JEREMAÏAH 2:10 - Khasi CL Bible (BSI)

¹⁰ Khie leit sha sepngi sha ka dewlynnong Sypros, bad phah ïano ïano shaphang mihngi sha ka ri Kedar. Phin ïohi ba ym pat ju don kaba kum kane kaba la jia mynshuwa.

KA BAIBL

¹⁰ Namar to ryngkang sha ki 'dewlynnong Kittim, bad to khmih; bad to phah sha Kedar de, bad da pyrkhat bha; bad to khmih lada ju don kaba kum kane.

JEREMAÏAH 2:10 ပူးပေါင်းရင်းမြစ်များ

JENESIS 25:13

ka la ïoh ïa kine ki khun shynrang, ïa kiba la thoh ter ter kat kum ka sngi kha jong ki: u Nebaïoth, u Kedar, u Adbeel, u Mibsan,

1 SYIEM 9:9

Te ki briew kin jubab, ‘Dei namar ba ki la kyntait ïa U Trai U Blei jong ki, uba la wan ïalam ïa ki kpa tymmen jong ki na Ijipt, bad ki la snoh ha kiwei pat ki blei, bad ki la mane bad shakri ïa ki. Namarkata, U Trai u la pynngat ha ki ïa kane ka apot.’ ”

1 KHRONIKL 1:7

Ki khun ki ksiew jong u Jaban ki dei ki jaitbynriew jong ka Elishah, ka Spain, ka Sypros, bad ka Rhodes.

1 KHRONIKL 23:1

Haba u Dabid u la tymmen bha, u thung ïa u Solomon u khun jong u kum u syiem halor ki Israel.

1 KHRONIKL 23:12

U Kohath u don saw ngut ki khun shynrang: u Amram, u Ishar, u Hebron, bad u Ussiel.

SALM 120:5

Ban shong hapdeng jong phi ka sniew hi kum kaba shong ha Meshekh lane hapdeng ki briew jong ka Kedar.

ISAÏAH 21:16

Nangta U Trai u ong ha nga, “Hapoh shisnem thik ka jingkhraw jong ki jait jong ka Kedar kan poi sha kaba kut.

ISAÏAH 23:1

Kane ka dei ka khubor ïa ka Tyros. To lynñiar da ka jingsngewsih, phi ki maji ha ki duriaw-bah! Ïa ka kadlieng ha ka shnong jong phi, ka Tyros, la pynjot; ki ïing bad ka kadlieng jong ka ki don ha ka jingjot. Kumba ki liengbah jong phi ki wan phai na Sypros, phi tip ïa ka khubor.

ISAÏAH 23:12

Ko ka nongbah Sidon, ka jingkmen jong pha ka la kut, bad ki briew jong pha ki shah banbeiñ. Wat la kin lait phet sha Sypros, pynban kin ym pat lait na ka jingma.

JEREMAÏAH 49:28

Kane ka dei kaei kaba U Trai u ong shaphang ka jait Kedar bad ïa ki distrik hapoh ka jingpynïaid u Hasor, ïa kiba la jop thma da u Nebukhadnessar u syiem ka Babilonia: “Tur ïaleh ïa ki briew jong ka Kedar bad pynjot ïa kata ka jait jong ki briew na mihngi!

ESEKIEL 16:16

Pha la pyndonkam katto katne tylli ki jaiñ jong pha ban pynitynnat ïa ki jaka mane jong pha, bad kum ka nuti, pha la ai ïa lade ha uei uei baroh.

ESEKIEL 27:21

Ki Arab bad ki nongsynshar ka ri Kedar ki la siew na ka bynta ki mar khaïi jong pha da ki khunlangbrot, ki langbrot, bad ki blang.

ESEKIEL 27:6

Ki shim ïa ki dieng Sning na Bashan ban shna boitha; ki shna ïa ka rynsan jong pha na ki kseh ba na Sypros bad pyndait ha ka da ki bniat hati.

ESEKIEL 5:7

Mynta to sngew, ko Jerusalem, ïa kaei kaba ma nga, U Trai Nongsynshar, Nga ong. Da kaba pham kohnguh ïa ki aiñ jong nga ne sumar ïa ki hukum jong nga, pha la pynmih kham bun ki jingeh ban ïa kito ki jaitbynriew kiba don sawdong jong pha, pha la shu bud tynneng ïa ki rukom leh jong kiwei pat ki jaitbynriew.

DANIEL 11:18

Hadien kata un tur ïaleh ïa ki hima kiba harud duriaw bad u jop ïa kiba bun na ki. Hynrei u nongïalam nongwei un jop ïa u bad un pynkut ïa ka jinglehmeng jong u; da shisha un pynphai pat ïa ka jinglehmeng jong u syiem ka Syria sha u.

DANIEL 11:30

Ki nong Rom kin wan ha ki liengbah bad kin pyrshah ïa u, bad un sa sheptieng. “Te un leit phai pat ha ka jingbitar shla bad un pyrshang ban pynjot ïa ka niam jong ki briew jong U Blei. Un bud ïa ka jingai jingmut jong kito kiba la iehnoh ïa kata ka niam.

JINGKHEIÑ 24:24

Ki nonghiarthma kin wan da ki lieng na Sypros; Kin jop ïa u Assyria bad u Eber, Hynrei ma ki ruh kin jah noh jar.”

1 KORINTH 5:1

Mynta, la don ka jingong kaba thikna ba ka don ka jingïaleh awria hapdeng jong phi kaba shyrkhei haduh katta katta ba wat ki bymngeit kin sngewrem ïa kata. La ïathuh ïa nga ba uwei u briew u ïathiah shongkha bad la ka meinah!

NONGBISHAR 19:30

Kat uba ïohi ïa ka u ong, “Ngim pat ju ïohsngew ïa kaba kum kane kaei kaei! Ym pat ju jia mynno mynno kaba kum kane naduh ba ki Israel ki la mih na Ijipt! Ngi dei ban leh ei ei na ka bynta kane! Kan jia aïu hadien?”