JEREMAÏAH 20:8 - Khasi CL Bible (BSI)

⁸ Man ba nga kren, nga hap ban kyang jam bad pyrta, “Ka jingleh jubor! Ka jingpynjot!” A Trai, ïa nga la rkhiebeiñ bad ibeiñ ha ki por baroh namar nga pynbna ïa ka khubor jong me.

KA BAIBL

⁸ Naba katba nga kren, nga pyrta; nga pyrta, “Ka jingleh-jubor bad ka jinglute:” namar ïa ka ktien U Trai la pynlong ka jingkrenbeiñ ha nga, bad ka jingrkhiebeiñ, baroh shi sngi.

JEREMAÏAH 20:8 ပူးပေါင်းရင်းမြစ်များ

2 SYIEM 2:23

U Elisha u mihnoh na Jerikho ban leit sha Bethel, bad ha lynti katto katne ngut ki khynnah shynrang ki wan mih na ka shnong bad ki leh biria ïa u, “Khie phet noh nangne, ko syllen!” ki la pyrta.

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

ISAÏAH 57:4

Ïano phi leh biria? Ïano phi ki nongshukor phi rkhiebeiñ?

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

JEREMAÏAH 15:15

Nangta nga la ong, “A Trai, me sngewthuh. To kynmaw ïa nga bad ïarap ïa nga. Shah ngan ïoh pynhiarkput halor kito kiba pynshitom beiñ ïa nga. Wat ym da ïaishah katta katta ïa ki kat ba kin jop ha kaba pynïap ïa nga. To kynmaw ba ka dei na ka bynta jong me ba la ibeiñ ïa nga.

JEREMAÏAH 17:27

Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

JEREMAÏAH 20:7

A Trai me la shukor ïa nga, bad ïa nga la shukor. Me long uba kham khlaiñ ban ïa nga, bad me la jop ïa nga. Uwei pa uwei u rkhiebeiñ ïa nga; ki krenbeiñ ïa nga baroh shi sngi.

JEREMAÏAH 28:8

Ki nongïathuhlypa kiba la kren slem bah mynshuwa, ha shuwa ka por jong nga bad jong phi, ki la ïathuhlypa shaphang kata ka thma, ka jingïapthngan, bad ïa ka jingpang ki ban wan ha ki jaitbynriew babun bad ha ki hima bakhrawbor.

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

HABAKKUK 1:3

Balei ba me pynlong ïa nga ban ïohi ïa kaba kum kane ka jingjynjar? Kumno me lah ban shu peit ïa kaba kum kane ka jingleh bymdei? Ka jingpynjot bad ka jinglehbor ki don baroh sawdong jong nga, bad ka don ka jingïaleh bad jingïakajia ha kylleng.

LOUKAS 11:45

Uwei na ki nonghikai ka Hukum u la ong ha u, “Ko Nonghikai, haba me ong ïa kane, me ñiewbeiñ ïa ngi ruh!”

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.