JEREMAÏAH 21:9 - Khasi CL Bible (BSI)

⁹ Uno uno uba sah ha ka nongbah un shah pynïap ha ka thma, ne da ka 'nemsniew, ne da ka jingïapthngan. Hynrei uno uno uba mih shabar bad uba pyndem ha ki Babilonia, kiba dang tur ïaleh mynta ïa ka nongbah, un ym shah pynïap; la kumno kumno un pyllait ïa la ka jingim.

KA BAIBL

⁹ Uta uba shong ha kane ka shnong un ïap da ka waitlam, bad da ka 'nemsniew, bad da ka jingïapkhlam: hynrei, uta uba mih noh, bad uba kynriah noh sha ki Khaldi kiba ker kut ïa phi, un im, bad ka jingim jong u kan long ha u kum ka jinglute.

JEREMAÏAH 21:9 ပူးပေါင်းရင်းမြစ်များ

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 24:10

Ngan wanlam ïa ka thma, ïa ka 'nemsniew, bad ïa ka jingïapthngan halor jong ki haduh ba yn ym don shuh wat uwei ruh na ki u ban lait ha kata ka ri ba nga la ai ha ki bad ha ki kpa tymmen jong ki.”

JEREMAÏAH 27:11

Hynrei lada kano kano ka jaitbynriew ka pyndem ha u syiem ka Babilonia bad shakri ïa u, te ngan shah ïa ka ba kan shong ha la ka ri, ban rep ïa ka bad shong hangta. Ma nga, U Trai, nga la kren.”

JEREMAÏAH 27:12

Nga la ong ïa kajuh ha u syiem Sedekaïah jong ka Judah. “Pyndem ha u syiem jong ka Babilonia. Shakri ïa u bad ïa ki briew jong u, bad phin im.

JEREMAÏAH 27:13

Balei ba ma phi bad ki briew jong phi phin ïap ha ka thma lane ha ka jingïapthngan lane ha ka jingpang? Kata ka dei kaei kaba U Trai u la ong ba kan jia ïa kano kano ka jaitbynriew ka bym pyndem ha u syiem ka Babilonia.

JEREMAÏAH 38:2

U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

JEREMAÏAH 38:3

Nga la ong ruh ïa ki ba U Trai u la ong, “Ngan ai noh ïa ka nongbah ha ka kynhun shipai Babilonia, bad kin kurup ïa ka.”

JEREMAÏAH 39:18

Ngan pyllait ïa me na ka jingma, bad yn ym pynïap ïa me. Men lait im namar me la buh ïa la ka jingshaniah ha nga. Ma nga, U Trai, nga la kren.”

JEREMAÏAH 45:5

Hato me khmih lynti ïa ka jingleh bakyrpang na ka bynta ïa lade? Wat leh ïa kata. Nga wallam ïa ka jingjot ha u khunbynriew baroh, hynrei men pyllait ïa ka jingim kat shaba me leit. Ma nga, U Trai, nga la kren.”

ESEKIEL 5:12

Shi bynta na ka lai bynta jong ki briew jong pha kin ïap na ka jingpang bad jingthngan ha ka nongbah; shi bynta pat kin ïap da ka waitlam shabar ka nongbah; bad ïa ka shi bynta kaba dang sah ngan pynsakma sha ki sawlyer, bad ngan beh ïa ki nadien da ka waitlam.