JEREMAÏAH 2:15 - Khasi CL Bible (BSI)

¹⁵ Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

KA BAIBL

¹⁵ Ki sing samla ki la kyrhuh ïa u, bad ki la kyang: bad ïa ka ri jong u ki la pynkynjah; ïa ki shnong jong u la thang duh, bymshong briew shuh.

JEREMAÏAH 2:15 ပူးပေါင်းရင်းမြစ်များ

Ka Kitab U Job 4:10

U bymman u kyrhuh bad u byrngem kum ki sing, hynrei U Blei u pynsngap jar ïa ki bad u sloit ïa ki bniat jong ki.

SALM 57:4

Ïa nga la ker sawdong da ki nongshun, kiba long kum ki sing bathrang ïa ka doh briew. Ki bniat jong ki kum ki sum bad ki khnam; ki thylliej jong ki kum ki waitlam banep.

ISAÏAH 1:7

Ïa ka ri jong phi la pynjot thiaw, ïa ki nongbah la thang duh da ka ding. Katba phi dang khmih, ki nongwei ki kurup ïa ka ri jong phi bad ki pynpra ïa kiei kiei baroh.

ISAÏAH 24:1

U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

ISAÏAH 5:29

Ki shipai ki kyrhuh kum ki sing kiba la pynïap ïa ka mrad bad kiba la rong ïa ka sha ka jaka ha kaba ym don ba lah ban knieh ïa ka na ki.

ISAÏAH 5:9

Nga la ïohsngew ba U Trai Badonbor Baroh u ong, “Baroh kine ki ïing kiba heh bad kiba itynnat kin long kiba la pra bad thylli.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 10:22

To shahshkor! Ka khubor ka wan! Ka don ka jingkhihwin bakhraw ha ka jaitbynriew bashatei; ka kynhun shipai jong ka kan pynkylla ïa ki nongbah ka Judah sha ka ri shyiap, ka jaka ha kaba ki shong ki myrsiang.”

JEREMAÏAH 25:30

“Ma me, ko Jeremaïah, me dei ban pynbna ïa baroh kaba nga la ong. Me dei ban ïathuh ha kine ki briew, “ ‘U Trai un kyrhuh na bneng, bad un kyrhuh pyrthat na ki bynta bajrong ka bneng; un sa kyrhuh pyrshah ïa la ki briew; un kyang kum u briew uba ïuh ïa ki sohwaiñ. Uwei pa uwei ha ka pyrthei un ïohsngew ïa u, bad ka jingsawa kan sawa shaduh kiba kut ka pyrthei.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 26:9

Balei ba me la kren ha ka kyrteng jong U Trai ba kane ka Templ kan long kum ka Shiloh bad ba ïa kane ka nongbah yn pynjot bad yn ym don bashong ba sah hangta?” Nangta ki briew ki ïalum sawdong ïa nga.

JEREMAÏAH 33:10

U Trai u la ong, “Ki briew ki ïa-ong ba kane ka jaka ka long kum ka ri shyiap, ba kam don ki briew ne ki mrad kiba im ha ka. Bad ki ong ïa kaba dei; ki shnong ka Judah bad ki surok bah ka Jerusalem ki long thylli; ym don ki briew ne ki mrad kiba im hangta.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 51:38

Ki nong Babilonia baroh ki kyrhuh kum ki sing bad jlew kum ki khun sing.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

ESEKIEL 36:3

“To ïathuhlypa, nangta, bad to pynbna ïa kaei kaba ma nga, U Trai Nongsynshar nga ong. Mynba ki jaitbynriew ba-marjan ki la kurup bad lute ïa ki lumbah ka Israel, baroh ki la krenbeiñ ïa ka Israel.

ESEKIEL 5:14

Uno uno na ki jaitbynriew baroh sawdong jong pha uba dei ïaid lynti un rkhiebeiñ ïa pha bad un kiar na pha.

HOSIA 11:10

“Ki briew jong nga kin sa wan bud ïa nga haba nga kyrhuh kum u sing ïa ki nongshun jong ki. Kin wan kyrkieh sha nga na sha sepngi.

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

AMOS 3:12

U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

AMOS 3:4

Hato u sing u ju kyrhuh ha khlaw lymda u la lap ei ei ban kynrup? Hato u sing samla u ju byrngem ha la krem lymda u la ïohkem ei ei?

AMOS 3:8

Haba u sing u kyrhuh, uei uba lah ban lait na ka jingtieng? Haba U Trai Nongsynshar u kren, uei uba lah ban lait khlem pynbna ïa ka khubor jong u?

NAHUM 2:11

Hangno mynta ka don ka nongbah kata kaba long kum ka krem jong ki sing, ka jaka ha kaba la bsa ïa ki sing samla, ha kaba u sing bad ka sing kin leit bad ki khun jong ki kin don ha ka jingshngain?

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

SEPHANAÏAH 2:5

Ma phi ki Philistia phi long kiba la tim, phi ki briew kiba shong basah ha shi lynter jong ka rud duriaw. U Trai u la ai ka rai bishar halor jong phi. Un pynjot ïa phi, bad yn ym pynsah ïa uwei ruh.

SEPHANAÏAH 3:6

U Trai u ong, “Nga la pynduh lut ïa ki jaitbynriew baroh; nga la pynjot ïa ki nongbah jong ki bad iehnoh ïa ki kynroh bad ïa ki kut jong ki ha ki jingjot. Ki nongbah ki la shah iehnoh; ki lynti bah ki thylli — ym shym pynsah ïa uwei ruh.

SEKHARAÏAH 11:3

Ki nongsynshar ki kyang jam ha ka jingsngewsih; ka burom jong ki ka la leit noh! To pynshahshkor ïa ka jingkyrhuh jong ki sing; ïa ka ïing khlaw jong ki ha shi lynter jong ka Jordan la pynjot.

NONGBISHAR 14:5

Kumta u Samson u leit hiar sha Timnah ryngkat bad la u kpa bad ka kmie. Katba ki dang ïaid lyngba ki bri sohwaiñ hangta, u ïohsngew ïa u sing samla ba u kyrhuh.