JEREMAÏAH 22:10 - Khasi CL Bible (BSI)

¹⁰ Ko ki paid Judah, wat ïam na ka bynta u syiem Josaïah, wat ïam pangnud ïa ka jingïap jong u. Hynrei ïamkthang na ka bynta u Joahas, u khun jong u; ki la rah noh ïa u bad un ym wan phai shuh, un ym ïohi shuh ïa ka ri ha kaba la kha ïa u.

KA BAIBL

¹⁰ Wat ïam phi namar u baïap, lymne wat sngewsih namar jong u: hynrei, ïam sat namar uta uba leit noh; namar un ym wan phai shuh, bad un ym ïohi ïa ka ri ha kaba la kha ïa u.

JEREMAÏAH 22:10 ပူးပေါင်းရင်းမြစ်များ

2 SYIEM 22:20

bad ïa ka jingpynshitom kaba ngan wallam ha Jerusalem kan nym wan haduh hadien ka jingïap jong phi. Ngan shah ïa phi ban ïap ha kaba suk.” Ki rangbah ki leit phai pat sha u syiem Josaïah bad kane ka khubor.

2 SYIEM 23:29

Katba u Josaïah u long syiem, u Neko u syiem ka Ijipt u ïalam ïa ka kynhun shipai sha ka wah Ïuphratis ban ïarap ïa u patsha ka Assyria. U syiem Josaïah u la pyrshang ban pynsangeh ïa ka kynhun shipai ki Ijipt ha Megiddo bad u la shah pynïap ha ka thma.

2 KHRONIKL 36:4

U Neko u pynlong ïa u Eliakim u para jong u Joahas kum u syiem ka Judah bad u pynkylla ïa ka kyrteng jong u sha u Jehoïakim. Ïa u Joahas la ïalam sha Ijipt da u Neko.

EKLESIASTIS 4:2

Nga bishni ïa kito kiba la ïap bad kiba la leit noh; ki long kiba kham bha ban ïa kito kiba dang im.

ISAÏAH 57:1

Ki briew kiba bha ki ïap, bad ym don uba sngewthuh lane wat ban suidñiew. Hynrei haba ki ïap, yn ym don jingjynjar shuh ki ban ktah ïa ki.

JEREMAÏAH 16:7

Ym don mano mano ban bam lane dih badno badno ban pyntngen ïa u mynba iba ieit bathoiñ i ïap. Ym don mano mano ban pyn-i jingsngewlem, wat ïa uta uba la duh noh ïa la u kpa lane ïa ka kmie.

JEREMAÏAH 22:11

U Trai u ong shaphang u Joahas, u khun jong u Josaïah, uba mih bujli ïa u kpa jong u kum u syiem ka Judah, “U la leit noh nangne, un ym wan phai shuh.

JEREMAÏAH 22:18

Kumta te, U Trai u ong kumne shaphang u Jehoïakim u khun jong u Josaïah, u syiem ka Judah, “Yn ym don ba ïambriew ha ka jingïap jong u lane ba ong, ‘A katno kaba shyrkhei, ko paralok jong nga, A katno kaba shyrkhei!’ Yn ym don mano mano ba ïam sngewsih ïa u lane uba kyang, ‘A ko Kynrad jong nga!’ ‘A ko syiem jong nga!’

JEREMAÏAH 22:27

Men thrang ban ïohi ïa kane ka ri sa shisien pat, hynrei men ym ïoh wan phai shuh.”

JEREMAÏAH 25:27

Te U Trai u la ong ha nga, “Ïathuh ha ki briew ba ma nga, U Trai Badonbor Baroh, U Blei ki Israel, nga hukum ïa ki ban dih haduh ban da buaid bad ban prie, haduh ba kin da kyllon bad kim lah khie shuh, namar ka thma ba nga phah pyrshah ïa ki.

JEREMAÏAH 28:4

Ngan wallam pat ruh ïa u syiem ka Judah, u Jehoïakhin u khun jong u Jehoïakim, lem bad ki briew baroh jong ka Judah kiba la leit sha ka jinglongmraw ha Babilonia. Ho-oid, ngan pynkheiñ ïa ka bor jong u syiem ka Babilonia. Ma nga, U Trai, nga la kren.”

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

JEREMAÏAH 44:14

Yn ym don na ki briew jong ka Judah kiba la iehnoh shadien bad kiba la wan sha Ijipt ban shong ban sah kin lait phet ne lait ïap. Yn ym don uwei ruh na ki u ban leit phai sha Judah, sha kaba ki sliang ban shong ban sah sa shisien pat. Yn ym don ba ïoh wan phai lait noh katto katne ki nongphetwir.”

SNGEWSYNEI 4:9

Kito kiba la ïap ha ka thma ki la long kiba kham bit ban ïa kito kiba ïap hadien, kiba ïap suki ha ka jingthngan, khlem kano kano ka jingbam ban ri pynim ïa ki.

ESEKIEL 24:16

“Ko Khun u briew,” u la ong, “tang shi syntied ngan shim noh ïa u briew uba pha ieit eh. Pham dei ban wad daw lane ïam ne jaw ki ummat.

LOUKAS 23:28

U Jisu u la phai sha ki bad u la ong, “Ko kynthei Jerusalem! Wat ïam na ka bynta jong nga, hynrei na ka bynta ïa lade bad ki khun jong phi.