JEREMAÏAH 22:11 - Khasi CL Bible (BSI)

¹¹ U Trai u ong shaphang u Joahas, u khun jong u Josaïah, uba mih bujli ïa u kpa jong u kum u syiem ka Judah, “U la leit noh nangne, un ym wan phai shuh.

KA BAIBL

¹¹ Namar kumne u ong U Trai shaphang u Shallum u khun u Josaïah, u syiem ka Judah, uba synshar ha ka jaka u Josaïah u kpa jong u, uba la leit mih noh na kane ka jaka: “Un ym wan phai shuh shane:

JEREMAÏAH 22:11 ပူးပေါင်းရင်းမြစ်များ

2 SYIEM 23:29

Katba u Josaïah u long syiem, u Neko u syiem ka Ijipt u ïalam ïa ka kynhun shipai sha ka wah Ïuphratis ban ïarap ïa u patsha ka Assyria. U syiem Josaïah u la pyrshang ban pynsangeh ïa ka kynhun shipai ki Ijipt ha Megiddo bad u la shah pynïap ha ka thma.

2 SYIEM 23:30

Ki rangbah synshar jong u ki buh ïa ka met jong u ha ka kali ïapom bad kit ïa ka sha Jerusalem, ha kaba la tep ïa u ha ka jingtep ki syiem. Ki briew ka Judah ki la jied ïa u Joahas u khun jong u Josaïah, bad pynsleh syiem ïa u.

2 SYIEM 23:31

U Joahas u la don arphew lai snem ka rta mynba u long syiem ka Judah, bad u synshar lai bnai ha Jerusalem. Ka kmie jong u ka dei ka Hamutal, ka khun jong u Jeremaïah na ka nongbah Libnah.

2 SYIEM 23:34

U syiem Neko u pynlong ïa u Eliakim, u khun jong u Josaïah, kum u syiem Judah ha ka jaka u Josaïah u kpa jong u, bad u pynkylla ïa ka kyrteng jong u sha u Jehoïakim. Ïa u Joahas la rah sha Ijipt da u syiem Neko, bad u la ïap hangta.

1 KHRONIKL 3:15

U Josaïah u don saw ngut ki khun shynrang: u Johanan, u Jehoïakim, u Sedekaïah, bad u Joahas.

2 KHRONIKL 28:12

Saw ngut na ki rangbah ba kham pawkhmat jong ka Hima Bashatei, u Asaraïah u khun jong u Jehohanan, u Berekhaïah u khun jong u Meshillemoth, u Jehiskaïah u khun jong u Shallum, bad u Amasa u khun jong u Hadlai ruh ki ïaleh pyrshah ïa ki jingleh ka kynhun shipai.

2 KHRONIKL 34:22

Kat kum ka hukum jong u syiem, u Hilkaïah bad kiwei ki leit ïasyllok bad ka kynthei kaba kyrteng ka Huldah, ka nongïathuhlypa kaba sah ha ki bynta ba kham thymmai jong ka Jerusalem. (U Shallum u tnga jong ka, u khun jong u Tikbah bad u khun ksiew jong u Harhas, ki long kiba sumar ïa ki jaiñkup ha ka Templ.)

JEREMAÏAH 22:27

Men thrang ban ïohi ïa kane ka ri sa shisien pat, hynrei men ym ïoh wan phai shuh.”

SEPHANAÏAH 1:1

Kane ka long ka khubor ba U Trai u la ai ha u Sephanaïah ha ka por ba u Josaïah u khun jong u Ammon u long u syiem ka Judah. (U Sephanaïah u la hiarpateng na u syiem Hesekaïah lyngba u Amaraïah, u Gedalaïah, bad u Kushi.)