JEREMAÏAH 19:9 - Khasi CL Bible (BSI)

⁹ U nongshun un kerkut ïa ka nongbah bad pyrshang ban pynïap ïa ki briew. Ka jingkerkut kaba shyrkhei katta katta ba ki briew hapoh ka nongbah kin ïabam iwei ïa iwei pat bad wat ïa la ki khun.”

KA BAIBL

⁹ Bad ngan pynbam ïa ki da ka doh ki khun shynrang jong ki bad da ka doh ki khun kynthei jong ki, bad kin bam uwei uwei baroh ïa ka doh u lok jong u, ha kata ka jingker kut bad ha kata ka jingshipa, da kaba ki nongshun jong ki, bad kita kiba wad ïa ka jingim jong ki, kin pynshipa ïa ki.

JEREMAÏAH 19:9 ပူးပေါင်းရင်းမြစ်များ

2 SYIEM 25:3

Ha ka sngi kaba khyndai jong u bnai uba saw jong kata kajuh ka snem, mynba ka jingkyrduh bam ka la jur katta katta ha kaba ki briew kim don ei ei shuh ban bam, la pynpra ïa ki kynroh ka nongbah.

ISAÏAH 9:20

Hangno hangno hapoh jong ka ri, ki briew ki knieh kynthet bad ki bam ïa kano kano ka jingbam kaba ki lah ban shem, hynrei ïa ka jingthngan jong ki ym lah da lei lei ban pynkdang. Ki da bam ruh wat ïa ki khun jong ki hi!

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

JEREMAÏAH 38:9

“Ko Syiem, kaei kaba kine ki briew ki la leh ka long ka bym dei. Ki la thep ïa u Jeremaïah ha ka pung, ha kaba, da shisha, un sa ïap ha ka jingïapthngan, namar ym don jingbam shuh ha ka nongbah.”

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

SNGEWSYNEI 4:10

Ka jingpynjot kaba la wan ha ki briew jong nga ka wallam ka jingsngew shyrkhei; ki kmie kiba ieit ki shet ïa la ki khun ban long jingbam.

ESEKIEL 5:10

Kaba mih nangta kan long ba ki kmie ki kpa ha Jerusalem kin bam ïa la ki khun, bad ki khun pat kin bam ïa la ki kmie ki kpa. Ngan pynshitom ïa pha bad ngan pynsakma kylleng ïa kino kino kiba dang im.

LEBITIKOS 26:29

Namar ba la palat ka jingthngan, phin hap bam sa ïa la ki jong ki khun.