JEREMAÏAH 2:11 - Khasi CL Bible (BSI)

¹¹ Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

KA BAIBL

¹¹ Ka jaid bynriew ka la ïabujli ne em ïa la ki blei, wat ki bymlong ki blei ruh? Hynrei, ki briew jong nga ki la ïabujli ïa la ka burom na ka bynta kata ka bymmyntoi.

JEREMAÏAH 2:11 ပူးပေါင်းရင်းမြစ်များ

1 SYIEM 11:33

Ngan leh ïa kane namar u Solomon u la kyntait ïa nga bad u la mane ïa ki blei nongwei: ka Astarte, ka blei ki Sidon; u Khemosh, u blei ki Moab; bad u Molekh, u blei ki Ammon. U Solomon u la lyndet ïa nga; u la leh palat, bad um shym la sumar ïa ki aiñ bad ki hukum jong nga kumba u Dabid u kpa jong u, u la leh.

2 SYIEM 1:3

Hynrei u angel U Trai u hukum ïa u Elijah, u nongïathuhlypa na Tishbe, ban leit bad ïashem ïa ki nonglamktien jong u syiem Ahasaïah bad ban kylli ïa ki, “Balei phi leit ban kylli ïa u Baalsebub, u blei ka Ekron? Hato ka dei namar ba phi pyrkhat ba ym don blei ha Israel?

2 KHRONIKL 13:9

Phi beh noh shabar ïa ki lyngdoh ki jong U Trai, ki khun ki ksiew jong u Aaron, bad phi beh noh ïa ki Lebi. Ha ka jaka jong ki phi la thung ïa ki lyngdoh ha kajuh ka rukom ba kiwei ki jaitbynriew ki leh. Uno uno uba wanrah lang bad u masi ne hynñiew tylli ki langbrot u lah ban ïoh pynkyntang kum u lyngdoh jong kito kiba shu khot ki blei jong phi.

SALM 106:20

ki la ïakylliang noh ïa ka burom jong U Blei bad ka dur jong u mrad uba bam phlang.

SALM 115:4

Ïa ki blei jong ki la thaw da ka rupa bad ka ksiar, ba la pynwandur da ki kti jong ki briew.

SALM 3:3

Hynrei ma me, A Trai, me long borabor ka stieh jong nga na ka jingma; me ai ha nga ka jingjop, bad me pynïoh pat ïa ka jingshlur jong nga.

ISAÏAH 37:19

bad ki la thang lut ïa ki blei jong ki — ki bym long satia ki blei, tang ki dur jong u dieng bad u maw ba la shna da ki kti briew.

JEREMAÏAH 16:20

Hato u briew u lah ban shna ïa ki blei jong u? Em, lada u leh kumta, kin ym long shisha ki blei.”

JEREMAÏAH 18:13

U Trai u ong, “Kylli ïa kawei pa kawei ka jaitbynriew la kaba kum kane kaei kaei ka la ju jia mynshuwa. Ki paid Israel ki la leh ïa kaei kaba shyrkhei!

JEREMAÏAH 2:5

U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

ESEKIEL 5:7

Mynta to sngew, ko Jerusalem, ïa kaei kaba ma nga, U Trai Nongsynshar, Nga ong. Da kaba pham kohnguh ïa ki aiñ jong nga ne sumar ïa ki hukum jong nga, pha la pynmih kham bun ki jingeh ban ïa kito ki jaitbynriew kiba don sawdong jong pha, pha la shu bud tynneng ïa ki rukom leh jong kiwei pat ki jaitbynriew.

MIKAH 4:5

Kawei pa kawei ka jaitbynriew ka mane bad kohnguh ïa la u jong u blei, hynrei ngi ngin mane bad kohnguh ïa U Trai U Blei jong ngi junom la junom.

Ka Shithi U Paul Sha Ki Nong Rom 1:23

ha ka jaka ba kin mane ïa U Blei uba im, ki mane ïa ki dur ba la thaw ban i kum u briew ne ki sim ne ki mrad ne ki mrad bapar kiba ïap noh.

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

GALATIA 4:8

Ha ka por ba la leit phim shym la ithuh ïa U Blei, kumta phi long ki mraw jong ki jingthaw ki bym dei ki blei.

DEUTERONOMI 32:16

Ka jingmane bleithaw jong ki ka pynlong ïa U Trai ban ym lah shah, ki kam bymman jong ki, ki la pynlong ïa u ban bitar.

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.

DEUTERONOMI 33:29

Suk shisha ma pha, ko Israel! ym don kaba kum ma pha, ka jaitbynriew ba la pyllait im da U Trai. U Trai hi u long ka stieh bad ka waitlam jong pha, ban ïada ïa pha bad ai ha pha ka jingjop. Ki nongshun jong pha kin wan dem wan nguh ïa pha, bad phan sa ïuhroit ïa ki.

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;

1 SAMUEL 4:21

Ka pynkyrteng ïa uta u khunlung u Ikhabod, ka da batai, “Ka burom U Blei ka la phet na Israel!” — kaba thew ïa ka jingshah knieh noh ïa ka Synduk ka Jutang, bad ka jingïap u kthaw kurim bad u tnga jong ka.