JEREMAÏAH 20:2 - Khasi CL Bible (BSI)

² u la hukum ba yn tied ïa nga bad ban pyndait kynjri hajan ka Khyrdop Benjamin bashaneng hapoh ka Templ.

KA BAIBL

² Ynda kumta, u Pashur u la shoh ïa u Jeremaïah u nongïathuhlypa, bad u la buh ïa u ha ka dieng song ha ka khyrdop ba haneng u Benjamin, kaba ha ka ïing U Trai.

JEREMAÏAH 20:2 ပူးပေါင်းရင်းမြစ်များ

1 SYIEM 13:4

Haba u syiem Jeroboam u ïohsngew ïa kane, u kdew ïa u bad u hukum, “Kem ïa uto u briew!” Mar kumta hi ka kti u syiem ka long kumba ïap haduh ba um lah pynkhun shuh ïa ka.

1 SYIEM 22:27

Ong ïa ki ban thep byndi ïa u, bad ban ai kpu bad ka um ïa u haduh ba ngan da wan phai suk.”

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

2 KHRONIKL 18:23

Nangta u Sedekaïah nongïathuhlypa u leit sha u Mikaïah, u thab ïa u bad kylli, “Naduh mynno u mynsiem U Trai u la mih na nga bad kren ha phi?”

2 KHRONIKL 24:21

U syiem Joash u la ïasnohkti ha ka jingïasylla pyrshah ïa u Sekharaïah, bad ha ka hukum jong u syiem, ki paidbah ki la lynthem maw ïa u Sekharaïah ha ka phyllaw ka Templ.

Ka Kitab U Job 13:27

Me khum da ki kynjri ïa ki kjat jong nga; me khmih ïa ki jingjam ba nga shim, bad wat ban peit-thuh ïa ki dien'jat jong nga.

Ka Kitab U Job 33:11

U pyndait kynjri ha ki kjat jong nga; u peit-thuh ïa ka jingïaid jong nga.”

JEREMAÏAH 26:10

Haba ki nongïalam jong ka Judah ki la ïohsngew ïa kaei kaba lah jia, ki la wan kloi na ka ïingsyiem sha ka Templ bad ki la shong ha ka Khyrdop Bathymmai.

JEREMAÏAH 26:8

bad hamar ba nga la pyndep ïa baroh kaba U Trai u la hukum ïa nga ban kren, ki la kem ïa nga bad pyrta, “Me dei ban shah pynïap namar kane!

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

JEREMAÏAH 36:26

Nangta u la hukum ïa u khun syiem Jerahmeel, ryngkat bad u Seraïah u khun jong u Asriel bad u Shelemaïah u khun jong u Abdeel, ban kem ïa nga bad ïa u sekretari jong nga u Barukh. Hynrei U Trai u la buhrieh ïa ngi.

JEREMAÏAH 37:13

Hynrei haba nga la poi ha ka Khyrdop Benjamin, u rangbah nongïalam uba dei khmih ïa ki shipai ba don ha ka kam hangta, u briew uba kyrteng u Irijah, u khun jong u Shelemaïah bad u ksiew jong u Hananaïah, u la pynsangeh ïa nga bad u la ong, “Phi la phet noh ban ïasoh bad ki nong Babilonia!”

JEREMAÏAH 37:21

Kumta u syiem Sedekaïah u la hukum ba yn set ïa nga ha ka phyllaw ka ïingsyiem. Nga la sah hangta, bad man ka sngi ïa nga la ai uwei u kpu na ka jaka shet kpu haduh ba baroh u kpu ha ka nongbah u la lut.

SEKHARAÏAH 14:10

Ïa ka thain baroh kawei naduh Geba ha ka phang bashatei bad shaduh Rimmon ha ka phang bashathie, yn pynmadan. Ka Jerusalem kan ïeng halor ka ri sawdong jong ka; ka nongbah kan kot naduh ka Khyrdop Benjamin shaduh ka Khyrdop Kyndong, ha kaba la ju don ka khyrdop ba-mynshuwa, bad na u Mot Hananel sha ki jaka khñiot waiñ jong u syiem.

MATHAÏOS 21:35

Ki nongshimwai ki la kem ïa ki mraw jong u, ki shoh ïa uwei, ki pynïap ïa uwei pat, bad ki la lynthem maw ïa uwei pat.

KI KAM 4:3

Kumta ki la kem ïa ki bad ki la buh ïa ki ha phatok haduh ka sngi kaba bud, namar ba ka la dier eh.

KI KAM 5:18

Ki la kem ïa ki apostol bad ki la set ha ka phatok.

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.