JEREMAÏAH 20:10 - Khasi CL Bible (BSI)

¹⁰ Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

KA BAIBL

¹⁰ Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

JEREMAÏAH 20:10 ပူးပေါင်းရင်းမြစ်များ

1 SYIEM 19:2

Ka la phah khubor sha u Elijah: “Ai ba ki blei kin pynïap ïa nga lashai kum ha kane ka por lada ngam leh ïa kajuh kaba me la leh ïa ki nongïathuhlypa.”

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 22:27

Ong ïa ki ban thep byndi ïa u, bad ban ai kpu bad ka um ïa u haduh ba ngan da wan phai suk.”

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

Ka Kitab U Job 19:19

Ki paralok bajan tam jong nga ki peit ïa nga da ka jingisih; kito kiba nga ieit eh ki pyrshah ïa nga.

SALM 31:13

Nga ïohsngew shibun ki nongshun ki ïa-pasiaw; ka jingma ka long ha baroh sawdong ïa nga. Ki ïathaw ki lad pyrshah ïa nga, ki ïasuhbuit ban pynïap ïa nga.

SALM 31:14

Hynrei ka jingshaniah jong nga ka long ha me, A Trai; me long U Blei jong nga.

SALM 41:10

To isynei ïa nga, A Trai, bad to pynïoh pat ïa ka jingkoit jingkhiah jong nga, bad ngan siew kylliang ïa ki nongshun jong nga.

SALM 41:9

Wat u paralok babha tam jong nga, uta uba nga shaniah tam, uta uba ju ïadon bynta na ka jingbam jong nga, u la phai pyrshah ïa nga.

SALM 57:4

Ïa nga la ker sawdong da ki nongshun, kiba long kum ki sing bathrang ïa ka doh briew. Ki bniat jong ki kum ki sum bad ki khnam; ki thylliej jong ki kum ki waitlam banep.

PROBERB 10:18

U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

JEREMAÏAH 11:21

Ki rangbah jong ka Anathoth ki la kwah ïa nga ban shah pynïap, bad ki la ong ïa nga ba kin pynïap ïa nga lada nga dang ïai pynbna ïa ka khubor jong U Trai.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 20:3

Ha ka step kaba bud, hadien ba u Pashhur u la pyllait ïa nga na ki kynjri, nga la ong ha u, “U Trai um shym kyrteng ïa me u Pashhur. Ka kyrteng kaba u la lah ai ha me ka dei ‘Ka Jingshyrkhei ha kylleng.’

JEREMAÏAH 37:13

Hynrei haba nga la poi ha ka Khyrdop Benjamin, u rangbah nongïalam uba dei khmih ïa ki shipai ba don ha ka kam hangta, u briew uba kyrteng u Irijah, u khun jong u Shelemaïah bad u ksiew jong u Hananaïah, u la pynsangeh ïa nga bad u la ong, “Phi la phet noh ban ïasoh bad ki nong Babilonia!”

JEREMAÏAH 6:25

Ngim nud ban leit sha ki rudnong lane ïaid ha ki surok, namar ki nongshun jong ngi ki la kieng atiar bad ka jingshyrkhei ka don ha baroh sawdong jong ngi.”

ESEKIEL 22:9

Don na ki briew jong phi kiba ïathuh lamler shaphang kiwei khnang ban ïoh pynïap ïa ki. Don na ki, kiba bam ïa ki jingkñia ba la ai ha ki bleithaw. Don kiba sngewhun borabor ha la ki jingkwah brai.

DANIEL 6:4

Te kiwei pat ki nongpynïaid bad ki lat ki la ïapyrshang ban shem kaei kaei kaba bakla bad ka rukom kaba u Daniel u pynïaid ïa ka hima, hynrei kim lah, namar ba u Daniel u long uba lah ban shaniah, bad um shym leh kano kano kaba bakla lane ka jingbymhok.

LOUKAS 20:20

Kumta ki la khmih ïa ka kabu. Ki la pynbam pisa ïa ki katto katne ngut ki rangbah ban leh mynleh kum kiba shida, bad ki la phah ïa ki ban riam ïa U Jisu da ki jingkylli, khnang ba kin lah ban aiti ïa u ha ki bor synshar bad sha ka bor jong u lyngskor ka Hima Rom.

KI KAM 24:13

Lymne ba ki lah ban ai ki jingpynshisha jong ki jingkynnoh jong ki kaba ki wallam mynta pyrshah ïa nga.

KI KAM 5:33

Haba ki dkhot jong ka Dorbar ki la ïohsngew ïa kane, ki la bitar shla haduh katta katta ba ki la kwah ban phah pynïap ïa ki apostol.

KI KAM 7:54

Katba ki dkhot jong ka Dorbar ki pynshahshkor ïa u Stephan, ki la bitar shla bad ki la kyr-iat bniat ïa u ha ka jingbitar.