JEREMAÏAH 2:32 - Khasi CL Bible (BSI)

³² Hato ka samla kan klet ïa ki jingdeng jong ka, lane ka nongleitkurim ïa ka jaiñ kyntiew kurim jong ka? Hynrei ki briew jong nga ki la klet ïa nga bun bun sngi ban ïa kaba lah ban ñiew.

KA BAIBL

³² Ka khynraw ka lah ban klet ïa la ki jingdeng, lane ka nongleit-kurim ïa la ka jingriam? Hynrei, u paidlang jong nga u la klet ïa nga kat bym lah ñiew sngi shuh.

JEREMAÏAH 2:32 ပူးပေါင်းရင်းမြစ်များ

JENESIS 24:22

Haba ka la dep ai um, uta u briew u shim ïa ka sati ksiar kaba remdor bad u pyndait ha ka khmut jong ka, bad u pyndeng ruh ar tylli ki khadu ksiar kiba heh ha ki ryndang-kti jong ka.

JENESIS 24:30

U Laban u la ïohi ïa ka sati khmut bad ïa ki khadu ha ki ryndang-kti jong ka para jong u, bad u la ïohsngew ïa ka ba ka ïathuh ïa kaei kaba uta u briew u la ong ha ka. U leit sha u shakri jong u Abraham, uba ïeng hajan ki ut jong u harud kata ka pukri,

JENESIS 24:53

Nangta u sei ïa ki jaiñ bad ki jingdeng rupa bad ksiar, bad u ai ïa ki ha ka Rebekka. U ai ruh ïa ki jingai kiba kordor ïa u hynmen bad ïa ka kmie jong ka.

2 SAMUEL 1:24

“Ko kynthei Israel, to ïam namar u Saul! Uba la pynkup ïa phi da ki jaiñ saw syn-iang, Bad u la pyndeng ïa phi da ki mawlynnai bad ka ksiar.

SALM 106:21

Ki la klet ïa U Blei uba la pyllait im ïa ki da ki kam badonbor jong u ha Ijipt.

SALM 9:17

Ka jingïap ka dei ka jingkut jong ki bymman baroh, jong kito baroh kiba kyntait ïa U Blei.

ISAÏAH 17:10

Ko Israel, pha la klet noh ïa U Blei uba la pyllait ïa pha bad uba la ïada ïa pha kum u mawsiang bah. Pynban, pha la thung ki kper bakyntang khnang ban mane ïa u blei nongwei.

ISAÏAH 57:11

U Trai u ong, “Kiei kine ki blei kiba pynsheptieng ïa phi, kumta ba phi ïathuh ïa nga ïa kaba lamler bad klet syndon ïa nga? Hato phim shym la ai burom shuh ïa nga namar ba nga la shu sngap la slem bah?

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 13:25

U la ong ba kane kan dei ka kupar jong pha. Kane ka dei kaei kaba u la kut jingmut ban leh ïa pha, namar pha la klet ïa u bad pha la shaniah ha ki blei thala.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

JEREMAÏAH 2:33

Phi tip thikna kumno ban ïabeh nadien ki nongleh-ieit. Wat ki kynthei kiba sniew eh ki lah ban ïoh jinghikai na phi.

JEREMAÏAH 23:27

Ki pyrkhat ba ki jingphohsniew ba ki ïathuh kin pynlong ïa ki briew jong nga ban klet ïa nga, kumba ki kpa jong ki, ki la klet ïa nga bad phai sha u Baal.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

HOSIA 8:14

“Ki paid Israel ki la tei ïa ki ïingsyiem, hynrei ki la klet ïa la U Nongthaw. Ki paid Judah ki la tei ïa ki nongbah ba la ker kynroh. Hynrei ngan phah da ka ding ka ban thang duh ïa ki ïingsyiem bad ki nongbah jong ki.”

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

NONGBISHAR 8:34

bad kim shym la shakri shuh ïa U Trai U Blei jong ki, uba la pynim ïa ki na ki nongshun baroh kiba sawdong jong ki.