JEREMAÏAH 2:2 - Khasi CL Bible (BSI)

² ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

KA BAIBL

² “Khie leit, pyrta ha ki shkor ka Jerusalem, to ong, “Kumne u ong U Trai, Nga kynmaw shaphang jong pha ïa ka jingsbun ka jinglong samla jong pha, ka jingieit ka jingïateh ktien jong pha; kumba pha la leit bud ïa nga ha ka ri khlaw, ha ka ri bym ju rep.

JEREMAÏAH 2:2 ပူးပေါင်းရင်းမြစ်များ

SALM 129:1

Ko Israel, to ïathuh ïa ngi haduh katno ki nongshun jong pha ki la pynshitom sat ïa pha naduh mynba pha dang samla.

EKSODOS 14:31

Haba ki Israel ki ïohi ïa ka borbah da kaba U Trai u jop ïa ki Ijipt, ki la ïeng da kaba tiengburom ïa U Trai; bad kumta ki la shaniah ha U Trai bad ha u Moses u shakri jong u.

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

PROBERB 1:20

Ha sngap! Ka Jingstad ka pyrta ha ki lynti shnong bad ha ki jaka ïew,

JINGRWAI SOLOMON 3:11

Ko ki kynthei ka Seïon, to wan bad khmih ïa u syiem Solomon. U da phong ïa ka pansngiat kaba ka kmie jong u ka la buh halor ka khlieh jong u ha ka sngi kyntiew kurim jong u, ha ka sngi ka jingsngewbha bad ka jingkmen jong u.

JINGRWAI SOLOMON 3:6

Kaei kane kaba wan na ri shyiap kum u rishot tdem, kaba iw da ka jingiwbih bad ka mirr, ka jingiwbih ba la die da ki nongkhaïi?

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

JEREMAÏAH 11:6

Nangta U Trai u la ong ha nga, “Khie leit sha ki nongbah jong ka Judah bad sha ki lynti jong ka Jerusalem. Pynbna ïa ka khubor jong nga hangta bad ïathuh ïa ki briew ban shahshkor ïa ki kyndon jong ka jutang bad ban kohnguh ïa ki.

JEREMAÏAH 19:2

bad ban leit lyngba ka Khyrdop Khra-pait shabar sha ka Them Hinnom. Hangta nga dei ban pynbna ïa ka khubor kaba un ai ha nga.

JEREMAÏAH 2:1

U Trai u la ong ïa nga

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 3:4

“Bad mynta pha ong ha nga, ‘Me long u kpa jong nga, bad me la ieit ïa nga naduh ba nga dang khunlung.

ESEKIEL 16:22

Ha ka jingim ba-ijli jong pha kum ka nuti pham ju kynmaw shisien ruh ïa la ka jinglong khynnah — mynba pha long kaba lyngkhuit, bad ïaksaid ha la ka jong ka snam.”

ESEKIEL 16:60

Hynrei ngan pyndonburom ïa ka jutang kaba nga la pynlong bad pha mynba pha dang samla, bad ngan pynlong ka jutang bad pha ka ban neh junom.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

ESEKIEL 23:19

Ka la nang kham long ka nuti ban ïa kaba ka ju long, ka la leh kumba ka la ju leh haba ka dang khynraw, mynba ka la long ka nuti ha Ijipt.

ESEKIEL 23:3

Mynba ki dang samla, ki shong ki sah ha Ijipt, ki la duh noh ka jinglong sotti bad ki kylla long ki nuti.

ESEKIEL 23:8

Ka ïai bteng na kaei kaba ka la sdang kum ka nuti ha Ijipt, hangta ha kaba la duh noh ïa la ka jinglong sotti. Naduh ka por ba ka long ka samla ba dang khynraw, ki rangbah ki la ïathiah bad ka bad leh ïa ka la kum ka nuti.

HOSIA 11:1

U Trai u ong, “Mynba u Israel u dang khynnah, nga la ieit ïa u, bad nga la khot noh ïa u na Ijipt kum u khun jong nga.

HOSIA 2:15

Ngan ai pat ha ka ïa ki bri sohwaiñ jong ka, bad ngan pynlong ïa ka Them Jingshitom sha ka khyrdop ka jingkyrmen. Hangta kan sa phai ktien ïa nga kumba ka la leh mynba ka dang samla, mynba ka wan mihnoh na ka ri Ijipt.

HOSIA 2:17

Ngan ym shah shuh ba kan dang kren ïa ka kyrteng u Baal.

HOSIA 2:7

Kan leit beh nadien ïa kiba ieit jong ka, hynrei kan ym lap ïa ki. Kan wad ïa ki hynrei kan ym shem ïa ki. Te kan sa ong, “Ngan leit phai noh sha u tnga uba nyngkong jong nga — nga kham bit kham biang myn ha kata ban ïa kaba nga long mynta.”

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

HOSIA 9:10

U Trai u ong, “Haba nga lap nyngkong ïa ki Israel, ka long kumba lap ïa ki sohwaiñ kiba mih ha ri shyiap. Haba nga ïohi nyngkong ïa ki kpa tymmen jong phi, ka long kumba ïohi ïa u soh Dumbur uba ih nyngkong ha ka aïom. Hynrei haba ki la wan sha u lum Peor, ki la sdang ban mane ïa u Baal, bad tang katto katne por ki la kylla long kiba isaitmet kum kita ki blei ba ki ieit.

JONAH 1:2

U ong, “Khie leit sha Ninebeh, kata ka nongbah kaba khraw, bad to kren pyrshah ïa ka; nga tip haduh katno kiba bymman ki briew jong ka ki long.”

MATHAÏOS 11:15

To shahshkor, te, lada phi don ki shkor!

LOUKAS 12:13

Uwei u briew na u paidbah u la ong ha U Jisu, “Ko Nonghikai, to ong ïa u hynmen jong nga ban ïabynta bad nga ïa ka jingdon jingem kaba u kpa jong ngi u la iehnoh ïa ngi.”

DEUTERONOMI 2:7

“Kynmaw kumno U Trai U Blei jong phi u la kyrkhu ïa phi ha kiei kiei baroh kiba phi la leh. U la sumar sukher ïa phi haba phi ïaid sakma lyngba kane ka ri shyiap kaba ïar. U la don ryngkat bad phi ha kine ki sawphew snem, bad phi la ïoh ruh kat ïa kaba phi donkam.

DEUTERONOMI 33:3

U Trai u ieit ïa la ki briew, bad u ïada ïa la ki jong. Kumta ngi dem ha ki kjat jong u, bad kohnguh ïa ki hukum jong u.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.