JEREMAÏAH 2:5 - Khasi CL Bible (BSI)

⁵ U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

KA BAIBL

⁵ kumne u ong U Trai, “Ka jingbymhok aïu ki kpa jong phi ki la shem ha nga, ba ki la leit jngai na nga, bad ki la ïabeh ïa ka jingthala, bad ba ki la kylla thala?

JEREMAÏAH 2:5 ပူးပေါင်းရင်းမြစ်များ

2 SYIEM 17:15

Ki kyntait ban kohnguh ïa ki jingbthah jong u, kim shym sumar ïa ka jutang kaba u la pynlong bad ki kpa tymmen jong ki, bad kim suidñiew ïa ki jingmaham jong u. Ki la mane ïa ki bleithaw bym shongdor bad ïa lade ki long ki bymdondor, bad ki bud ïa ki rukom jong ki hima ba don sawdong, khlem kohnguh ïa ki hukum U Trai ban pyrthuh bud ïa ki.

SALM 115:8

Ai ba kito baroh kiba thaw ïa ki bad kiba shaniah ha ki kin long kum ki bleithaw kiba ki la thaw.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 44:9

Baroh kito kiba shna bleithaw kim long ei ei, bad u blei ba ki ñiewkor shibun um long uba larkam. Kito kiba mane ïa kine ki blei ki long kiba matlah bad kiba bieit bad kin shah pynjahburom.

ISAÏAH 46:12

“To shahshkor ïa nga, phi ki briew ba-mutlop kiba pyrkhat ba ka jingjop ka dang sha jngai bah.

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 12:2

Me la thung ïa ki, bad ki la suhthied; ki san bad ki pynmih soh. Ki ju kren bha shaphang jong me, pynban kim da salia eh shisha shaphang jong me.

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 2:4

To shahshkor ïa ka khubor jong U Trai, phi ki khun ki ksiew jong u Jakob, phi ki jait jong ka Israel.

JEREMAÏAH 8:19

Shahshkor! Ha kylleng ka ri nga ïohsngew ba ki briew jong nga ki kyang jam, “Hato U Trai um don shuh ha Seïon? Hato u syiem ka Seïon um don shuh hangta?” U Trai, u syiem jong ki, u jubab, “Balei phi la pynbitar ïa nga da kaba mane ïa ki bleithaw jong phi bad da kaba nguh dem ïa ki blei nongwei bymmyntoi?”

ESEKIEL 11:15

“Ko khun u briew,” u la ong, “ki briew kiba shong basah ha Jerusalem ki ïakren shaphang jong me bad shaphang ki para Israel kiba don ha ka jinglongmraw. Ki ong, ‘Kiba shah ringmraw ki la jngai eh ban mane ïa U Trai. U la ai ha ngi ban ïohkynti ïa ka ri.’

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

JONAH 2:8

Kito kiba mane ïa ki bleithaw bym don jingmyntoi ki la iehnoh na kaba ïaineh ha me.

MATHAÏOS 15:8

“ ‘Kine briew, ong U Blei, ki pyndonburom ïa nga da ki kyntien jong ki, hynrei ka dohnud jong ki, da shisha ka long jngai eh na nga.

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.

1 SAMUEL 12:21

Wat ïabeh ïa ki blei thala; kim lah ïarap ïa phi ne pynim ïa phi namar kim dei kiba shisha.