JEREMAÏAH 2:20 - Khasi CL Bible (BSI)

²⁰ U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

KA BAIBL

²⁰ “Naba naduh mynhyndai nga la pynkheiñ ïa ka lyngkor jong me, bad nga la pyndkut ïa ki jingteh jong me; bad me la ong, ‘Ngan ym shakri;’ naba ha u lum bajrong baroh bad hapoh u dieng bajyrngam baroh me la dem ïa lade, da kaba leh nuti.

JEREMAÏAH 2:20 ပူးပေါင်းရင်းမြစ်များ

1 SYIEM 12:32

U Jeroboam u seng ruh ïa ka jingkhawai niam ha ka sngi kaba khatsan jong u bnai uba phra, kum ka jingkhawai niam kaba ha Judah. Ha ka duwan kaba ha Bethel u la kñia ïa ki jingainguh ha kita ki khun masi ksiar kiba u la shna, bad u buh hangta ha Bethel ïa ki lyngdoh kiba shakri ha ki jaka mane kiba u la tei.

1 SYIEM 14:23

Ki tei ki jaka mane ïa ki blei thala, bad ki pynïeng ïa ki maw mot bad ki durblei Asherah ban mane ha ki jaka lum bad hapoh syrngiew ki dieng.

SALM 107:14

U wallam ïa ki na ka jingshaïong bad ka jingdum jong ki bad bthat lyngkhot lyngkhai ïa ki kynjri jong ki.

SALM 2:3

“To ngin pyllait ïa lade na ka jingsynshar jong ki,” ki ong; “to ngin bret noh ïa ka jingsynshar jong ki.”

SALM 78:58

Ki la pynbitar ïa u da ki jaka mane blei jong ki bymngeit, bad da ki bleithaw jong ki, ki pynlong ïa u ban bitar shla.

EKSODOS 19:8

Nangta u paidbah baroh u la jubab lang, “Ngin leh ïa kaei kaei baroh kaba U Trai u la kren,” bad u Moses u la leit ïathuh ïa kane ha U Trai.

EKSODOS 24:3

U Moses u wan ïathuh ha u paidbah ïa ki hukum baroh bad ïa ki aiñ baroh jong U Trai, bad ki briew baroh ki ïajubab lang, “Ïa kita baroh kiba U Trai u ong, ngin leh.”

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

ISAÏAH 1:21

Ka nongbah kaba shisien ka la long kaba lah ban shaniah ka la leh kum ka nuti! Ha kawei ka por ka la dap da ki rangbah bahok, hynrei mynta ki sah tang ki nongpynïap briew.

ISAÏAH 10:27

Haba kata ka por ka wan, ngan pyllaitluid ïa phi na ka bor jong ka Assyria, bad ka lyngkor jong ki kan ym long shuh ka jingbankhia halor ki tyrpeng jong phi.”

ISAÏAH 14:25

Ngan pynjot ïa ki nong Assyria ha ka ri Israel jong nga bad ngan kyrdem halor jong ki lumbah jong nga. Ngan pyllaitluid ïa ki briew jong nga na ka lyngkor jong ki nong Assyria bad na ki jingkit kiba ki don ban bah.

ISAÏAH 9:4

Namar me la pynkheiñ ïa ka lyngkor kaba la bankhia ïa ki bad ïa u dieng sympat uba la shoh ïa ki tyrpeng jong ki. Me la jop ïa ka jaitbynriew kaba la banbeiñ bad pyntrei shitom ïa ki briew jong me kumba me la jop ïa ka kynhun shipai jong ki Midian slem bah mynshuwa.

JEREMAÏAH 13:27

U la ïohi ba pha leh ïa kiei kiei kiba u isih. U la ïohi ba pha bud ïa ki blei thala halor ki lum bad ki lyngkha, kum u briew uba threw jakhlia ïa ka tnga u paramarjan jong u lane kum u kulai ïa ka kulai. Ko ki briew jong ka Jerusalem, phi long kiba la tim! Lano phin ïoh long kiba khuid?

JEREMAÏAH 17:2

Ki briew jong phi ki mane ha ki duwan bad ïa ki dak kiba la pynïeng na ka bynta ka blei Asherah harud jong uwei pa uwei u dieng bajyrngam, ha ki kliar lum

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 30:8

U Trai Badonbor Baroh u ong: “Haba kata ka sngi ka wan, ngan pynkheiñ ïa ka lyngkor kaba don sawdong ka ryndang jong ki bad ngan weng ïa ki kynjri jong ki, bad kin ym long shuh ki mraw jong ki nongwei.

JEREMAÏAH 5:5

Ngan leit sha ki briew kiba ha ka bor; bad ïakren bad ki. Da shisha ki tip kaei ba U Blei u dawa, kaei ba U Trai u kwah ïa ki ban leh.” Hynrei ki baroh ki la kyntait ïa ka iktiar jong U Trai bad ki kyntait ban kohnguh ïa u.

ESEKIEL 16:28

“Namar ym shym la pynhun ïa pha da kiwei, pha la leit bud nadien ki nong Assyria. Pha la long ka nuti jong ki, hynrei ki ruh kim shym la pynhun ïa pha.

ESEKIEL 16:31

Ha kawei pa kawei ka lynti bah pha la tei ki jaka ban mane ïa ki bleithaw bad ban ïaleh nuti. Hynrei pham shym beh ïa ka pisa kumba long kano kano ka nuti.

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 23:5

La ka long ka jong nga, ka Oholah ka ïai bteng ban long ka nuti bad ka dap da ka jingkwah brai ïa ki nongleh-ieit jong ka na Assyria.

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 3:3

Nga ong ïa ka ba ka dei ban ap slem ïa nga khlem da leh nuti lane klim; bad ha kane ka por ngan ïai ap ïa ka.

HOSIA 4:13

Ha ki jaka kyntang ha kliar ki lumbah ki kñia ainguh, bad ha ki lumrit ki thang jingiwbih hapoh ki dieng kiba jrong bad kiba ïar namar ka jingkahtngen jong ki ka long kaba sngewtynnat! “Kaba mih nangta, ki khun kynthei jong phi ki ïaleh nuti, bad ki pyrsa kurim kynthei jong phi ki ïaklim.

HOSIA 9:1

Ko ki paid Israel, sangeh noh kaba rakhe ïa ki Jingkhawai Niam kum ki riewthala. Phi la phai lyndet na la U Blei bad phi la long ki bymïaineh ha u. Ha baroh kawei ka ri phi la die ïa lade kum ki nuti ha u blei Baal bad phi la ieit ïa u kew uba phi pyrkhat ba u la siew na ka bynta jong phi!

LEBITIKOS 26:13

Nga, U Trai U Blei jong phi, uba wallam ïa phi na ka ri Ijipt khnang ba phin ym long shuh ki mraw. Nga la pynkheiñ ïa ka bor kaba pynpoh ïa phi, bad nga la pynlah ïa phi ban ïaid ha ka burom.”

NAHUM 1:13

Ngan pynkut mynta ïa ka bor jong ka Assyria halor jong phi bad ngan pyndkut ïa ki kynjri kiba teh ïa phi.”

DEUTERONOMI 12:2

Ha kata ka ri ba phi ïohkynti, pynjot ïa ki jaka baroh ha kiba ki briew ki mane ïa ki blei jong ki ha ki lum kiba jrong, ha ki lumrit, bad hapoh ki dieng kiba jyrngam.

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 26:17

Mynta ka sngi phi la pynbna ba U Trai u long U Blei jong phi; phi la kular ban kohnguh ïa u, ban sumar ïa ki aiñ bad ki hukum jong u, bad ban leh ruh kat ïa kaba u hukum.

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 5:27

Khie leit biang, ko Moses, bad shahshkor ïa kaei kaei baroh kat kaba U Trai U Blei jong ngi u don ban ong. Nangta wan phai pat bad ïathuh ha ngi aïu u la kren ha phi. Ngin shahshkor bad kohnguh ïa ka.’

JOSHUA 1:16

Ki la jubab ïa u Joshua, “Ngin leh ïa kaei kaei baroh kaba me la ong ïa ngi bad ngin leit kat shaba me phah ïa ngi.

JOSHUA 24:24

Nangta u paidbah u ong ha u Joshua, “Ngin shakri ïa U Trai U Blei jong ngi. Ngin kohnguh ïa ki hukum jong u.”

JOSHUA 24:26

U Joshua u thoh ïa kita ki hukum ha ka kitab Ka Aiñ U Blei. Nangta u la shim uwei u maw uba heh, bad u pynïeng ïa u hapoh u dieng Sning ha ka jaka kyntang jong U Trai.

JINGPYNPAW 17:1

Nangta uwei na kita ki hynñiew ngut ki angel kiba la don ïa ki hynñiew tylli ki pliang, u la wan sha nga bad u la ong, “Ale, ngan pyn-i ha me ba kumno yn pynshitom ïa ka nuti bapawnam, kata ka nongbah bakhraw ïa kaba la tei hajan ki wah babun.

NONGBISHAR 10:6

Sa shisien pat ki Israel ki la leh pop pyrshah ïa U Trai da kaba mane ïa ki Baal bad ïa ki Astarte, lem bad ïa ki blei jong ki Syria, jong ki Sidon, jong ki Moab, jong ki Ammon, bad jong ki Philistia. Ki la iehnoh ïa U Trai bad ki la sangeh ban mane ïa u.

NONGBISHAR 2:11

Nangta ki paid Israel ki la leh pop pyrshah ïa U Trai bad ki la sdang ban shakri ïa ki Baal.

NONGBISHAR 2:13

Ki la sangeh ban mane ïa U Trai bad ki la shakri ïa ki blei Baal bad Astarte.

1 SAMUEL 12:10

Nangta ki kyang sha U Trai ban ïoh jingïarap, bad ki ong, ‘Ngi la leh pop, namar ngi la phai noh na me, ko Trai, bad ngi la mane ïa ki bleithaw jong u Baal bad ki Astarte. To pyllait ïa ngi na ki nongshun jong ngi, bad ngin mane ïa me!’