JEREMAÏAH 21:10 - Khasi CL Bible (BSI)

¹⁰ Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

KA BAIBL

¹⁰ Naba nga la buh ïa la ka khmat pyrshah ïa kane ka shnong ïa ka ban pynsniew, te ym ïa ka ban pynbha,” ’ ” ong U Trai: “yn ai noh ïa ka ha ka kti u syiem ka Babilon, bad un thang ïa ka da ka ding.”

JEREMAÏAH 21:10 ပူးပေါင်းရင်းမြစ်များ

2 KHRONIKL 36:19

U thang ïa ka Templ bad ïa ka nongbah, lem bad ki ïingsyiem baroh bad ka spah jong ka, bad u pyntwa ïa ka kynroh jong ka nongbah.

SALM 34:16

Hynrei u ïaleh pyrshah ïa kito kiba leh bymman, khnang ba haba ki ïap, ïa ki la klet noh shen shen.

JEREMAÏAH 17:27

Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

JEREMAÏAH 26:6

Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

JEREMAÏAH 33:5

Katto katne kin ïaleh pyrshah ïa ki nong Babilonia, ki ban pyndap ïa ki ïing da ki metïap jong kito kiba ngan sa pynïap namar ka jingbitar bad ka jingbitar shla jong nga. Nga la phai noh na kane ka nongbah namar kiei kiei kiba sniew kiba ki briew jong ka ki la leh.

JEREMAÏAH 34:2

U Trai, U Blei ki Israel, u la ong ha nga ban leit bad ban ong ïa u Sedekaïah u syiem ka Judah, “Ma nga, U Trai, ngan ai ïa kane ka nongbah ha u syiem ka Babilonia, bad un thang duh ïa ka.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 38:17

Te nga la ong ha u Sedekaïah ba U Trai Badonbor Baroh, U Blei ki Israel, u la ong, “Lada phi pyndem ha ki rangbah pynïaidkam jong u syiem ka Babilonia, ïa ka jingim jong phi yn tyngkai, bad ïa kane ka nongbah yn ym thang noh. Ïa phi bad ïa ka longïing jong phi yn pyllait im.

JEREMAÏAH 38:18

Hynrei lada phim pyndem, te ïa kane ka nongbah yn aiti noh sha ki nong Babilonia, ki ban sa thang duh ïa ka, bad phin ym lait im na ki.”

JEREMAÏAH 38:23

Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”

JEREMAÏAH 38:3

Nga la ong ruh ïa ki ba U Trai u la ong, “Ngan ai noh ïa ka nongbah ha ka kynhun shipai Babilonia, bad kin kurup ïa ka.”

JEREMAÏAH 39:16

ban ïathuh ïa u Ebedmelekh u nong Sudan ba U Trai Badonbor Baroh, U Blei ki Israel, u la ong, “Kumba nga la ong ba ngan leh, ngan wallam ka jingjot ha kane ka nongbah bad ym ïa ka jingmanbha. Bad haba kane kan jia, men don hangta ban ïohi ïa kata.

JEREMAÏAH 39:8

Ha kata ka por, ki nong Babilonia ki la thang duh ïa ka ïingsyiem bad ïa ki ïing jong ki briew bad pynpra ïa ki kynroh ka Jerusalem.

JEREMAÏAH 44:11

“Te nangta, ma nga, U Trai Badonbor Baroh, U Blei ki Israel, ngan phai pyrshah ïa phi bad ngan pynjot ïa ka Judah baroh.

JEREMAÏAH 44:27

Ngan khmih ïa kane ba phin ym manbha, hynrei phin shah pynjot. Baroh na phi phin ïap, ha ka thma ne na ka jingpang, haduh ba yn ym don uwei ruh na phi u ban sah.

JEREMAÏAH 52:13

U phah thang ïa ka Templ, ka ïingsyiem, bad ki ïing jong ki riewpawkhmat baroh ha Jerusalem;

ESEKIEL 15:7

bad ngan pynshitom ïa ki. Ki lah lait na kawei ka ding, hynrei mynta ka ding kan thang khoit ïa ki. Haba nga pynshitom ïa ki, phin tip ba nga long U Trai.

ESEKIEL 24:11

Mynta buh ïa u khiew rnong ba suda halor ki rnga bad ai ba un sawlep. Te u khiew un long ba la pynkhuid ha ka jinglehniam sa shisien hadien ba ka sarang ka la ing lut,

LEBITIKOS 17:10

Lada uno uno u Israel, lane uno uno u nongwei uba wan shong hapdeng jong ki, u bam ïa ka doh kaba dang don snam ha ka, U Trai un phai pyrshah ïa u bad yn ym ñiew shuh ïa u kum uwei na ki briew jong U Blei.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

AMOS 9:4

Lada ki shah ringmraw ha ki nongshun jong ki, ngan hukum ïa ki ba kin pynïap. Nga la kut jingmut ban pynjot ïa ki, ym ban ïarap ïa ki.”

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”