JEREMAÏAH 21:13 - Khasi CL Bible (BSI)

¹³ Pha ko Jerusalem, pha kaba shong shajrong eh na ki ri them, kum u mawsiang uba ïeng shajrong na ka madan. Hynrei ngan ïaleh pyrshah ïa pha. Pha ong ba ym don ba lah ban tur ïaleh ïa pha ne ban pynpra ïa ki jingker jong pha.

KA BAIBL

¹³ “Ha khmih, nga long pyrshah ïa pha, ko kaba shong ha ka them, bad kaba ha u mawsiang ka madan,” ong U Trai; “phi kiba ong, ‘Uei u ban hiar ban ïaleh ïa ngi? lane uei u ban rung sha ki jaka shong jong ngi?’

JEREMAÏAH 21:13 ပူးပေါင်းရင်းမြစ်များ

SALM 125:2

Kumba ki lumbah ki ker sawdong ïa ka Jerusalem, kumta ruh U Trai u ker sawdong ïa la ki briew, naduh mynta bad haduh bymjukut.

EKSODOS 13:20

Ki Israel ki ïamihnoh na Sukkoth bad ki sher dara ha Etham, ha ka tduh jong ka ri shyiap.

EKSODOS 13:8

Ha kaba sdang jong ka Jingkhawai Niam, pynsngewthuh ha ki khun shynrang jong phi ba phi leh ïa kane baroh namar kaei kaba U Trai u la leh ha phi mynba phi mihnoh na ka ri Ijipt.

ISAÏAH 22:1

Kane ka dei ka khubor shaphang ka Them ka Jingïohipaw. Kaei kaba jia? Balei ki briew baroh jong ka nongbah ki rakhe lehkmen halor ki tnum ïing?

JEREMAÏAH 17:3

bad halor ki lumbah ha ka rudnong bym don jingkah. Ngan pynlong ïa ki nongshun jong phi ban shim noh ïa ka spah bad ïa ki jingkynshew jong phi namar ki pop baroh kiba phi la leh ha kylleng ka ri jong phi.

JEREMAÏAH 21:5

Ngan ïaleh pyrshah ïa me da ka borbah jong nga baroh, da ka jingdom jong nga, da ka jingbitar shla jong nga, bad da ka jingingkhong khait jong nga.

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

JEREMAÏAH 50:31

“Ko Babilonia, pha la dap da ka jingsarong, te ma nga, U Trai Nongsynshar Badonbor Baroh, nga long pyrshah ïa pha! Ka por ka la poi ïa nga ban pynshitom ïa pha.

JEREMAÏAH 51:25

Ko Babilonia pha long kum u lumbah uba pynjot ïa ka pyrthei baroh kawei, hynrei ma nga, U Trai, nga long u nongshun jong pha. Ngan shim noh ïa pha, pynmadan ïa pha ha ka khyndew, bad ieh ïa pha ha u dpei.

JEREMAÏAH 7:4

Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

SNGEWSYNEI 4:12

Ym don mano mano hangno hangno, ym don wat ki nongsynshar jong ki hima nongwei, kiba la ngeit ba uno uno u nonghiarthma un lah ban rung lyngba ki khyrdop ka Jerusalem.

ESEKIEL 13:8

Kumta U Trai Nongsynshar u ong ha ki, “Ki ktien jong phi ki long kiba bakla, bad ki jingïohipaw jong phi ki long kiba lamler. Nga long pyrshah ïa phi.

ESEKIEL 21:3

Ba ma nga, U Trai, nga ong: Nga long u nongshun jong phi. Ngan sei ïa ka waitlam jong nga bad ngan pynïap ïa phi baroh, kiba bha bad kiba sniew kumjuh.

ESEKIEL 34:10

Ma nga, U Trai Nongsynshar, nga pynbna ba nga long u nongshun jong phi. Ngan shim noh ïa ki langbrot jong nga na phi, bad ngan ym shah shuh ba phin long ki nongsharai jong ki; ngan ym shah shuh ba phin sumar bha tang ïa lade. Ngan pyllait im ïa ki langbrot jong nga na phi bad ngan ym shah ba phin bam ïa ki.

ESEKIEL 5:8

Bad kumta ma nga, U Trai Nongsynshar, nga la ïathuh ïa pha ba nga long u nongshun jong pha, nga ai ka jingbishar ïa pha ha kaba baroh ki jaitbynriew kin ïohi ïa kata.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

NAHUM 2:13

“Nga long u nongshun jong pha!” ong U Trai Badonbor Baroh. “Ngan thang ïa ki kali ïapom jong pha. Ïa ki shipai jong pha yn pynïap ha ka thma, bad ngan shim lut ïa kiei kiei baroh kiba pha la shim na kiwei. Ïa ka jingdawa jong ki nongsynran jong pha yn ym ïohsngew shuh.”