JEREMAÏAH 2:28 - Khasi CL Bible (BSI)

²⁸ “Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

KA BAIBL

²⁸ Hynrei, hangno ki blei jong me kiba me la thaw ïa lade? to kin ïeng kita, lada ki lah ban pynim ïa me ha ka por ka jingjynjar jong me: naba, A Judah, kat kum ka jingkheiñ ki shnong jong pha katta ki don ki blei jong pha.

JEREMAÏAH 2:28 ပူးပေါင်းရင်းမြစ်များ

2 SYIEM 3:13

“Balei ngan ïarap ïa phi?” u Elisha u ong ïa u syiem ka Israel. “Khie leit bad kylli na kito ki nongïathuhlypa kiba u kpa bad ka kmie jong me ki la kylli.” “Em!” u Joram u jubab. “U dei U Trai uba la buh ïa ngi lai ngut ha ka jingisynei jong u syiem ka Moab.”

ISAÏAH 45:20

U Trai u ong, “Ale lang, ko ki briew jong ki hima, baroh kiba lait im na ka jingkyllon ka hima-patsha; ai ïa lade na ka bynta ka jingbishar! Ki briew kiba ïaid bad la ki bleithaw kiba da ki dieng bad duwai sha ki blei ki bym lah ban pynim ïa ki — kito ki briew ki bymtip ei ei satia!

ISAÏAH 46:2

Ki bleithaw kim lah ban pynim ïa lade; ïa ki la kurup bad la rah noh bak. Kane ka dei kaba kut jong ki blei ka Babilon!

ISAÏAH 46:7

Ki kyntiew ïa ka ha la ki tyrpeng bad rah ïa ka; ki buh ïa ka ha ka jaka jong ka, bad hangta ka ïeng, khlem lah ban khih na ka jaka ba ka don. Lada don uno uno ba duwai ha ka, kam lah ban jubab lane pyllait ïa u na ka jingjot.

ISAÏAH 57:13

Haba phi kyang ban ïoh jingïarap, ai ba kito ki bleithaw jong phi kin pyllait ïa phi! Tang shisien pyrsad ka lyer kan rong noh ïa ki! Hynrei kito kiba shaniah ha nga kin ïoh im ha ka ri bad kin mane ïa nga ha ka Templ jong nga.”

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 11:12

Nangta ki briew jong ka Judah bad ka Jerusalem kin leit sha ki blei ha kiba ki ai ïa ki jingkñia bad kin kyang jam sha ki ban ïoh jingïarap. Hynrei kito ki blei kin ym lah ban pynim ïa ki haba kane ka jingpynjot ka wan.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JEREMAÏAH 37:19

Kaei kaba la jia ïa ki nongïathuhlypa kiba la ong ïa phi ba u syiem ka Babilonia un ym tur ïaleh ïa phi lane ïa ka ri?

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

HABAKKUK 2:19

Phi long ba la tim! Phi ong ha ka lyngkhot dieng, “Khie noh!” ne ïa u maw, “Ïeng joit!” Hato ka bleithaw ka lah ban pynpaw ei ei ïa phi? Lah ban suit ïa ka da ka rupa bad ka ksiar, hynrei ym don jingim ha ka.

DEUTERONOMI 32:37

Te U Trai un ong ha la ki briew, ‘Shaei kito ki blei khrawbor ha kiba phi shaniah?

NONGBISHAR 10:14

Khie leit kyang jam sha ki blei kiba phi la jied. Ai ba kita kin pyllait ïa phi ha ka por ba phi jynjar.”