JEREMAÏAH 2:13 - Khasi CL Bible (BSI)

¹³ namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

KA BAIBL

¹³ Naba ki briew jong nga ki la leh ar tylli ki jingsniew; ki la lyndet ïa nga ka umpohliew ki um ba-im, bad ki la shna ïa lade ki pukri, ki pukri kiba pei, ki bym lah pynsah um.

JEREMAÏAH 2:13 ပူးပေါင်းရင်းမြစ်များ

2 SYIEM 22:17

Ki la kyntait ïa nga bad ki la ai ïa ki jingkñia ha kiwei ki blei, bad kumta la pynkhih bitar ïa nga da baroh kaba ki leh. Ka jingbitar jong nga ka khie pyrshah ïa ka Jerusalem, bad kan ym duh noh.

SALM 36:9

Me long ka tyllong jong ka jingim baroh; bad namar ka jingshai jong me ngi ïohi ïa ka jingshai.

EKLESIASTIS 1:14

Nga la ïohi ïa kaei kaei baroh ba la leh ha ka pyrthei, bad nga ong ha phi ba baroh ka long ka bymmyntoi. Ka long kum ka jingbeh ïa ka lyer.

EKLESIASTIS 1:2

Ka long ka bymmyntoi, ka bymmyntoi, ong u Stad saiñpyrkhat. Ka jingim ka long ka bymmyntoi, baroh ka long ka bymmyntoi.

EKLESIASTIS 12:8

Ka bymmyntoi, ka bymmyntoi, ong u Stad saiñpyrkhat. Baroh ka long ka bymmyntoi.

EKLESIASTIS 2:11

Nangta nga la pyrkhat ïa baroh kaba nga la leh bad haduh katno nga la trei shitom ïa ka bad nga la sngewthuh ba kam kit jingmut ei ei. Ka la long kum ka jingbeh ïa ka lyer — ka bymmyntoi ei ei.

EKLESIASTIS 2:21

Phi trei ïa kaei kaei da ka jingstad, ka jingtip bad ka jingtbit jong phi baroh, bad nangta phi dei ban iehnoh ïa ka baroh ha uwei pat u bym shym la trei ïa ka. Ka long ka bymmyntoi, bad kam long kaba dei!

EKLESIASTIS 2:26

U Blei u ai ka jingstad, ka jingtip bad ka jingkmen ha kito kiba pynsngewbha ïa u, hynrei u pynlong ïa ki nongpop ban trei, ban kamai bad ban kynshew, ba kumta kaei kaba ki ïoh lah ban ai ha kito kiba pynsngewbha ïa u. Baroh ka long ka bymmyntoi. Ka long kum ka jingbeh ïa ka lyer.

EKLESIASTIS 4:4

Nga la tip ruh balei ba ki briew ki trei shitom ban jop: Ka dei namar ba ki bishni ïa kiei kiei kiba ki paramarjan jong ki, ki don. Hynrei ka long ka bymmyntoi. Ka long kum ka jingbeh ïa ka lyer.

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 1:4

Phi long ba la tim, phi ka jaitbynriew bapop, phi ki riew jakhlia bad bymman! Ki pop jong phi ki tan ïa phi sha trai. Phi la kyntait ïa U Trai, U Blei bakhuid jong ki Israel, bad phi la pynphai ïa la ki ingdong sha u.

ISAÏAH 12:3

Kumba ka um kaba sngur ka wanrah jingkmen ïa uba sliang, kumta ki briew jong U Blei kin shadkmen haba u pyllait im ïa ki.”

ISAÏAH 5:13

kumta ïa phi yn rah noh kum ki koidi. Ki nongïalam jong phi kin shahthngan haduh ban ïap, bad ki riewpaidbah kin ïap thynrang.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

ISAÏAH 63:8

U Trai u ong, “Ki long ki briew jong nga kin ym shukor ïa nga.” Bad kumta u la pyllait im ïa ki na ki jingjynjar jong ki baroh.

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 18:14

Hato ki kynjang mawsiang jong ka Lebanon ki ju long khlem ka ïor? Hato ki wahduid ba dait-thah na ki lumbah ki ju rngad?

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:26

U Trai u ong, “Kumba u nongtuh u shah pynjahburom haba la kem ïa u, kumta ïa phi baroh ki paid Israel yn pynjahburom — ki syiem bad ki rangbah synshar jong phi, ki lyngdoh bad ki nongïathuhlypa jong phi.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:26

“Ki riewsniew ki don hapdeng ki briew jong nga; ki apthap kum ki briew kiba phriang ïa ki jar ban riam ïa ki sim, hynrei kiba pynap ïa ki jingriam jong ki ban riam ïa ki briew.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

ESEKIEL 47:1

Uta u briew u la ïalam pat ïa nga sha ka jaka rung jong ka Templ. Ka um ka dang mih napoh jong ka jaka rung bad ka tuid shaphang mihngi, ka phang sha kaba ka Templ ka phai. Ka dang tuid sharum na ka khrum jong ka bynta ka Templ kaba shathie shaduh sha palat ïa ka bynta kaba shathie jong ka duwan.

MIKAH 2:8

U Trai u jubab, “Phi tur ïaleh ïa ki briew jong nga kum ki nongshun. Ki rangbah ki wan phai na ka thma, da kaba pyrkhat ba kin shngain ha ïing, hynrei hangta ki shem, ïa kiba ap ban tuh noh ïa ki jaiñphong na ka met jong ki.

MIKAH 6:3

U Trai u ong, “Ko ki briew jong nga, nga la leh aïu ïa phi? Kumno nga la long ka jingkit ïa phi? To jubab ïa nga.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:11

“Ko kynrad,” kata ka briew ka la ong, “mem don ïa ka jingtong, bad ka pukri ka long kaba jylliew. Nangno men ïoh ïa kata ka um kaba ai jingim?

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

2 PETROS 2:17

Kine ki briew ki long kum ki pukri ba la tyrkhong, kum ki lyoh ba la rong noh da ka 'erïong; U Blei u la buh tyngkai ïa ka jaka na ka bynta jong ki ha ka jingdum tliw tliw.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.

NONGBISHAR 10:13

Pynban phi dang iehnoh ïa nga bad mane ïa kiwei pat ki blei; kumta ngan ym pyllait ïa phi sa shisien pat.

1 SAMUEL 12:10

Nangta ki kyang sha U Trai ban ïoh jingïarap, bad ki ong, ‘Ngi la leh pop, namar ngi la phai noh na me, ko Trai, bad ngi la mane ïa ki bleithaw jong u Baal bad ki Astarte. To pyllait ïa ngi na ki nongshun jong ngi, bad ngin mane ïa me!’