JEREMAÏAH 2:31 - Khasi CL Bible (BSI)

³¹ Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

KA BAIBL

³¹ A ka pateng bynriew, to khmih phi ïa ka ktien U Trai. Hato nga la long ka ri khlaw ha u Israel? Lane ka ri ka jingdum tliw tliw? Balei u paidlang jong nga u ong, ‘Ngi la lait war; ngin ym wan shuh ha me?’

JEREMAÏAH 2:31 ပူးပေါင်းရင်းမြစ်များ

1 SYIEM 11:22

“Balei?” u syiem u kylli. “Hato ngam shym lah ban ai ei ei ïa me? Hato dei kata balei ba me da kwah ban leit phai sha ïing?” “Shu shah ïa nga ban leit,” u Hadad u jubab ïa u syiem. Bad u leit phai sha la ka ri. Kum u syiem Edom, u Hadad u long uba bymman, u nongshun uba pynkthang ïa ki Israel.

2 KHRONIKL 31:10

bad u Asaraïah u Rangbah Lyngdoh, uba hiarpateng na u Sadok, u ong ha u, “Naduh ba ki briew ki sdang ban wanrah ïa ki jingai jong ki sha ka Templ, kaba la don, ka la biang ban bam bad kaba sah tam ka long kaba bun. Ngi don ïa kane baroh namar U Trai u la kyrkhu ïa ki briew jong u.”

Ka Kitab U Job 21:14

Ki bymman ki ong ïa U Blei ba un ieh ïa ki ha la ka mon jong ki; kim kwah ban tip ïa ka mon jong u ha ka jingim jong ki.

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 12:4

“Da ki kyntien jong ngi, ngi ïoh ïa kaei kaba ngi kwah. Ngin kren ïa kaei kaba ngi mon, bad ym don mano mano ba lah ban pynsangeh ïa ngi.”

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

ISAÏAH 45:19

Ngam shym la kren ha kaba rieh lane buhrieh ïa ka jingthmu jong nga. Ngam shym la dawa na u paid Israel ban khmih ïa nga ha ka jaka ba la iehnoh suda. Nga long U Trai, bad nga kren ïa ka jingshisha; nga pynlong ban tip ïa kaei kaba dei.”

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 2:25

Ko Israel wat pynlwait ïa ki kjat jong me, lane shah ïa u pdot jong me ban tyrkhong na kaba beh ïa kiwei pat ki blei. Hynrei me ong, ‘Em! Ngam lah ban phai dien. Nga la ieit ïa ki blei nongwei bad ngan leit hadien jong ki.’ ”

JEREMAÏAH 5:5

Ngan leit sha ki briew kiba ha ka bor; bad ïakren bad ki. Da shisha ki tip kaei ba U Blei u dawa, kaei ba U Trai u kwah ïa ki ban leh.” Hynrei ki baroh ki la kyntait ïa ka iktiar jong U Trai bad ki kyntait ban kohnguh ïa u.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

AMOS 1:1

Kine ki long ki ktien u Amos, u nongaplangbrot na ka shnong Tekoa. Ar snem shuwa u jumai, mynba u Ussaïah u long u syiem ka Judah, bad u Jeroboam u khun jong u Joash u long u syiem ka Israel, U Blei u la pynpaw ha u Amos ïa kine kiei kiei baroh shaphang ki Israel.

MIKAH 6:9

Ka long ka jingstad ban sheptieng ïa U Trai. U pyrta ïa ka nongbah, “To shahshkor phi ki briew kiba ïalum ha ka nongbah!

1 KORINTH 4:8

Hato phi la don lypa ïa kaei kaei baroh kaba phi donkam? Hato phi la riewspah lypa? Hato phi la long ki syiem, wat la ngi ngim long? A, nga da kwah ba phin da long shisha ki syiem, khnang ba ngin ïoh long ki syiem lem bad phi.

DEUTERONOMI 31:20

Ngan ïalam ïa ki sha kata ka ri kaba tuid da ka dud bad ka ngap, kumba nga la kular ïa ki kpa tymmen jong ki. Hangta kin ïoh bam katba ki kwah, bad kin im pahuh pahai. Hynrei kin phai noh sha kiwei pat ki blei bad kin mane ïa ki. Kin sa kyntait ïa nga bad pynkheiñ ïa ka jutang jong nga,

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

DEUTERONOMI 32:18

Ki la klet ïa la U Blei, u nongpynim bakhrawbor jong ki, uta uba la ai ha ki ka jingim.