JEREMAÏAH 20:18 - Khasi CL Bible (BSI)

¹⁸ Balei ba la kha ïa nga? Hato kan dei tang ban ïoh ka jingjynjar bad ka jingsngewsih, ban pynkut ïa ka jingim jong nga ha ka jingjahburom?

KA BAIBL

¹⁸ Balei nga la mih noh na ka kpoh ban ïohi ïa ka jingshitom bad ka jingsngewsih, ba yn pynduh ïa ki sngi jong nga ha ka jinglehrain?

JEREMAÏAH 20:18 ပူးပေါင်းရင်းမြစ်များ

1 SYIEM 19:4

U Elijah u ïaid baroh shi sngi ha ka ri khlaw. U la sangeh bad shong ha ka jingkah syrngiew u dieng bad u kwah tang ban ïap noh. “Ka la long palat, ko Trai,” u la duwai. “Shim noh ïa ka jingim jong nga; ka bha ïa nga ban ïap noh.”

Ka Kitab U Job 14:1

La kha ïa ngi baroh ki briew kiba tlot bad bymdonbor. Baroh ka ïalam sha kajuh ka jingim balyngkot, bajynjar.

Ka Kitab U Job 14:13

A ba men da buhrieh ïa nga ha ka pyrthei kiba ïap; to ai ba yn buhrieh ïa nga tad haduh ban da jah ka jingbitar jong me, bad sa buh ïa ka por ba men kynmaw ïa nga.

Ka Kitab U Job 3:20

Balei ban shah ïa ki briew ban ïai im ha ki jingjynjar? Balei ban ai jingshai ïa kito kiba don ha ka jingsngewsih?

Ka Kitab U Job 5:7

Em da shisha! Ki briew ki wanrah jingjynjar halor lade, kumba ki phylliah ding ki mih na ka ding.

SALM 102:3

Ka jingim jong nga ka la nang jah kum ka tdem; ka met jong nga ka ing kum ka ding.

SALM 69:19

Me tip haduh katno nga la shah rkhiebeiñ, haduh katno nga la shah pynjahburom bad shah pynlehrain; me ïohi ïa ki nongshun jong nga baroh.

ISAÏAH 1:6

Naduh khlieh haduh kjat ym don kano kano ka bynta kaba khiah halor ka met jong phi. La tap ïa phi da ki jingjngem, ki prum bad ki jingmong ba-lhieh. Ïa ki jingmong jong phi ym shym la pynkhuid lane sop spaiñ. Ym shym la tah dawai ei ei ha ki.

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

JEREMAÏAH 15:18

Balei nga dei ban ïaishah shitom? Balei ba ki jingmynsaw jong nga ym lah ban pynkoit? Balei ba kim koit? Hato me thmu ban pynnoh mynsiem ïa nga kum ka wahduid kaba ryngkhiang ha ka por lyiur?”

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

JEREMAÏAH 8:18

Ïa ka jingsngewsih jong nga ym lah ban pynkhiah; nga pang ha ka dohnud.

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

SNGEWSYNEI 3:1

Nga long uta uba tip kaba kumno ka long ban shah pynshitom ha U Blei.

HABAKKUK 1:3

Balei ba me pynlong ïa nga ban ïohi ïa kaba kum kane ka jingjynjar? Kumno me lah ban shu peit ïa kaba kum kane ka jingleh bymdei? Ka jingpynjot bad ka jinglehbor ki don baroh sawdong jong nga, bad ka don ka jingïaleh bad jingïakajia ha kylleng.

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

HEBRU 11:36

Ïa ki katto katne la rkhiebeiñ bad sympat, bad ïa kiwei pat la teh ha ki kynjri bad la set phatok ïa ki.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 13:13

Te, to ngin leit sha u shabar ka jaka shong dara ban ïoh bynta lang ha ka jingshah lehrain jong u.