JEREMAÏAH 2:34 - Khasi CL Bible (BSI)

³⁴ Ki jaiñ jong phi ki la khah da ka snam jong kiba duk bad kiba lui lui, ym da ka snam jong ki nonglute.

KA BAIBL

³⁴ Ha ki rmiang jaiñ jong pha ruh la shem ïa ka snam ki baduk balui lui: ngam shym la shem ïa ka ha ka jaka kaba pei ba la prat, hynrei, halor kine baroh.

JEREMAÏAH 2:34 ပူးပေါင်းရင်းမြစ်များ

2 SYIEM 21:16

U Manasseh u la pynïap bun ki briew balui lui, haduh ba ki surok bah ka Jerusalem ki la tuid da ka snam; u la leh ïa kane nalor ba u ïalam ïa ki briew ka Judah sha ka jingmane bleithaw da kaba pynlong ïa ki ban leh pop pyrshah ïa U Trai.

2 SYIEM 24:4

bad khamtam namar baroh ki briew balui lui kiba u la pynïap. U Trai um lah shuh ban map ïa u Manasseh na ka bynta kata.

EKSODOS 22:1

“Lada u briew u tuh ïa ka masi ne ïa ka langbrot bad u pynïap ïa ka ne u die ïa ka, u dei ban hap siew pat da san tylli ki masi ïa kawei ka masi, bad saw tylli ki langbrot ïa kawei ka langbrot.

EKSODOS 22:2

U hap siew pat ïa kata kaba u la tuh. Lada um don ei ei, dei ban die mraw ïa u ban siew pat na ka bynta ïa kata kaba u la tuh. Lada lap ba kata ka mrad ba u la tuh, la ka dei ka masi, ne ka kada, ne ka langbrot, ka dang im bad ka don bad u, u dei ban siew pat ar tylli na ka bynta kawei. “Lada ïohkem ïa u nongtuh uba prat ïing mynmiet bad u shah shoh haduh ba un da ïap, uta uba pynïap ïa u un ym shah kynnoh ba u pynïap briew. Hynrei lada kata ka jingjia ka long mynsngi, yn ñiew ïa u ba u long u nongpynïap briew.

ISAÏAH 57:5

Phi mane ïa ki blei pynkharoi da kaba ïathiah shongkha hapoh ki dieng bakyntang jong phi; phi ai ïa la ki khun kum ki jingkñia hapoh ki synrang mawsiang harud ki phud wahduid.

ISAÏAH 59:3

Phi long kiba la rem namar ka jinglamler, ka jingleh jubor bad ka jingpynïap briew.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 2:33

Phi tip thikna kumno ban ïabeh nadien ki nongleh-ieit. Wat ki kynthei kiba sniew eh ki lah ban ïoh jinghikai na phi.

JEREMAÏAH 6:15

Hato kin sngewlehrain namar ki la leh ïa kine kiei kiei kiba ijli? Em, kim shym la sngewlehrain satia; kim tip hi ruh kumno ban sawkyr-ang. Bad kumta kin kyllon kumba kiwei ki la kyllon; haba nga pynshitom ïa ki, kata kan long kaba kut jong ki. Ma nga, U Trai, nga la kren.”

JEREMAÏAH 7:31

Ha ka Them Hinnom ki la tei ka duwan ba la khot ka Topheth, khnang ba ki lah ban kñia ïa ki khun shynrang bad ki khun kynthei jong ki hapoh ka ding. Ngam shym la hukum ïa ki ban leh ïa kane — kam shym la rung wat ha ka jingpyrkhat jong nga.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

SNGEWSYNEI 1:9

Ïa ka jingbymkhuid jong ka lah ban ïohi da kaba suk, hynrei kam shym la pynpaw jingsngewkhia ei ei ïa la ka kupar. Ka jingkyllon jong ka, ka long kaba shyrkhei; ym don mano mano ba lah ban pyntngen ïa ka. Ki nongshun jong ka ki la jop, bad ka kyang sha U Trai na ka bynta ka jingisynei.

SNGEWSYNEI 4:14

Ki nongïalam jong ka ki la sakma lyngba ki lynti bah kum ki rangbah kiba matlah, kiba la bit da ka snam haduh katta katta ba ym don mano mano ban ktah ïa ki.

ESEKIEL 20:31

Wat haduh mynta phi ai ïa kijuh ki jingai sngewbha bad pyntngit ïa lade da kijuh ki bleithaw da kaba kñia ïa la ki khun sha ki ha ka ding. Bad nangta ma phi ki Israel phi dang ïai wan ban kylli kaei ka long ka mon jong nga! Kumba da shisha ma nga, U Trai Nongsynshar, nga long U Blei uba im, ngan ym shah ïa phi ban kylli ei ei na nga.

ESEKIEL 22:25

Ki nongïalam ki long kum ki sing kiba kyrhuh halor ki mrad kiba ki la pynïap. Ki pynïap ïa ki briew, ki shim ïa ka pisa baroh bad ki jingdon jingem kat kaba ki lah ban ïoh, bad da kaba pynïap briew ki pynsah riewkynthei ïa kiba bun.

ESEKIEL 23:45

Ki briew bahok kin pynrem ïa ki halor ka daw jong ka jingawria bad jingpynïap briew, namar ki ïai klim bad ki kti jong ki, ki bit da ka snam.”

ESEKIEL 24:7

Ka la don ka jingpynïap briew ha ka nongbah, hynrei ka snam kam shym pashait ha ka khyndew ha kaba ka khyndew kam lah ban buhrieh ïa ka; ka la pashait ha u mawsiang basyllen.

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.