JEREMAÏAH 19:7 - Khasi CL Bible (BSI)

⁷ Ha kane ka jaka ngan pynpulom ïa baroh ki jingthmu jong ki briew ka Judah bad ka Jerusalem. Ngan shah ïa ki nongshun jong ki ban risa halor jong ki bad pynïap ïa ki ha ka thma. Ngan ai ïa ki metïap jong ki ha ki sim bad ha ki mradkhlaw kum ka jingbam.

KA BAIBL

⁷ Bad ngan pynlong kaba sep ei ïa ka jingpyrkhat ka Judah bad Jerusalem ha kane ka jaka; bad ngan pynkyllon ïa ki da ka waitlam ha khmat ki nongshun jong ki, bad da ka kti kita kiba wad ïa ka jingim jong ki: bad ïa ki metïap jong ki ngan ai ban long jingbam ïa ki sim bneng, bad ïa ki mrad khlaw ka khyndew.

JEREMAÏAH 19:7 ပူးပေါင်းရင်းမြစ်များ

2 SYIEM 21:14

Ngan iehnoh ïa ki briew kiba lait im bad aiti ïa ki ha ki nongshun jong ki, ki ban jop ïa ki bad lute ïa ka ri jong ki.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 29:14

Kumta ngan sa pynkyndit ïa ki da kawei hadien kawei pat ka jingtied kaba kim poi pyrkhat. Kito kiba stad kin kylla long ki bieit, bad baroh ka jingsian jong ki kan long lehnoh-ei.”

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

JEREMAÏAH 15:2

Haba ki kylli ïa me shano ki dei ban leit, ïathuh ïa ki ba nga la lah ong: “Ïa ki katto katne ngut la tim ban ïap da ka jingpang — kata ka dei sha kaba kin leit! Ïa kiwei pat la tim ban ïap ha ka thma — kata ka dei sha kaba kin leit! Ïa ki katto katne ngut la tim ban ïap na ka jingïapthngan — kata ka dei sha kaba kin leit! Ïa kiwei pat la tim ban shah ring noh kum ki koidi — kata ka dei sha kaba kin leit!

JEREMAÏAH 15:9

Ka kmie kaba la duh noh ïa ki hynñiew ngut ki khun jong ka, ka la ïapler, ka da thrang ïa ka jingring mynsiem. Ka jingshai jong ka sngi jong ka, ka la kylla sha ka jingdum; la pynjahburom ïa ka bad ka pang ka dohnud. Ngan shah ïa ki nongshun jong phi ban pynïap ïa kito na phi kiba dang im. Ma nga, U Trai, nga la kren.”

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 22:19

Yn tep ïa u kumba tep ïa u kada, un sa shah ring bad bret ïa u shabar ki khyrdop ka Jerusalem.”

JEREMAÏAH 22:25

bad ngan ai ïa me ha ki briew ïa kiba me sheptieng, ki briew kiba kwah ban pynïap ïa me. Ngan ai ïa me ha u Nebukhadnessar u syiem ka Babilonia bad ha ki shipai jong u.

JEREMAÏAH 32:28

Ngan sa ai ïa kane ka nongbah ha u Nebukhadnessar u syiem ka Babilonia bad ka kynhun shipai jong u; kin kurup ïa ka bad thang ïa ka da ka ding.

JEREMAÏAH 34:20

Ngan aiti noh ïa ki sha ki nongshun jong ki, kiba kwah ban pynïap ïa ki, bad ïa ki metïap jong ki yn bam da ki sim bad ki mradkhlaw.

JEREMAÏAH 46:26

bad ngan aiti ha kito kiba kwah ban pynïap ïa ki, ha u Nebukhadnessar, u syiem ka Babilonia bad ka kynhun shipai jong u. Hynrei shen hadien, ki briew kin shong kin sah biang ha Ijipt, kumba ki la leh ha ki por ba la leit. Ma nga, U Trai, nga la kren.”

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

JEREMAÏAH 8:8

Kumno phi lah ban ong ba phi long kiba stad, bad ba phi tip ïa ki aiñ jong nga? Ha khmih, ïa ki aiñ la pynkylla da ki nongthoh bymhok.

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

SNGEWSYNEI 3:37

Tang ïa ka mon ka jong U Trai hi la ju ïai pyndep.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

Ka Shithi U Paul Sha Ki Nong Rom 3:31

Hato kane ka mut ba da kane ka jingngeit ngi kyntait noh ïa ka Hukum? Em, ym kumta; pynban, ngi pynskhem ïa ka Hukum.

Ka Shithi U Paul Sha Ki Nong Rom 4:14

Naba lada kaei kaba U Blei u kular ban ai ha kito kiba kohnguh ïa ka Hukum, te ka jingngeit u briew kam don jingmut bad ka jingkular U Blei kam dondor ei ei.

1 SAMUEL 17:46

Ha kane hi ka sngi U Trai un aiti ïa me hapoh ka bor jong nga; ngan pynkyllon ïa me bad ngan khrai ïa ka khlieh jong me. Bad ngan ai ïa ki metïap jong ki shipai Philistia ha ki sim bad ha ki mrad ba kin bam.