JEREMAÏAH 21:2 - Khasi CL Bible (BSI)

² “Sngewbha ban kren ha U Trai na ka bynta jong ngi, namar u Nebukhadnessar u syiem ka Babilonia bad ka kynhun shipai jong u ki la wan kerkut ïa ka nongbah. Lehse U Trai un leh kawei na ki kambah jong u na ka bynta jong ngi, bad un pynbor ïa u Nebukhadnessar ba un kynran dien noh.”

KA BAIBL

² “Nga kyrpad ïa me, to ïakylli na U Trai na ka bynta jong ngi; naba u Nebukhadressar u syiem ka Babilon u ïaleh thma ïa ngi: lehse U Trai un leh bad ngi katba kum ki kam phylla jong u baroh, ba un leit kiew noh na ngi.”

JEREMAÏAH 21:2 ပူးပေါင်းရင်းမြစ်များ

JENESIS 10:10

Ha kaba sdang, ka hima jong u ka kynthup ïa ka Babilon, ka Erek, bad ka Akkad, kiba don baroh ha ka ri Babilonia.

2 SYIEM 1:3

Hynrei u angel U Trai u hukum ïa u Elijah, u nongïathuhlypa na Tishbe, ban leit bad ïashem ïa ki nonglamktien jong u syiem Ahasaïah bad ban kylli ïa ki, “Balei phi leit ban kylli ïa u Baalsebub, u blei ka Ekron? Hato ka dei namar ba phi pyrkhat ba ym don blei ha Israel?

2 SYIEM 17:24

U patsha ka Assyria u wallam ïa ki briew na ki nongbah Babilon, Kuth, Ibbah, Hamath, bad Sepharbaim, bad pynshongduh ïa ki ha ki nongbah ka Samaria, ha ka jaka jong ki Israel ba la shah ringmraw. Ki shimti ha lade ïa kine ki nongbah bad ki sah hangta.

2 KHRONIKL 32:21

U Trai u phah ïa u angel uba pynap ïa ki shipai bad ïa ki rangbah shipai jong ka kynhun shipai Assyria. Te u patsha u leit phai pat sha Assyria ha ka jinglehrain. Ha kawei ka sngi haba u dang don ha ka templ jong U Blei jong u, katto katne na ki khun shynrang jong u ki la pynïap ïa u da la ki waitlam.

EKSODOS 9:28

To duwai ha U Trai! Ngi la shah la biang ïa une u pyrthat bad u phria! Nga kular ban pyllait ïa phi; phim donkam ban dang sah shuh hangne.”

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

JEREMAÏAH 15:11

A Trai, ai ba ki jingtim jong ki baroh kin urlong shisha lada ngam shym la shakri bha ïa me, lada ngam shym la ïasaid bad me na ka bynta ki nongshun jong nga mynba ki don ha ka jingjynjar bad jingeh bajur.

JEREMAÏAH 21:3

Te U Trai u la kren ha nga, bad nga la ïathuh ha ki rangbah kiba la phah sha nga ban ïathuh ha u Sedekaïah ba U Trai, U Blei ki Israel u la ong,

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 34:1

U Trai u la kren ha nga mynba u Nebukhadnessar u syiem ka Babilonia bad ka kynhun shipai jong u, ba la kyrshan da ki shipai na baroh ki hima bad ki jaitbynriew kiba la hap hapoh ka jingsynshar jong u, ki la tur ïaleh ïa ka Jerusalem bad ki shnong ba-marjan.

JEREMAÏAH 37:17

Hadien kata u syiem Sedekaïah u la phah khot ïa nga, bad hangta ha ka ïingsyiem u la kylli ïa nga ha kaba jar jar, “Hato don khubor ei ei na U Trai?” “Ka don,” nga la jubab, bad nga ong shuh shuh, “Ïa phi yn sa aiti noh ha u syiem ka Babilonia.”

JEREMAÏAH 37:3

U syiem Sedekaïah u la phah ïa u Jehukal u khun jong u Shelemaïah bad u Sephanaïah u lyngdoh u khun jong u Maaseïah ban ong ïa nga ban duwai ha U Trai U Blei jong ngi na ka bynta ka jaitbynriew jong ngi.

JEREMAÏAH 37:7

“Ka kynhun shipai Ijipt ka don ha ka lynti ban ïarap ïa me, hynrei kan leit phai noh sha la ka ri.

ESEKIEL 7:26

Ka jingjynjar kan bud kawei hadien kawei pat, ka khubor basniew kan ïai tuid. Phin kyrpad ïa ki nongïathuhlypa ban ïathuh ïa kaei kaba ki ïohi lypa. Ki lyngdoh kin ym don ei ei shuh ban hikai ïa ki briew, bad ki tymmen ki san kin ym don jingsneng jingkraw shuh ban ai.

NONGBISHAR 20:27

Ka Synduk ka Jutang U Blei ka don hangta ha Bethel ha kito ki sngi, bad u Phinehas, u khun jong u Eleasar bad u khun ksiew jong u Aaron, u khmih ïa ka, ki briew ki kylli ïa U Trai, “Hato ngin leit ïaleh pyrshah biang ïa ki Benjamin, ki para jait jong ngi, ne ngin keiñ noh?” U Trai u jubab, “Ïaleh pyrshah ïa ki. Lashai ka sngi ngan ai ïa ka jingjop ha phi.”

1 SAMUEL 10:22

ki kylli na U Trai, “Dang don shuh mano mano?” U Trai u jubab, “u Saul u don hangtai, u rieh ha lyndet ki jingkit.”

1 SAMUEL 28:15

U Samuel u ong ha u Saul, “Balei me la pynthut ïa nga? Balei me pynlong ïa nga ban wan pat?” U Saul u jubab, “Nga la poi ha ka khim khait! Ki Philistia ki ïaleh thma ïa nga, bad U Blei u la iehnoh ïa nga. Um shym jubab shuh ïa nga, la da ki nongïathuhlypa, lane da ki jingphohsniew. Bad kumta nga la khot ïa phi ba phin ïathuh ïa nga aïu nga dei ban leh.”

1 SAMUEL 28:6

bad kumta u la kylli ïa U Trai kaei ba un leh. Hynrei U Trai um shym jubab ei ei ïa u, la ha ki jingphohsniew, lane da u Urim bad u Thummim, lane da ki nongïathuhlypa.