JEREMAÏAH 20:12 - Khasi CL Bible (BSI)

¹² Hynrei, ko Trai Badonbor Baroh, me tynjuh hok ïa ki briew; me tip kaei kaba don hapoh ki dohnud bad ka jingmut jong ki. Kumta shah ngan ïohi ba me pynhiarkput halor ki nongshun jong nga, namar nga la buh ïa ka kam jong nga ha ki kti jong me.

KA BAIBL

¹² Hynrei, A Trai ki paid, uba tynjuh ïa ki bahok, uba ïohi ïa ki khyllai bad ïa ka dohnud, to ai ngan ïohi ïa ka jingpynhiar kput jong me halor jong ki; naba ha me nga la pynpaw ïa la ka kam.

JEREMAÏAH 20:12 ပူးပေါင်းရင်းမြစ်များ

2 KHRONIKL 24:22

U syiem u la klet ïa ka jingshakri bahok ba u Jehoïada, u kpa jong u Sekharaïah u la ai ïa u, bad u la phah pynïap ïa u Sekharaïah. Shuwa ba u Sekharaïah un ïap, u pyrta, “Ai ba U Trai un ïohi ïa kaei kaba phi leh bad un pynshitom ïa phi!”

SALM 11:5

U khmih bniah ïa uba hok bad ïa u bymman kumjuh, ïa uba tamsneng u isih da ka dohnud jong u baroh.

SALM 139:23

To ïit ïa nga, A Blei, bad to tip ïa ka jingmut jong nga; tynjuh ïa nga, bad to tip ïa ki jingmut jong nga.

SALM 17:3

Me tip ïa ka dohnud jong nga. Me la wan ha nga ha ka por miet; Me la ïitbniah ïa nga nadong shadong bad men shym la shem kano kano ka jingkwah basniew hapoh jong nga.

SALM 54:7

Me la pyllait im ïa nga na ki jingjynjar jong nga baroh, bad nga la ïohi ba ki nongshun jong nga ki la shahjop.

SALM 58:10

Kiba hok kin shadkmen haba ki ïohi ba pynshitom ïa ki nongpop; kin ïaid lyngba ka snam jong ki bymman.

SALM 59:10

U Blei jong nga u ieit ïa nga bad un wan sha nga; un shah ba ngan ïohi ïa ka jingshahjop ki nongshun jong nga.

SALM 62:8

Shaniah ha U Blei ha ki por baroh, ko ki briew jong nga; ïathuh ha u ïa ki jingjynjar jong phi baroh, naba u long ka jakarieh jong ngi.

SALM 7:9

Me long U Blei uba hok, bad me bishar ïa ki jingpyrkhat bad ïa ki jingkwah jong ngi. Pynsangeh ïa ka jingbymman jong ki nongkamsniew bad ainong ïa kito kiba bha.

SALM 86:4

To pynlong ïa u shakri jong me uba kmen, A Trai namar ki jingduwai jong nga ki kiew sha me.

ISAÏAH 37:14

U syiem Hesekaïah u shim ïa ka shithi na ki nongrah-khubor bad pule ïa ka.

ISAÏAH 38:14

Ka sur jong nga ka rit bad tlot, bad nga ud kum ka paro. Ki khmat jong nga ki la thait na kaba khmied sha bneng. A Trai, pyllait im ïa nga na kane ka jingjynjar baroh.

JEREMAÏAH 11:20

Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

JEREMAÏAH 12:8

Ki briew ba la jied jong nga ki la phai pyrshah ïa nga; kum u sing hapoh ka khlaw ki la kyrhuh ïa nga, bad kumta nga isih ïa ki.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 17:18

To wallam ka jingjahburom halor kito kiba pynshitom beiñ ïa nga, hynrei pyllait im ïa nga, A Trai. Pyndap ïa ki da ka jingshyrkhei, hynrei wat pynshyrkhei ïa nga. To wallam ka jingjot ha ki bad pynkdiah lyngkhot ïa ki.

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.

1 PETROS 4:19

Kumta te, kito kiba shahshitom namar ba ka long ka mon U Blei ïa ki, ki dei da la ki kam babha ban shaniah tylli ïa lade ha U Nongthaw jong ki, uba ïai bat ïa la ka jingkular.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

1 SAMUEL 1:15

“Em kynrad, ngam shym buaid” ka la jubab. “Ngam shym dih! Nga jynjar sat bad nga dang duwai bad khlei lut ïa ki jingjynjar baroh ha U Trai.