JEREMAÏAH 2:21 - Khasi CL Bible (BSI)

²¹ Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

KA BAIBL

²¹ Hynrei, nga la lah thung ïa me u dieng Waiñ u babha, u symbai u bahok suda: hato kumno me la kylla long ha nga u jingthung u basniew jong u dieng Waiñ u bapher?

JEREMAÏAH 2:21 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

SALM 44:2

Kumno ba ma me hi me la beh noh ïa kiba mane blei thala bad pynshong neh ïa ki briew jong me ha ka ri jong ki; kumno me la pynshitom ïa kiwei pat ki jaitbynriew bad pynlong ïa la ki jong ban roi kyrhai.

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

SALM 80:9

Me la pynkhuid ka jaka ïa u ba un san; ki thied jong u ki suh jylliew, bad ki pyiar sha kylleng jong ka ri.

EKSODOS 15:17

Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

ISAÏAH 1:21

Ka nongbah kaba shisien ka la long kaba lah ban shaniah ka la leh kum ka nuti! Ha kawei ka por ka la dap da ki rangbah bahok, hynrei mynta ki sah tang ki nongpynïap briew.

ISAÏAH 27:2

Ha kata ka sngi U Trai un ong shaphang ka bri sohwaiñ ba-itynnat jong u,

ISAÏAH 41:8

“Hynrei me, ko Israel u shakri jong nga, me long u paidlang ba nga la jied, ki khun ki ksiew u Abraham, u paralok jong nga.

ISAÏAH 5:4

Don kano kano kaba ngam shym la leh ïa ka? Te balei ka pynmih ki sohwaiñ kiba jew bad ym kiba bha kumba nga la khmih lynti?

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 11:16

Shisien nga la khot ïa ki, u dieng Olib babun sla, uba dap da ki soh ba-itynnat; hynrei mynta, da ka jingkyrhuh kum u pyrthat ngan thang ïa ki sla jong u ha ka ding bad pynkheiñ ïa ki tnat jong u.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 5:10

Ngan phah ïa ki nongshun ban khet ïa ki bri sohwaiñ jong ki briew jong nga, hynrei ym ban pynjot khoit ïa ki. Ngan ong ïa ki ban khet noh ïa ki tnat jong ki, namar kito ki tnat kim dei ki jong nga.

SNGEWSYNEI 4:1

Ka ksiar baphyrnai jong ngi ka la jngut; ki maw jong ka Templ ki don ha ka jingsaphred ha ki lynti bah.

ESEKIEL 15:2

“Ko khun u briew,” u la ong, “kumno yn nujor ïa u dieng sohwaiñ bad u dieng? Ka bha aïu ka tnat u dieng sohwaiñ haba nujor bad ki dieng ha khlaw?

MATHAÏOS 21:33

“To shahshkor sa kawei pat ka pharshi,” U Jisu u la ong. “La don shisien u trai jaka uba la thung ka bri sohwaiñ, u la buh ka jingker sawdong jong ka, u la tih ka thliew na ka bynta ka jaka khñiot waiñ, bad u la tei ka jaka ap phira. Nangta u la aiwai ïa ka bri sohwaiñ ha ki nongshimwai bad u la leit jingleit.

MARKOS 12:1

Nangta, U Jisu u la kren ha ki ha ki pharshi: “Shisien la don u briew uba don ka bri sohwaiñ, u la thaw ka jingker baroh sawdong jong ka, u la tih ka thliew ban khñiot sohwaiñ, bad u la thaw ka jaka ap phira. Nangta u la aiwai ïa ka bri sohwaiñ sha ki nongshimwai bad u la mih na ïing ban leit jingleit.

LOUKAS 20:9

Nangta U Jisu u la ïathuh ha ki paidbah ïa kane ka pharshi: “La don shisien uwei u briew uba don ka bri sohwaiñ, u la aiwai ha ki nongshimwai, bad nangta u la mihnoh na ïing ban jah kham slem.

ÏOANNIS 15:1

“Nga, nga long u dieng sohwaiñ bashisha, bad U Kpa jong nga u long u nongsumar brisoh.

DEUTERONOMI 32:32

Ki nongshun jong ki, kiba jyrsieh kum ka Sodom bad ka Gomorrah, ki long kum ki dieng sohwaiñ kiba sei ki soh kiba kthang bad don bih,

DEUTERONOMI 4:37

Namar ka jingieit ïa ki kpa tymmen jong phi, u la jied ïa phi, bad da ka borbah jong u, u hi da lade u la wan ïalam ïa phi na Ijipt.

JOSHUA 24:31

Katba u Joshua u dang im, ki paid Israel ki la shakri ïa U Trai, bad hadien ka jingïap jong u, ki dang bteng ban leh kumta katba dang im kito ki nongïalam kiba la ïohi da lade hi ïa kaei kaei baroh kaba U Trai u la leh na ka bynta ki Israel.