JEREMAÏAH 2:26 - Khasi CL Bible (BSI)

²⁶ U Trai u ong, “Kumba u nongtuh u shah pynjahburom haba la kem ïa u, kumta ïa phi baroh ki paid Israel yn pynjahburom — ki syiem bad ki rangbah synshar jong phi, ki lyngdoh bad ki nongïathuhlypa jong phi.

KA BAIBL

²⁶ “Kumba u nongtuh u lehrain haba lap ïa u, kumta ka ïing Israel ka lehrain: ma ki, ki syiem jong ki, ki rangbah jong ki, bad ki lyngdoh jong ki, bad ki nongïathuhlypa jong ki;

JEREMAÏAH 2:26 ပူးပေါင်းရင်းမြစ်များ

ESRA 9:7

Naduh ki sngi jong ki kpa tymmen jong ngi haduh mynta, ma ngi, ki briew jong me, ngi la leh pop palat. Namar ki pop jong ngi, ma ngi, ki syiem jong ngi, bad ki lyngdoh jong ngi, ngi la hap noh ha ki kti jong ki syiem nongwei, bad ïa ngi la pynïap, la lute bad la ïalam noh kum ki koidi. Ngi la long baroh kiba shah lehrain, kumba ngi long ruh mynta ka sngi.

SALM 97:7

Baroh kiba mane bleithaw kin shah pynlehrain, baroh ki blei ki dem ngon ha khmat jong U Trai.

ISAÏAH 1:29

Phin sngewsih ba phi la ju mane ïa ki dieng bad thung ki kper kyntang.

ISAÏAH 44:11

Baroh uba mane ïa ka un shah ñiewbeiñ. Ki briew kiba shna ïa ki bleithaw ki long tang ki briew bad ym don shuh. Shah ïa ki ban wan bad ban ïeng ha ka jingbishar — kin khynñiuh bad kin shah pynjahburom.

ISAÏAH 44:9

Baroh kito kiba shna bleithaw kim long ei ei, bad u blei ba ki ñiewkor shibun um long uba larkam. Kito kiba mane ïa kine ki blei ki long kiba matlah bad kiba bieit bad kin shah pynjahburom.

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 22:22

Ïa ki nongïalam jong phi yn rong noh da ka lyer, kiba ïateh lok bad phi kin shah ring kum ki mraw ka thma; ïa ka nongbah jong phi yn pynjahburom bad shah pynlehrain namar ki kam bymman baroh kiba phi la leh.

JEREMAÏAH 32:32

Nga la kut jingmut ban pynjot ïa ka namar baroh kaba sniew ba la leh da ki paid ka Judah bad ka Jerusalem, ryngkat bad ki syiem bad ki nongïalam jong ki, ki lyngdoh bad ki nongïathuhlypa jong ki.

JEREMAÏAH 4:9

U Trai u ong, “Ha kata ka sngi ki syiem bad ki rangbah synshar kin duh ka jingshlur jong ki; ki lyngdoh kin kyndit bad ki nongïathuhlypa kin lyngngoh.”

JEREMAÏAH 48:27

Ko Moab, to kynmaw kumno pha rkhiebeiñ ïa ki paid Israel? Pha la leh ïa ki kumba ki la ngat ha ka kynhun ki nonglute.

ESEKIEL 16:54

Phan sngewlehrain ïa lade bad ka jingjahburom jong pha kan pyn-i ïa ki hynmen ki para kynthei jong pha haduh katno ki long kiba bit babiang.

ESEKIEL 22:26

Ki lyngdoh ki pynkheiñ ïa ka aiñ jong nga bad kim burom ïa kaei kaba khuid. Kim pynïapher hapdeng kaei kaba khuid bad kaei ka bymkhuid. Kim hikai ïa ka jingïapher hapdeng kiba khuid bad kiba jakhlia, bad kim suidñiew ïa ka Sabbaton. Kaba mih ka long ba ki paid Israel kim ñiewkor ïa nga.

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

Ka Shithi U Paul Sha Ki Nong Rom 6:21

Kaei kaba phi la ïoh jingmyntoi na kaba leh ïa kiei kiei kiba phi la sngewlehrain mynta? Ka jingmih jong kita kiei kiei ka long ka jingïap!