ki la ring mraw ïa u, hangta un ïap, bad un ym ïohi shuh ïa kane ka ri.”

JEREMAÏAH 22:12 ပူးပေါင်းရင်းမြစ်များ

2 SYIEM 23:29

Katba u Josaïah u long syiem, u Neko u syiem ka Ijipt u ïalam ïa ka kynhun shipai sha ka wah Ïuphratis ban ïarap ïa u patsha ka Assyria. U syiem Josaïah u la pyrshang ban pynsangeh ïa ka kynhun shipai ki Ijipt ha Megiddo bad u la shah pynïap ha ka thma.

2 SYIEM 23:34

U syiem Neko u pynlong ïa u Eliakim, u khun jong u Josaïah, kum u syiem Judah ha ka jaka u Josaïah u kpa jong u, bad u pynkylla ïa ka kyrteng jong u sha u Jehoïakim. Ïa u Joahas la rah sha Ijipt da u syiem Neko, bad u la ïap hangta.

JEREMAÏAH 22:18

Kumta te, U Trai u ong kumne shaphang u Jehoïakim u khun jong u Josaïah, u syiem ka Judah, “Yn ym don ba ïambriew ha ka jingïap jong u lane ba ong, ‘A katno kaba shyrkhei, ko paralok jong nga, A katno kaba shyrkhei!’ Yn ym don mano mano ba ïam sngewsih ïa u lane uba kyang, ‘A ko Kynrad jong nga!’ ‘A ko syiem jong nga!’

JEREMAÏAH 22:27

Men thrang ban ïohi ïa kane ka ri sa shisien pat, hynrei men ym ïoh wan phai shuh.”

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

LEBITIKOS 26:38

Phin ïap ha ka jinglongmraw, phin shah nguid ha ka khyndew ki nongshun jong phi.