JEREMAÏAH 2:8 - Khasi CL Bible (BSI)

⁸ Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

KA BAIBL

⁸ Ki lyngdoh kim shym ong, ‘Hangno U Trai?’ Bad kita kiba bat ïa ka hukum kim shym ithuh ïa nga: ki nongsynshar ruh ki la leh palat ïa nga, bad ki nongïathuhlypa ki la ïathuhlypa da u Baal, bad ki la ïabeh ïa kita kiei kiei ki bymmyntoi.

JEREMAÏAH 2:8 ပူးပေါင်းရင်းမြစ်များ

1 SYIEM 18:22

Nangta u Elijah u ong, “Nga don sa tang ma nga u nongïathuhlypa jong U Trai uba dang sah, hynrei ki don sawspah sanphew ngut ki nongïathuhlypa jong u Baal.

1 SYIEM 18:29

Ki la ïai duwai lynñiar bad kumba lamwir haduh palat shiteng sngi; hynrei ym shym don jingjubab, ne ïohsngew ïa kano kano ka sur.

1 SYIEM 18:40

U Elijah u hukum bad ong, “Kem ïa ki nongïathuhlypa jong u Baal; wat ai ba uno uno na ki un lait phet!” Ki paidbah ki la kem ïa ki baroh, bad u Elijah u la ïalam ïa ki sha ka wah Kishon bad pynïap ïa ki.

Ka Kitab U Job 35:10

Hynrei kim phai sha U Blei, u Nongthaw jong ki, uba ai jingkyrmen ïa ki ha ki kynta kiba dum.

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

ISAÏAH 29:10

U Trai u la pynshoh samthiah ïa phi, bad phi sdang ban ngat ha ka jingïohthiah kaba jur. Ki nongïathuhlypa ki dei ban long ki khmat jong ki briew, hynrei U Blei u la pynmatlah ïa ki.

ISAÏAH 30:5

ki briew jong ka Judah kin babe ba ki la shaniah ha kata ka hima ka bym lah ban shaniah, ka hima ka bym lah ban leh ei ei ïa ki haba ki khmih lynti ban ïoh jingïarap.”

JEREMAÏAH 10:21

Nga la jubab, “Ki nongïalam jong ngi ki long kiba mutlop; kim shym kyrpad ïa U Trai ban ïoh jingïalam. Dei kane keiñ balei ba ki shahjop, bad ki briew jong ngi ki la shah pynsakma.

JEREMAÏAH 12:10

Shibun ki nongsynshar nongwei ki la pynjot ïa ka bri sohwaiñ jong nga; ki la ïuhroit ïa ki lyngkha jong nga; ki la pynkylla ïa ka ri ba-itynnat jong nga sha ka ri shyiap.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 7:8

“Ha khmih, phi buh ïa la ka jingshaniah ha ki kyntien shukor.

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

ESEKIEL 22:26

Ki lyngdoh ki pynkheiñ ïa ka aiñ jong nga bad kim burom ïa kaei kaba khuid. Kim pynïapher hapdeng kaei kaba khuid bad kaei ka bymkhuid. Kim hikai ïa ka jingïapher hapdeng kiba khuid bad kiba jakhlia, bad kim suidñiew ïa ka Sabbaton. Kaba mih ka long ba ki paid Israel kim ñiewkor ïa nga.

ESEKIEL 34:2

“Ko khun u briew,” u la ong, “to kren pyrshah ïa ki nongsynshar ka Israel. Ïathuhlypa ha ki, bad ïathuh ha ki ïa kaei kaba ma nga, U Trai Nongsynshar nga ong ha ki: Phi long ki bym don jingkyrmen shuh, a phi ki nongsharai ka Israel! Phi sumar bha tang ïa lade, hynrei phim ju bsa bha ïa ki langbrot.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

MATHAÏOS 16:26

Hato u briew u ïohnong ei ei lada u jop ïa ka pyrthei baroh kawei hynrei u duh noh ïa la ka jingim? Em ym kumta! Kam don kano kano kaba u lah ban ai ban ïoh pat ïa la ka jingim.

LOUKAS 11:52

“A katno kaba shyrkhei ïa phi ki nonghikai ka Hukum! Phi la bat noh ïa u shabi uba plie ïa ka khyrdop sha ka ïing jong ka jingtip; phi hi phim leit rung shapoh, bad phi khang ïa kito kiba pyrshang ban rung shapoh!”

ÏOANNIS 16:3

Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

ÏOANNIS 8:55

Phim pat ju ithuh ïa u, hynrei nga ithuh ïa u. Lada nga la ong ba ngam ithuh ïa u, ngan long u nongshukor kum ma phi. Hynrei nga ithuh ïa u, bad nga kohnguh ïa ka ktien jong u.

2 KORINTH 4:2

Ngi buh noh sharud ïa baroh ki kam barieh bad ba pynlehrain; ngim shym leh da ka jingshukor, lymne ngim pynbakla ïa ka ktien jong U Blei. Ha ka jingshai kaba pura jong ka jingshisha, ngi im ha khmat U Blei bad ngi pyrshang ban aiti ïa lade sha ka jingïatiplem babha jong uwei pa uwei.

DEUTERONOMI 33:10

Kin hikai ïa ki briew jong me ban kohnguh ïa ka Aiñ jong me; Kin ai ïa ki jingkñia ha ka duwan jong me.

1 SAMUEL 12:21

Wat ïabeh ïa ki blei thala; kim lah ïarap ïa phi ne pynim ïa phi namar kim dei kiba shisha.

1 SAMUEL 2:12

Ki khun shynrang u Eli ki dei ki riewbymman. Kim ju shahshkor ïa U Trai