JEREMAÏAH 2:7 - Khasi CL Bible (BSI)

⁷ Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

KA BAIBL

⁷ Bad nga la wallam ïa phi sha ka ri ba-dap kyrhai, ban bam ïa u soh jong ka bad ïa ka jingbha jong ka; hynrei, ynda phi la leit shapoh, phi la pyntngit ïa ka ri jong nga, bad ïa ka ri kynti jong nga phi la pynlong ka jingijli.

JEREMAÏAH 2:7 ပူးပေါင်းရင်းမြစ်များ

NEHEMAÏAH 9:25

Ki briew jong me ki la jop ïa ki nongbah ba la ker kynroh, ki ri baseisoh, ki ïing ba-dap da ka spah, ki pukri ba la dep tih lypa, ki dieng Olib, ki diengsoh, ki bri sohwaiñ. Ki bam ïa baroh kaba ki kwah bad ki man sngaid; ki lehkmen ha baroh kiei kiei kiba bha kiba me la ai ïa ki.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

ISAÏAH 19:25

U Trai Badonbor Baroh un kyrkhu ïa ki bad un ong, “Ngan kyrkhu ïa pha, ko Ijipt, ki briew jong nga; ïa pha, ko Assyria, kaba nga la thaw; bad ïa pha, ko Israel, ki briew kiba la jied jong nga.”

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:2

Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

JEREMAÏAH 3:9

bad kam shym lehrain satia. Ka la pyntngit ïa ka ri, bad ka la leh awria da kaba mane ïa ki maw bad ki dieng.

JEREMAÏAH 32:23

Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

JEREMAÏAH 32:30

Naduh kaba sdang eh jong ka histori jong ki, ki paid Israel bad ki paid Judah ki la pynsngewsih ïa nga bad ki la pynbitar ïa nga da kaei kaba ki la leh.

ESEKIEL 20:24

Nga la leh ïa kane namar ba ki la lah kyntait ïa ki hukum jong nga, ki la pynkheiñ ïa ki aiñ jong nga, ki la pyntngit ïa ka Sabbaton, bad mane ïa kijuh ki bleithaw kiba ki kpa tymmen jong ki, ki la shakri.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 20:6

Ka la long ha kato ka por ba nga la kular ban shim noh ïa ki na Ijipt bad ïalam ïa ki sha ka ri kaba nga la jied na ka bynta jong ki, ka ri kaba tuid da ka dud bad ka ngap, ka ri kaba kynsai tam na baroh.

ESEKIEL 23:35

Mynta kane ka long kaei kaba U Trai Nongsynshar u ong: “Namar pha la klet ïa nga bad pha phai dadien ïa nga, phan sa shahshitom na ka bynta ka jingkwah brai jong pha bad ka jingleh nuti jong pha.”

ESEKIEL 36:17

“Ko khun u briew,” u ong, “haba ki Israel ki dang shong ha la ka ri, ki la pyntngit ïa ka da ki rukom ba ki im bad ki leh, nga ñiew ïa ka rukom im jong ki kum ka bymkhuid kat kum ka jinglehniam kum ka kynthei ha ka por ba ka poi bnai.

HOSIA 9:3

Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

MIKAH 2:10

To ïeng joit bad mihnoh; naba ym don shuh ka jingshngain hangne. Ki pop jong phi ki la long jingtim sha ka jingpynjot ïa kane ka jaka.

JINGKHEIÑ 13:27

Ki la ong ha u Moses, “Ngi la swar ïa ka ri bad ngi shem ba ka long kaba tuid da ka dud bad ka ngap; hangne khyndiat u soh jong ka.

DEUTERONOMI 21:23

ym dei ban ieh ïa ka metïap hangta baroh shi miet. Tep ïa ka ha kajuh ka sngi, namar ka metïap kaba sdien ha u dieng ka long ka jingtim U Blei, khnang ba phin ym pyntngit ïa kata ka ri ba U Trai U Blei jong phi u ai ha phi.

DEUTERONOMI 32:9

hynrei ïa ki khun ki ksiew u Jakob u la jied na ka bynta ïa lade.

DEUTERONOMI 6:18

Leh ïa kaei kaba U Trai u ong ba ka long kaba dei bad kaba bha, te phin manbha. Phin sa ïohkynti ïa kata ka ri kaba seisoh ïa kaba U Trai u la kular ha ki kpa tymmen jong phi,