JEREMAÏAH 2:6 - Khasi CL Bible (BSI)

⁶ Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

KA BAIBL

⁶ Lymne kim shym ong, ‘Hangno U Trai uba la wallam noh ïa ngi na ka ri Ijipt; uba la ïalam ïa ngi lyngba ka ri khlaw, lyngba ka ri ka jingkynjah bad ki 'liewlong, lyngba ka ri ki jingryngkhiang bad ka syrngiew ka jingïap, ka ri ka bym ju ïaid briew, bad ha ka bym ju shong briew?’

JEREMAÏAH 2:6 ပူးပေါင်းရင်းမြစ်များ

2 SYIEM 2:14

U la tied ïa ka um da ka jaiñkup jong u Elijah, bad u ong, “Hangno U Trai, U Blei jong u Elijah?” Nangta u la tied biang ïa ka um, bad ka la kad arliang, bad u la ïaid sha shiliang.

Ka Kitab U Job 3:5

Pynlong ïa ka, ka sngi jong ka jingdum tliw bad synñia; kah ïa ka da ki lyoh, bad tap noh ïa ka sngi.

Ka Kitab U Job 35:10

Hynrei kim phai sha U Blei, u Nongthaw jong ki, uba ai jingkyrmen ïa ki ha ki kynta kiba dum.

SALM 23:4

Wat la nga ïaid lyngba ïa ka jingdum tliw tliw, ngan ym sheptieng, A Trai, namar me don bad nga. U diengduh bad u shanduh aplangbrot jong me ki ïada ïa nga.

SALM 77:5

Nga pyrkhat ïa ki sngi kiba la leit noh bad nga kynmaw ïa ki snem kiba mynshuwa.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 5:12

Ki briew jong U Trai ki la len ïa u bad ki la ong, “Un ym leh ei ei da shisha. Ngin ym mad ïa ki por ba-eh; ngin ym mad ïa ka thma lane ka 'nemsniew.”

JEREMAÏAH 5:2

Wat la phi kam ba phi mane ïa U Trai, phim shym mut kumba phi ong.

JEREMAÏAH 51:43

Ki shnong ki la long kiba ishyrkhei ban peit bad ki long kum ka ri shyiap bym don um, ha kaba ym don ba sah lane wat ban ïaid nangta.

HOSIA 12:13

U Trai u la phah ïa u nongïathuhlypa ban pyllait ïa ki paid Israel na ka jinglongmraw ha Ijipt bad ban sumar ïa ki.

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

AMOS 2:10

Nga la wan ïalam ruh ïa phi na ka ri Ijipt, nga la ïalam ïa phi sawphew snem lyngba ka ri shyiap bad nga la ai ïa phi ïa ka ri ki Amor ba phin ïohkynti.

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

DEUTERONOMI 1:19

“Ngi la leh ïa kaei kaba U Trai U Blei jong ngi u la hukum ïa ngi. Ngi mih na u Lum Sinai bad ngi ïaid lyngba ïa ka ri shyiap kaba ïar bad ba-ima sha ka ri lum Amor. Ynda ngi poi ha Kadesh Barnea,

DEUTERONOMI 32:10

“U lap ïa ki ha ka ri shyiap ba ki ïaid sakma, ka ri shyiap kaba kynjah. Ïa ki u sumar bad u ker u da, kumba u ïada ïa lade.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

NONGBISHAR 6:13

U Gideon u ong ha u, “Kynrad, lada long ban kylli, balei kane ka wan jia ha ngi lada U Trai u don ryngkat bad ngi? Jia aïu ïa kiei kiei baroh kiba phylla kiba ki kpa jong ngi ki ïathuh ïa ngi ba U Trai u ju leh — kumno u la ïalam noh ïa ki na Ijipt? U Trai u la iehnoh ïa ngi bad u la ieh ïa ngi ha ka jingisynei jong ki Midian.”