JEREMAÏAH 2:17 - Khasi CL Bible (BSI)

¹⁷ Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

KA BAIBL

¹⁷ Hato mem shym pynïoh ïa kane ïa lade, ha kaba me la lyndet ïa U Trai U Blei jong me, mynba u la ïalam ïa me ha ka lynti?

JEREMAÏAH 2:17 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

Ka Kitab U Job 34:27

namar ki la sangeh na kaba bud ïa u bad leh bymsalia ïa ki hukum jong u.

Ka Kitab U Job 4:8

Nga la ïohi ïa ki briew ba ki lur ïa ki lyngkha jong ka jingsniew bad ki bet ïa ka jingbymman kum u symbai; mynta ki ot da ka jingbymman bad ka jingsniew.

SALM 107:7

U la ïalam ïa ki na ka lynti kaba beit sha ka nongbah ha kaba ki lah ban shong ban sah.

SALM 136:16

U la ïalam ïa la ki briew lyngba ka ri shyiap; ka jingieit jong u ka neh bymjukut.

SALM 77:20

Me la ïalam ïa la ki briew kum u nongap langbrot, ha ka jingkhmih u Moses bad u Aaron.

PROBERB 15:10

Lada phi leh ïa kaei ka bymdei, yn pynshitom sat ïa phi; phin ïap lada phim ailad ban pynbeit ïa phi.

ISAÏAH 1:4

Phi long ba la tim, phi ka jaitbynriew bapop, phi ki riew jakhlia bad bymman! Ki pop jong phi ki tan ïa phi sha trai. Phi la kyntait ïa U Trai, U Blei bakhuid jong ki Israel, bad phi la pynphai ïa la ki ingdong sha u.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

JEREMAÏAH 13:22

Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 4:18

Ko Judah, pha la wallam ïa kane halor lade da ka rukom kaba pha la im bad da kiei kiei kiba pha la leh. Ka pop jong pha ka la pynjia ïa kane ka jingjynjar; ka la dung ïa pha lyngba ka dohnud.

JEREMAÏAH 5:25

Pynban, ki pop jong phi ki la bat noh ïa kine kiei kiei kiba bha na phi.

ESEKIEL 39:24

Nga la ai ïa ki ïa kaei kaba ki dei ban ïoh na ka bynta ka jingbymkhuid bad ka jingbymman jong ki, bad nga la phai noh na ki.”

HOSIA 13:9

“Ngan pynjot ïa phi, ko ki paid Israel! Te uei uba lah ban ïarap ïa phi?

MIKAH 1:5

Kane baroh kan jia namar ba ki paid Israel ki la leh pop bad ïaleh pyrshah ïa U Blei. Ïano yn kynnoh na ka bynta ka jingïaleh pyrshah ki Israel? Ka Samaria hi, ka nongbah! Mano ba shah kynnoh ïa ka jingmane bleithaw ha Judah? Ka Jerusalem hi!

JINGKHEIÑ 32:23

Hynrei lada phim bat ïa la ka kular, nga maham ïa phi ba phi leh pop pyrshah ïa U Trai. Wat bakla ïa kane; phin shah pynshitom namar ka pop jong phi.

DEUTERONOMI 32:10

“U lap ïa ki ha ka ri shyiap ba ki ïaid sakma, ka ri shyiap kaba kynjah. Ïa ki u sumar bad u ker u da, kumba u ïada ïa lade.

DEUTERONOMI 32:19

“Haba U Trai u la ïohi ïa kata, u bitar da shisha, bad u kyntait ïa la ki khun shynrang bad kynthei.