JEREMAÏAH 20:11 - Khasi CL Bible (BSI)

¹¹ Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

KA BAIBL

¹¹ Hynrei, U Trai u long lem bad nga kum uba don bor bad uba itieng: namar kata, ki nongbehbeiñ ïa nga kin jynthut, te kin ym jop; yn pynlehrain sat ïa ki, namar kim shym leh sian, da ka jingjahburom kaba junom keiñ ïa ka ban ym klet noh lano lano.

JEREMAÏAH 20:11 ပူးပေါင်းရင်းမြစ်များ

SALM 129:2

“Naduh mynba nga dang samla, ki nongshun jong nga ki la pynshitom sat ïa nga, hynrei kim shym la jop ïa nga.

SALM 35:26

Ai ba kito kiba risa halor ka jingshah shitom jong nga; ba kin shahjop khoit bad dum buit; ai ba kito kiba kam ba ki kham bha ban ïa nga ba yn tap da ka jinglehrain bad jingjahburom.

SALM 40:14

Ai ba kito kiba pyrshang ban pynïap ïa nga kin shahjop khoit bad dum buit. Ai ba kito kiba kmen namar ki jingjynjar jong nga yn pynphai pat bad pynjahburom.

SALM 47:2

U Trai, u Bahakhlieh Tam Eh, u long uba dei ban sheptieng; U long u syiem bakhraw, uba synshar halor ka pyrthei baroh.

SALM 6:10

Ki nongshun jong nga kin tip ïa ka jinglehrain bakthang jong ka jingshahjop; ha ka jingshaïong bakynsan yn beh noh ïa ki.

SALM 65:5

Me jubab ïa ngi da kaba ai ha ngi ka jingjop bad me leh kiei kiei kiba phylla ban pyllait im ïa ngi. Ki briew ha kylleng ka pyrthei bad sha shiliang ki duriaw kiba jngai ki shaniah ha me.

SALM 66:5

To wan bad peit aïu U Blei u la leh, ki kam baphylla jong u hapdeng ki briew.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 45:16

Kito kiba shna bleithaw baroh kin shah lehrain; baroh na ki kin jahburom.

JEREMAÏAH 1:18

To shahshkor, ko Jeremaïah! Uwei pa uwei ha kane ka ri — ki syiem ka Judah, ki rangbah synshar, ki lyngdoh, bad ki briew — kin long pyrshah ïa me. Hynrei ha kane ka sngi nga ai ha me ka jingkhlaiñ ban ïeng pyrshah ïa ki; men long kum ka nongbah ba la ker kynroh, u rishot nar, bad ka kynroh rnong. Kin ym lah ban jop ïa me, naba ngan don lem bad me ban ïada ïa me. Ma nga, U Trai nga la kren.”

JEREMAÏAH 1:8

Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

JEREMAÏAH 15:15

Nangta nga la ong, “A Trai, me sngewthuh. To kynmaw ïa nga bad ïarap ïa nga. Shah ngan ïoh pynhiarkput halor kito kiba pynshitom beiñ ïa nga. Wat ym da ïaishah katta katta ïa ki kat ba kin jop ha kaba pynïap ïa nga. To kynmaw ba ka dei na ka bynta jong me ba la ibeiñ ïa nga.

JEREMAÏAH 15:20

Ngan pynlong ïa me kum ka kynroh da ka rnong tylli ha ka jingïadei bad ki. Kin ïakhun pyrshah ïa me, hynrei kin ym jop ïa me. Ngan long bad me ban ïada ïa me bad sumar pynim ïa me.

JEREMAÏAH 17:18

To wallam ka jingjahburom halor kito kiba pynshitom beiñ ïa nga, hynrei pyllait im ïa nga, A Trai. Pyndap ïa ki da ka jingshyrkhei, hynrei wat pynshyrkhei ïa nga. To wallam ka jingjot ha ki bad pynkdiah lyngkhot ïa ki.

JEREMAÏAH 22:22

Ïa ki nongïalam jong phi yn rong noh da ka lyer, kiba ïateh lok bad phi kin shah ring kum ki mraw ka thma; ïa ka nongbah jong phi yn pynjahburom bad shah pynlehrain namar ki kam bymman baroh kiba phi la leh.

JEREMAÏAH 23:40

Ngan sa wanrah ha ki ïa ka jinglehrain bad ka jingjahburom junom ïa kaba yn ym klet shuh.”

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.