JEREMAÏAH 20:7 - Khasi CL Bible (BSI)

⁷ A Trai me la shukor ïa nga, bad ïa nga la shukor. Me long uba kham khlaiñ ban ïa nga, bad me la jop ïa nga. Uwei pa uwei u rkhiebeiñ ïa nga; ki krenbeiñ ïa nga baroh shi sngi.

KA BAIBL

⁷ A Trai, me la shukor ïa nga, te la shukor ïa nga: me kham khlaiñ ïa nga, bad me la jop: nga la long ka jingrkhiebeiñ baroh shi sngi, uwei uwei baroh u krenbeiñ ïa nga.

JEREMAÏAH 20:7 ပူးပေါင်းရင်းမြစ်များ

2 SYIEM 2:23

U Elisha u mihnoh na Jerikho ban leit sha Bethel, bad ha lynti katto katne ngut ki khynnah shynrang ki wan mih na ka shnong bad ki leh biria ïa u, “Khie phet noh nangne, ko syllen!” ki la pyrta.

Ka Kitab U Job 12:4

Wat ki paralok jong nga ki rkhie ïa nga mynta; ki rkhie, wat la nga long uba hok bad u bym shah kynnoh pop; hynrei ka don ka por mynba U Blei u jubab ïa ki jingduwai jong nga.

Ka Kitab U Job 30:9

Mynta ki wan bad ki ïa-rkhie ïa nga; ngam long ei ei shuh hynrei ka jingbiria ïa ki.

SALM 119:51

Kiba sarong ki krenbeiñ borabor ïa nga, hynrei ngam shym phai noh na ka aiñ jong me.

ISAÏAH 8:11

Da ka bor bakhraw jong u, U Trai u la maham ïa nga ban ym bud ïa ka lynti ba ki briew ki la bud. U ong,

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

JEREMAÏAH 15:18

Balei nga dei ban ïaishah shitom? Balei ba ki jingmynsaw jong nga ym lah ban pynkoit? Balei ba kim koit? Hato me thmu ban pynnoh mynsiem ïa nga kum ka wahduid kaba ryngkhiang ha ka por lyiur?”

JEREMAÏAH 17:16

Hynrei, A Trai, ngam ju kyrpad ïa me ban wallam ka jingpynjot halor jong ki; ngam shym la kwah ïa ka por jingjynjar na ka bynta jong ki. A Trai, me tip ïa kane; me tip ïa kaei kaba nga la ong.

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

JEREMAÏAH 38:19

Hynrei u syiem u la jubab, “Nga sheptieng ïa la ki para ri kiba la phet bad ïasoh bad ki nong Babilonia. Ka lah ban long ba ïa nga yn aiti noh sha ki bad kin pynshitom sat ïa nga.”

SNGEWSYNEI 3:14

Ki briew ki rkhie ïa nga baroh shi sngi; nga long ka jingbiria ïa ki baroh.

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

LOUKAS 23:11

U Herod bad ki shipai jong u ki la krenbeiñ ïa U Jisu bad kim ñiewburom ïa u; nangta ki la buh ka jaiñkup ba-itynnat halor jong u bad u la phah pat ïa u sha u Pilat.

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 17:32

Haba ki la ïohsngew ba u Paul u kren shaphang ka jingmihpat na ka jingïap, katto katne na ki, ki la rkhiebeiñ ïa u, hynrei kiwei pat ki la ong, “Ngi kwah ban ïohsngew ba men kren biang ïa kane.”

1 KORINTH 9:6

Lane hato tang u Barnabas bad ma nga mo kiba dei ban trei na ka bynta ban im?

HEBRU 11:36

Ïa ki katto katne la rkhiebeiñ bad sympat, bad ïa kiwei pat la teh ha ki kynjri bad la set phatok ïa ki.