JEREMAÏAH 20:6 - Khasi CL Bible (BSI)

⁶ Na ka bynta jong me, ko Pashhur, ïa me bad ïa ka longïing jong me baroh yn kem ruh bad rah sha Babilonia. Hangta men ïap bad yn tep, lem bad ki paralok jong me baroh ïa kiba me la lah ïathuh bun ki jinglamler.’ ”

KA BAIBL

⁶ Bad ma me, u Pashur, bad baroh kiba shong ha ka ïing jong me kin leit ban long mraw; me ruh men leit sha Babilon, bad hangta men ïap, bad hangta yn tep ïa me, ma me, bad ki lok jong me baroh, kiba me la ïathuhlypa lamler ha ki.’ ”

JEREMAÏAH 20:6 ပူးပေါင်းရင်းမြစ်များ

ISAÏAH 9:15

Ki rangbah kiba tymmen bad kiba donburom ki long ka khlieh — bad u tdong u long ki nongïathuhlypa kiba ki jinghikai jong ki, ki long kiba lamler!

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 20:1

Mynba u Pashhur u lyngdoh, u khun jong u Immer, uba long u rangbah pynïaidkam bahakhlieh duh jong ka Templ, u la ïohsngew ba nga pynbna ïa kine kiei kiei,

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 22:28

Ki nongïathuhlypa ki la buhrieh ïa la ki pop kum kito kiba tap ïa ka kynroh da ka pushara lieh. Ki ïohi ïa ki jingïohipaw ba bakla bad ki pynmih la ki jong jingïathuhlypa ba bakla. Ki kam ba ki kren ïa ka ktien jong U Trai Nongsynshar, hynrei ma nga, U Trai, ngam shym la kren ha ki.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

SEKHARAÏAH 13:3

Te lada uno uno u ïaiban ban ïathuhlypa, u kpa bad ka kmie jong u hi kin ong ïa u ba u dei ban shah pynïap, namar u la kam ba u kren ïa ka ktien jong U Trai, hynrei u kren pynban ïa ki jinglamler. Haba u ïathuhlypa, u kpa bad ka kmie jong u kin dung pynïap ïa u.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.