JEREMAÏAH 2:30 - Khasi CL Bible (BSI)

³⁰ Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

KA BAIBL

³⁰ “Nga la sympat lehnohei ïa ki khun jong phi; kim shym la pdiang ïa ka jingsneng: ka waitlam jong phi hi ka la bam duh ïa ki nongïathuhlypa jong phi, kum u sing u bapynjot.

JEREMAÏAH 2:30 ပူးပေါင်းရင်းမြစ်များ

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 19:14

U jubab, “A Trai U Blei Badonbor Baroh, nga la shakri borabor ïa me — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

2 KHRONIKL 24:21

U syiem Joash u la ïasnohkti ha ka jingïasylla pyrshah ïa u Sekharaïah, bad ha ka hukum jong u syiem, ki paidbah ki la lynthem maw ïa u Sekharaïah ha ka phyllaw ka Templ.

2 KHRONIKL 28:22

Katba ki jingjynjar ki nang jur, u Ahas u la leh pop shuh shuh pyrshah ïa U Trai.

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

ISAÏAH 59:3

Phi long kiba la rem namar ka jinglamler, ka jingleh jubor bad ka jingpynïap briew.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 31:18

“Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

JEREMAÏAH 46:14

“Pynbna ïa ka ha ki shnong jong ka Ijipt, ha Migdol, Memphis, bad Tahpanhes: ‘To pynkhreh ban ïada ïa lade; ïa kiei kiei kiba phi don yn pynjot ha ka thma!

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 7:28

Men ïathuh ïa ki ba ka jaitbynriew jong ki kam shym kohnguh ïa nga, U Trai U Blei jong ki, lane ïoh jinghikai na ki jingpynshitom jong ki. Ka jingïaineh ka la ïap. Ym shym la ïakren shuh shaphang jong ka.”

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

ESEKIEL 22:24

“Ko khun u briew,” u la ong, “ïathuh ïa ki Israel ba ka ri jong ki kam long kaba khuid, bad kumta ngan pynshitom ïa ka ha ka jingbitar jong nga.

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

MATHAÏOS 23:29

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shna ki lum jingtep ba-itynnat na ka bynta ki nongïathuhlypa bad phi pynitynnat ïa ki mot sahkynmaw jong kito kiba im ka jingim kaba bha;

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

1 THESSALONI 2:15

kiba la pynïap ïa U Trai Jisu bad ïa ki nongïathuhlypa, bad ki la pynshitom beiñ ïa ngi. A kumno ki la long ki bym pynsngewbha ïa U Blei! A kumno ki la long kiba shun iwei ïa iwei!

JINGPYNPAW 16:9

La thang ïa ki da ka jingshit tyrha kaba jur, bad ki la tim ïa ka kyrteng jong U Blei, uba don ka bor halor kine ki khlam. Hynrei kim shym phai noh na ki pop jong ki bad ïaroh ïa ka jingkhraw jong u.