JEREMAÏAH 2:25 - Khasi CL Bible (BSI)

²⁵ Ko Israel wat pynlwait ïa ki kjat jong me, lane shah ïa u pdot jong me ban tyrkhong na kaba beh ïa kiwei pat ki blei. Hynrei me ong, ‘Em! Ngam lah ban phai dien. Nga la ieit ïa ki blei nongwei bad ngan leit hadien jong ki.’ ”

KA BAIBL

²⁵ Khang ïa la ka kjat na kaba long lyngkhuit, bad ïa la u pdot na kaba sliang: hynrei, pha la ong, ‘Ym don jingkyrmen: em, naba nga la ieit ïa ki nongwei, bad nadien jong ki ngan leit.’

JEREMAÏAH 2:25 ပူးပေါင်းရင်းမြစ်များ

2 KHRONIKL 28:22

Katba ki jingjynjar ki nang jur, u Ahas u la leh pop shuh shuh pyrshah ïa U Trai.

2 KHRONIKL 28:23

U kñia ki jingainguh ha ki blei jong ki Syria, kiba la jop ïa u. U ong, “Ki blei jong ki Syria ki la ïarap ïa ki syiem Syria, kumta lada nga ai jingkñia sha ki, ki lah ban ïarap ïa nga ruh.” Kane ka la wanrah jingpynjot ïa u bad ha ka hima jong u.

ISAÏAH 2:6

A Blei me la iehnoh ïa ki briew jong me, ki khun ki ksiew jong u Jakob! Ka ri ka dap da ki jingleh myntor na ka ri Mihngi bad na ka Philistia. Ki briew ki bud ïa ki dustur nongwei.

ISAÏAH 57:10

Phi pynthait ïa lade ban leit wad ïa kiwei pat ki blei, hynrei phim shym la sangeh. Phi pyrkhat ba ki bleithaw ba-ijli jong phi kin ai bor ïa phi, bad kumta phim ju khie tlot.

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 13:22

Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

JEREMAÏAH 14:10

U Trai u ong shaphang kine ki briew, “Ki ieit ban phet noh na nga, bad kin ym lah ban bat synshar ïa lade. Kumta ngam shym la sngewbha bad ki. Ngan kynmaw ïa ki jingbakla kiba ki la leh bad ngan pynshitom ïa ki namar ki pop jong ki.”

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 22:20

Ko phi ki briew ka Jerusalem, khie leit sha Lebanon bad pyrta jam, khie leit sha ka ri Bashan bad to kyang; pyrta na ki lumbah ka Moab, namar baroh kiba ïateh lok bad phi ki la shahjop.

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

SNGEWSYNEI 4:4

Ki shah ïa ki khunlung jong ki ban ïap ha ka jingthngan bad jingsliang; ki khynnah ki khrong jingbam kaba ym don mano mano ban ai ha ki.

ESEKIEL 20:32

Phi la pynbeit ïa la ki jingmut ba phi ïakwah ban long kum kiwei pat ki jaitbynriew, kum ki briew kiba shong basah ha kiwei pat ki ri bad kiba mane ïa ki dieng bad ki mawsiang. Hynrei kata kan ym long da lei lei.

HOSIA 2:3

Lada kam sangeh, ngan law lyngkhuit ïa ka kumba ka la long ha ka sngi ba la kha ïa ka. Ngan pynlong ïa ka, kum ka ri kaba tyrkhong bad ka bymseisoh, bad kan sa ïap namar ka jingsliang.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

MALAKHI 3:14

Phi la ong, ‘Kam myntoi ban shakri ïa U Blei. Kaei ka jingmyntoi ban leh ïa kaei kaba u ong lane kaba pyrshang ban pyn-i ïa U Trai Badonbor Baroh ba ngi sngewsih na ka bynta kaei kaba ngi la leh?

LOUKAS 15:22

Hynrei u kpa u la khot ïa la ki shakri. ‘To pynkloi!’ u la ong. ‘To wanlam ïa ka jaiñkup kaba bha tam bad pynkup ïa u. Pyndeng sati ha ka shynriah'ti jong u bad pynphong juti ha ki kjat jong u.

LOUKAS 16:24

Kumta u la pyrta, ‘Ko Kpa Abraham! To sngewsynei ïa nga, bad phah ïa u Lasaros ban wieh ïa ka shynriah'ti jong u ha ka um khyndiat bad pyntngen ïa u thylliej jong nga, namar nga don ha ka jingshitom bakhraw ha kane ka ding!’

Ka Shithi U Paul Sha Ki Nong Rom 8:24

Naba ka long da ka jingkyrmen ba ïa ngi la pynim; hynrei lada ngi ïohi kaei kaba ngi ap kyrmen, te kam da long shisha ka jingkyrmen. Naba uei uta uba kyrmen ïa kaei kaba u ïohi?

DEUTERONOMI 28:48

Kumta keiñ, phin hap ban shakri ïa ki nongshun ba U Trai un phah pyrshah ïa phi. Phin thngan, phin sliang, bad phin lyngkhuit — phin da kyrduh shisha khait. U Trai un pynshitom jur ïa phi haduh ba phin da jot thiaw.

DEUTERONOMI 32:16

Ka jingmane bleithaw jong ki ka pynlong ïa U Trai ban ym lah shah, ki kam bymman jong ki, ki la pynlong ïa u ban bitar.