JEREMAÏAH 2:37 - Khasi CL Bible (BSI)

³⁷ Phin phai noh na ka Ijipt, da kaba sdien ïa ka khlieh jong phi ha ka jinglehrain. Ma nga, U Trai nga la kyntait ïa kito kiba phi la shaniah; phin ym ïoh kano kano ka jingmyntoi na ki.”

KA BAIBL

³⁷ Na u ruh phan sa mih noh, bad ki kti jong pha halor la ka khlieh: naba U Trai u la kyntait ïa ki jingshaniah jong pha, bad phan ym man bha ha ki.”

JEREMAÏAH 2:37 ပူးပေါင်းရင်းမြစ်များ

2 SAMUEL 11:12

Kumta u Dabid u ong, “Te sah hangne ha kane ka sngi, bad lashai ngan phah pat ïa phi.” Kumta u Uriah u la sah ha Jerusalem ha kata ka sngi bad ha ka sngi kaba bud.

2 SAMUEL 13:19

Ka la ber dpei ha la ka khlieh, ka la kad ïa la ka sopti jynsur, bad da kaba buhrieh ïa la ka durkhmat da kaba tap da ki kti ka la leit noh da kaba ïam.

2 KHRONIKL 13:12

U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 28:18

Ka jingïateh kular kaba phi la pynlong bad ka jingïap yn pynduh, bad ïa ka jingïakut jong phi bad ka pyrthei kiba ïap yn pyndam noh. Haba ka jingjot ka sar, phin shahjop noh.

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 14:4

Namar bym don slap bad ba ka khyndew ka la tyrkhong ki nongrep ki pang ka dohnud; ki buhrieh ïa la ki durkhmat.

JEREMAÏAH 17:5

U Trai u ong, “Ngan pynrem ïa u briew uba phai noh na nga bad uba buh ïa ka jingshaniah jong u ha u briew, ha ka jingkhlaiñ jong u briew u bym im junom.

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 22:20

Ko phi ki briew ka Jerusalem, khie leit sha Lebanon bad pyrta jam, khie leit sha ka ri Bashan bad to kyang; pyrta na ki lumbah ka Moab, namar baroh kiba ïateh lok bad phi ki la shahjop.

JEREMAÏAH 22:30

“Ïa une u briew la pynrem ba un duh noh ïa la ki khun, Un long u briew u ban ym jop shuh. Un ym don ki khun ki ksiew jong u ki ban synshar ha Judah kum ki nonghiarpateng u Dabid. Ma nga, U Trai, nga la kren.”

JEREMAÏAH 32:5

Ïa u Sedekaïah yn rah noh sha Babilonia bad un sah hangta haduh ba ngan da pyndep ïa kaei ban leh ïa u. Wat lada un ïaleh ïa ki nong Babilonia, un ym lah ban jop. Ma nga U Trai, nga la kren.”

SNGEWSYNEI 4:17

Ngi la khmih tad haduh ba ngim lah shuh ban khmih ïa ka jingïarap ka bym ju wan. Ngi la ïai ap ïa ka jingïarap na ka hima ka bym don ei ei ban ai.

JINGKHEIÑ 14:41

Hynrei u Moses u ong, “Te balei phi dang ïaleh pyrshah ïa U Trai mynta? Phin ym jop!