JEREMAÏAH 21:6 - Khasi CL Bible (BSI)

⁶ Ngan pynïap ïa uwei pa uwei uba shong ha kane ka nongbah; ki briew bad ki mrad kumjuh; kin ïap da ka khlam kaba shyrkhei.

KA BAIBL

⁶ Bad ngan shoh tangon ïa kiba shong ha kane ka shnong, bad briew bad mrad: kin ïap na ka jingïapkhlam kaba jur.

JEREMAÏAH 21:6 ပူးပေါင်းရင်းမြစ်များ

JENESIS 6:7

La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.”

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 33:12

U Trai Badonbor Baroh u la ong, “Ha kane ka ri kaba long kum ka ri shyiap bad ha kaba ym don ki briew ne ki mrad kiba im hangta, yn sa don biang ki jaka phlang ha kiba ki nongaplangbrot kin wallam ïa ki langbrot jong ki.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

JEREMAÏAH 36:29

U Trai u la ong ïa nga ban ong ha u syiem, “Me la thang ïa ka kot kli, bad me la kylli ïa u Jeremaïah balei ba u la thoh ba u syiem ka Babilonia un wan bad pynjot ïa kane ka ri bad pynïap ïa ki briew jong ka bad ki mrad jong ka.

JEREMAÏAH 42:22

Te nangta, to kynmaw ïa kane: phin ïap ha ka thma ne na ka jingïapthngan ne ka jingpang ha ka ri sha kaba phi kwah ban leit bad ban shong.”

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

ESEKIEL 12:16

Ngan shah katto katne ngut na ki ban lait im na ka thma, ka 'nemsniew, bad na ki jingpang, khnang ba hangta hapdeng ki jaitbynriew kin sngewthuh haduh katno kiba ijli ki long ki jingleh jong ki bad kin pdiang ba nga long U Trai.”

ESEKIEL 14:13

“Ko khun u briew,” u la ong, “lada ka ri ka leh pop bad kam ïaineh ha nga, ngan kner ïa ka kti jong nga bad pynduh ïa ka jingpyndap jingbam jong ka. Ngan phah ïa ka 'nemsniew bad pynïap ïa ki briew bad ki mrad kumjuh.

ESEKIEL 14:17

“Lane nga lah ban wallam ka thma ha ka ri bad phah ki tiar pynjot ban pynduh lut ïa ki briew bad ki mrad kumjuh,

ESEKIEL 14:19

“Lada nga phah ïa ka khlam ha kata ka ri bad ha ka jingbitar jong nga, nga shim noh bun ki mynsiem, da kaba pynïap ïa ki briew bad ki mrad,

ESEKIEL 14:21

Kane ka dei kaei kaba U Trai Nongsynshar u ong: “Ngan phah ïa ki saw tylli ki jingpynshitom basniew tam jong nga ha ka Jerusalem — ka thma, ka 'nemsniew, ki mradkhlaw, bad ka jingpang — ban pynjot ïa ki briew bad ki mrad kumjuh.

ESEKIEL 33:27

“Ïathuh ha ki ba ma nga, U Trai Nongsynshar, nga maham ïa ki ba da shisha nga long U Blei uba im, ki briew kiba shong basah ha ki nongbah ba la pynjot kin shah pynïap. Kito kiba shong ha ka ri kin shah bam da ki mradkhlaw. Kito kiba rieh ha ki lumbah bad ki krem kin ïap da ka jingpang.

ESEKIEL 33:29

Ynda haba nga pynshitom ïa ki briew namar ki pop jong ki bad pynlong ïa ka ri ka jaka kynjah, te kin sa tip ba nga long U Trai.”

ESEKIEL 7:15

Ka don ka jingïashoh ha ki lynti ïaid, bad ka jingpang bad ka jingthngan hapoh ki ïing. Uno uno uba don ha rudnong u ïap ha ka jingïaleh, uno uno uba don ha nongbah u ïap da ka jingpang ne jingthngan.

HOSIA 4:3

Bad kumta ka ri kan sa tyrkhong, kiei kiei baroh kiba im ha ka kin ïap. Baroh ki mrad bad ki sim, bad wat ki dohkha ruh, kin ïap.”

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

SEPHANAÏAH 1:3

ïa baroh ki briew bad ki mrad, ki sim bad ki dohkha. Ngan wallam ka jingkyllon jong u bymman. Ngan pynjot ïa u bynriew baroh, bad yn ym pynsah ïa uno uno uba lait im. Ma nga, U Trai nga la kren.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.